ŞA­ZA­DA­NYŇ TĭSIN ADY

Bir bar eken, bir ýok eken. Ga­dym za­man­lar­da bir ga­ryp de­gir­men­çi ýa­şa­ýar eken. Onuň örän owa­dan gy­zy bar eken. 
Gün­ler­de bir gün de­gir­men­çi pa­ty­şa­nyň hu­zu­ry­na ge­lip, onuň öňün­de:
- Me­niň gy­zy­myň egi­ren igi al­tyn ýüp bo­lup çyk­ýar – di­ýip, öwü­nip­dir.
- Se­niň gy­zyň ba­şar­ny­gy şa­la­ra my­na­syp. Eger ol se­niň aý­dy­şyň ýa­ly akyl­ly bol­sa, on­da me­niň er­tir­ki sy­na­gym­dan aň­sat­lyk bi­len ge­çip bi­ler – di­ýip,  pa­ty­şa de­gir­men­çi­den gy­zy­ny köş­ge ge­tir­me­gi ta­lap edip­dir.
Ha­çan-da, gyz köş­ge ge­len­de, ony aýak­da we el­de eg­ri­ji gu­ral goý­lan, ýüň­den do­ly ota­ga ge­ti­ren pa­ty­şa:
- Hä­zi­riň özün­de işe baş­la, eger-de, sen er­ti­re çen­li şu ýüň­le­riň äh­li­si­ni egi­rip, al­tyn ýü­pe öwür­me­seň, ja­nyň­dan jy­da dü­şer­siň – di­ýip, otag­da ýe­ke özü­ni go­ýup, da­şyn­dan gulp­lap gi­dip­dir.
Otag­da ýe­ke özi ga­lan gör­gü­li gyz­ja­gaz nä­me et­je­gi­ni bil­män, ag­la­ma­ga baş­lap­dyr. “Bu ada­ty ýüň­ler­den nä­dip gy­zyl ýüp egi­rer­käm?” di­ýip, içi­ni gep­le­dip, ala­da­la­nyp otyr­ka, duý­dan­syz ýer­den ga­py açy­lyp­dyr. Bo­ýy ki­çi­jik adam içe­rik gi­rip:
- Sa­lam, de­gir­men­çi­niň gyz­ja­ga­zy! Sen nä­me üçin ag­la­ýar­syň – di­ýip,  gyz­ja­gaz­dan so­rap­dyr.
On­da gyz­ja­gaz:
- Ga­dyr­dan adam­jyk, men şu ýüň­le­ri eg­rip, al­tyn ýüp et­me­li we­lin, mu­nuň nä­hi­li edil­ýän­di­gin­den ha­ba­rym ýok – di­ýip­dir.
- Eger bu ýüň­le­ri se­niň ýe­ri­ňe men eg­rip ber­sem, ma­ňa nä­me be­rer­siň – di­ýip, ki­çi­jik adam­jyk gyz­ja­gaz­dan so­rap­dyr.
- On­da men sa­ňa mon­ju­gy­my be­re­rin – di­ýip, gyz­ja­gaz öz mon­ju­gy­ny gör­ke­zip­dir.
Wagt ýi­tir­män, mon­ju­gy alan ki­çi­jik adam­jyk igiň ba­şy­na ge­çip, ony “zyr, zyr, zyr” edip, ba­ry-ýo­gy üç ge­zek aý­lap­dyr we­lin, te­gek şol ba­da do­la­ýyp­dyr. Ol ýe­ne bir bö­lek ýüň alyp, ýaň­ky he­re­ket­le­ri­ni gaý­ta­lap­dyr-da, ýe­ne bir te­ge­gi taý­ýar edip­dir. Ki­çi­jik adam­jyk şeý­dip, Gün dog­ýan­ça iş­läp­dir. Bel­le­ni­len wag­ta çen­li äh­li ýüň­le­ri eg­rip bo­lup­dyr, ota­gy al­tyn ýüp­ler­den dol­du­ryp­dyr.
Pa­ty­şa daň atan ba­dy­na gy­zyň otu­ran ota­gy­na ge­lip­dir. Ol gö­zü­ňi ga­maş­dy­ryp du­ran al­tyn ýüp­le­ri gö­rüp, haý­ran ga­lyp­dyr. Al­tyn ýüp­li te­gek­le­ri gö­ren pa­ty­şa­nyň has hem iş­dä­si açy­lyp, gy­zy öň­kü­den-de uly, içi ýüň­den do­lup du­ran ota­ga ge­ti­rip­dir-de:
- Ja­nyň­dan jy­da düş­mek is­le­me­seň, şu ýüň­le­riň äh­li­si­ni er­ti­re çen­li eg­rip, al­tyn ýü­pe öwü­rer­siň – di­ýip, ol öň­ki ta­la­by­ny gaý­ta­lap­dyr.
Gyz bu ge­zek hem nä­me et­je­gi­ni bil­män ag­la­ma­ga baş­lap­dyr. Edil öň­kü­si ýa­ly, duý­dan­syz ýer­den peý­da bo­lan ki­çi­jik adam­jyk:
- Eger bu ýüň­le­ri se­niň ýe­ri­ňe men eg­rip ber­sem, ma­ňa nä­me be­rer­siň – di­ýip, so­rap­dyr.
On­da gyz­ja­gaz:
- Men sa­ňa öz ýü­zü­gi­mi be­re­rin – di­ýip, jo­gap be­rip­dir.
Ýü­zü­gi alan ki­çi­jik adam­jyk ýüň­le­ri egir­mä­ge baş­lap­dyr. Ol daň at­ýan­ça ota­gyň içi­ni gö­zü­ňi ga­maş­dy­ryp du­ran al­tyn te­gek­ler­den dol­du­ryp­dyr.
Er­te­si ir­den pa­ty­şa ota­ga ge­lip gö­rüp­dir. Gy­zyň ta­ry­py­ny ýe­tir­me­giň ýe­ri­ne, ony öň­kü­den hem has uly, içi ýüň­den do­lup du­ran baş­ga bir ota­ga ge­ti­rip­dir.
“De­gir­men­çi­niň gy­zy­dy­gy­na ga­ra­maz­dan, ýe­riň ýü­zün­de şu gyz­dan baý ge­lin­lik ta­pyp bil­men” di­ýip, öz ýa­nyn­dan pi­kir­le­nen pa­ty­şa:
- Sen bu ýüň­le­riň äh­li­si­ni er­ti­re çen­li egi­rer­siň. Eger bu ýum­şu­ňam höt­de­sin­den gel­seň, sen me­niň şa ze­na­nym bo­lar­syň –  di­ýip­dir.
Ha­çan-da, gyz ýe­ke özi ga­lan­da, ki­çi­jik adam­jyk bu ge­ze­gem duý­dan­syz ýer­den peý­da bo­lup­dyr. Ol ýe­ne-de, bu ýüň­le­ri eg­rip ber­se, gy­zyň nä­me sow­gat ber­je­gi­ni so­rap­dyr. Ýö­ne gyz bu ge­zek özün­de oňa be­re­re hiç za­dyň gal­man­dy­gy­ny aý­dyp­dyr.
On­da ki­çi­jik adam­jyk:
- Şa ze­na­ny bo­la­nyň­dan soň, bi­rin­ji ça­ga­ňy ma­ňa ber­me­li bo­lar­syň – di­ýip­dir.
Dowamy bar.