Türkmenistanda iki sany täze ministrlik döredildi
Türkmenistanda iki sany täze ministrlik döredildi
Türkmenistanyň zähmet we ilaty durmuş taýdan goramak ministri wezipesine Bekmyrat Şamyradow bellenildi.
09.04.2011
Anna güni geçirilen Ministrler Kabinetiniň mejlisinde Türkmenistanyň prezidenti Gurbanguly Berdimuhamedow ýurtda ýene iki sany täze ministrligi döretmek barada permana gol çekdi.
Olaryň biri Türkmenistanyň Zähmet we ilaty durmuş taýdan goramak ministrligi, beýlekisi bolsa Türkmenistanyň Jemagat hojalygy ministrligidir.
Türkmenistanyň Zähmet we ilaty durmuş taýdan goramak ministrligi ozalky Durmuş taýdan üpjünçilik ministrliginiň binýadynda döredilen täze ministrlikdir. Täze ministrligiň öňünde durýan wezipe döwletiň zähmet, demografiki howpsuzlygy üpjün etmek we ilaty durmuş taýdan goramak boýunça syýasatyny durmuşa geçirmekden ybarat bolmalydyr diýip, Berdimuhamedow nygtady.
Mundan başga-da prezident Zähmet we ilaty durmuş taýdan goramak ministrliginiň öňünde ilatyň iş bilen üpjünçiligine gözegçilik etmek, şeýle hem ýurduň raýatlaryny işe ýerleşdirmäge ýardam bermek we olary işsizlikden goramak, raýatlaryň bir ýerden başga ýerlere işlemäge gitmegi bilen bagly meseleler boýunça döwlet kömeklerini etmek wezipelerini amala aşyrmagy borç edip goýdy.
Jemagat hojalygy ministrligi
Türkmenistanyň jemagat hojalygy ministri wezipesine Arslan Ýagşymämmedow bellenildi.
Türkmenistanyň Jemagat hojalygy ministrliginiň döredilmeginiň zerurlygyny Berdimuhamedow ýurtda döredilýän täze desgalardyr seýilgähleri, awtomobil ýollaryny talaba laýyk ýagdaýda saklamak boýunça alnyp barylýan işleriň ep-esli artandygy bilen düşündirdi.
Häzirki wagta çenli jemagat hojalygyna degişli işleri ýerli häkimliklere degişli bolan ýaşaýyş jaý-jemagat hojalyk kärhanalary amala aşyrýardy. Emma Berdimuhamedow bu gulluklaryň agzalan binalary we desgalary abatlamak we olary göwnejaý ýagdaýda saklamak boýunça alnyp barylýan işleriň hötdesinden doly gelip bilmeýändiklerini aýtdy.
Prezidentiň aýtmagyna görä, täze ministrlik uly görnüşli jemagat hyzmatlaryny amala aşyrýan ministrlik bolar. Onuň wezipesine ýaşaýyş jaý gorunyň ýagdaýyny gowulandyrmak we ony abatlamak boýunça işleri geçirmek, suw we ýylylyk, lagym ulgamlaryna hyzmat etmek, ilaty elektrik energiýasy bilen üpjün etmek boýunça alnyp barylýan işleri ýola goýmak, daşarky abadanlaşdyryş işlerini geçirmek, arassalaýyş işlerini alyp barmak, ilatly ýerleri gazlaşdyrmak girýär.
Prezidentiň permany bilen Türkmenistanyň jemagat hojalygy ministri wezipesine Arslan Ýagşymämmedow bellenildi.
azathabar.com
Arhiwiň ýagdaýy
● Doly tekst
● 23/23 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗
Teswirler 23
hmm gowja maglumat sagja bol peydasy bolar nesip bolsa 🙂
Hova Nesip bolsa
Ýaşuly men familiýamy aýtdy welin syçdymaý 😆
Mundan başga-da prezident Zähmet we ilaty durmuş taýdan goramak ministrliginiň öňünde ilatyň iş bilen üpjünçiligine gözegçilik etmek, şeýle hem ýurduň raýatlaryny işe ýerleşdirmäge ýardam bermekşu yerini haladym
tema + yone statusyna gozum dushdi weli dushinmedim??? )))
shony gowy yatlatdynay uytgetmeli,teswirlere agza bolan wagtlam yazypdym
haaa. düýn men pikirlerde ýazdym-a musor dökýänçilere ministr belläpdirler diýip. Göz öňüňine gelýämi
Türkmenistanyň jemagat hojalygy ministri Arslan Ýagşymämmedow 500 mersden düşýär. Ha-ha. prezidente hasabat berende näme hasabat berjekkä? Nebitgaz ministri pylança mlrd kub metr gaz satdyk diýip aýtsa, bu ministr pylança tonna musor arassaladyk diýjekmikä?
you'll have to hate 99.9% of people 🙂
Aslynda ŽKH-ny häkimlikden aýyrmak nämä gerek. menä nädogry hasaplaýan şu ministrligiň döredilmegini.
men-de haladym
hususylaşdyrylybam bilinerdi.
Musor meselesı dowrebaplashdyrylsa gowy bolardy. pakede salnyp zynylmaly edilmeli.
Türkmenistanyn Jemagat hojalygy ministirligi. Ady dagyn nahillay..? Bu işi hakimlikler yerine yetirip bilenoklarmyka. Ayratyn bir ministirlik açmak na derejede dogry...?
Näçe ministerlik dörese,şonçada biýurakratýa döreýar !
gozegchilik bolondo,chala ommolongdo,meydan edyang diyip yrsaramak!,gozegchilik bolondo bizingkileri tanangzokmy!?-🙂
Meň käwagt göz öňüme gelýär, şu üýtgeşik ministrler biri-birini görende derejeleri deň gelýämikä? Ýa diýeli goranmak ministri ýa-da nebit-gaz ministri bu jemagat hojalygy ministri diýdi, ýaňky medeniýet ministri diýdi - bulary adamam hasap edenoklarmyka? El uzadyp salamlaşman gezýälermikä? 😆
Pylanam diýmehow, niresi pully, güýçli bolsa, şeýle bolýandyr. Goranmak/nebit-gaz ministriniň orunbasarynyň awtoriteti medeniýet ministriň özüniňkiden has öňräkde bolaýmasa.
sag bol dost peydaly haber.
taze achylan ministrlikler gowqy ishlese gowy boljak welin, hasam byurokratiya artarmyka diyip gorkyan. Indi dagy bir yerde bashga yere ishe gechjek bolsan gorgi baryny gormeli bolarsyn...
karoche pul bermana(para,wizyatka) adama tapanoklarmyka diyan mena biderek zatlar..... Ayyy bolyalay duzelerda name diyeyin