"Senem Urod?"

Salam hormatly teswirdeşler!

Ýakynda işler bilen Gazojaga otlyda gitmeli boldum. Otla münüp gören bolsaňyz, bilýänsiňiz, ol ýeri-de aýratyn bir dünýä. Içinde öz satyjylary, alyjylary, dünýäniň we Türkmenistanyň iň täze habarlaryny ýetirýän daýzalar bardyr. 🙂Dogrymy aýtsam, men otlydaky satyjalary gaty halaýan. Olaryň "lýaşka, kolbasa, napitok, karta, çilim bar" diýen aýdymlary gulaga ýakymly. Meniň özümen 1998-nji ýyllar wagonlara aýlanyp suw satyp görüpdim.

Gazojaga gidenimde, gaty üýtgeşik satyjy gördüm. Belki ony sizem görensiňiz. Adyna "Bally kökeçi" diýýäler. Haltasy bilen aýlanyp köke satýandyr. Onuň satyş usuly meni geň galdyrdy. Ol hakyky artist, hem kökesini satýar we adamlary güldürip içini gyryp gitýär. -"Gelneje köke alýaňyzmy?" -"Ýok". "Ýok däle, ine bara?!" diýip gelnejäniň gujagyna üç paçka kökäni goýup, haltasyndan ýene birini çykaryp "buda kupedäki goňşylaryňyza, ýeke iýmek gelişiksiz" gujagyna birini gystyrýar. Soň ýene birini haltasyndan çykaryp "buda podarka gelneje" diýip ýüzüňe samsyk gülkisi bilen seredip durýar. 🙂 Aralarynda prikol goşgular aýdyp berýär. Mužik baran ýerinde  şow görkezýär. Adamlaryň içini gysdyrmady. Bir haltasyny bir wagonyň içinde satyp gutardy. Satyjy bolmak üçin, esasy zatlaryň biri artistem bolmak eken. 🙂).
Indi esasy mowzuga geleli. Otlydaky beýleki satyjylaryň göz öňünde, "Bally kökeçi" kim? Doly Urod! 

Oňa göni masgarabaz diýip ýüzüne aýdyp kemsitýäler. Olarada düşünse bolar, sebäbi "Bally kökeçi" olardan kän zat satýar. Olaryň ýanynda ýanyp duran lampoçka ýaly görünýär.
Ýene bir mysal:
Kursdaşlarymyň içinde "Nurik botanik" diýip otliçnigimiz bardy. 🙂 Okuwda gow  okaýanlygy üçin, köp kursdaşlarymyz ony halanokdy. Arasyna goşman ýöreýädiler. Ýöne Kursawoý, referat ýazmaly bolsa, göni Nurige ýüz tutýalar. Nurigem näme, welaýatdan gelen talypda, eden işleri üçin pul alýardy. Hatda öýünede pul iberýär.
Nurik, okamaýan mes çagalaryň göz öňünde kim? Elbetde, olam doly urod!


Siz bular ýaly adamlary ähli ýerde  görüp bilersiňiz: Işiňizde (üstünlik gazanan işgärler), goňşylaryňyzda (biznesmenler), hökümetde (bu köpleriň söýgüli temasy).
Aýtýanlarym bilen näme diýjek bolýan?Sizem geljekde işiňizde üstünlik gazanyp ugrarsyňyz welin, sizem iliň gözünde urodyňyz çykyp ugrar. 🙂 Sizde diňe iliň söýgüsi bolmaz, iliň ýigrenji hem bolar.Siz hakda köpçilikde gybat ederler, öwerlerem, döwerlerem.
Ýatda saklaň!Eger-de siz adamlaryň siz hakda näme diýýäni bilen gyzyklansaňyz, onda hiç ýere burnuňyzy sokman, kiçijik syçanjyk bolup galmagyňyzy maslahat berýän.
Sitata: Ýigrenýäler, diýmek sylaýalar we üstünligiňize  gawanýalar. (Napoleon Bonapart)