Menin ejiz shygyrlarym "Sungat Gurbangeldi"

Seni meniñ kimin söýen däli tapylmaz!
Maña seniñ kimin läle tapylmaz.
Bütin keselleriñ bir melhemi bar
Meniñ bu derdime çäre tapylmaz.
Dar gursagma syganok giñ ýüregim
Eý, meñ ýañy gülläp başlan köregim.

Uzak ummanlara ugrar umytlar
Ýakyn ýatlamalar dumanly serde.
Gije gözleriñden säher gaçan çyg
Meniñ gözlerime bolupdyr perde.
Meniñ ýüregime bolupdyr perde.

Gyýma gaşlañ kimin keman tapylmaz.
Bilseñ, söýgim kimin kemal tapylmaz.
Seni ömür boýy söýerdim weli
On sekiz ýaşdaky şemal tapylmaz.

Ýel ösende başyn daran serwiniñ
Gyş gelende uzyn saçy tapylmaz.
Ýüregimde peýda bolan söýginiñ
Öñünde durmaga gaçy tapylmaz.

Gijeler-gündizler aýlara barar,
Altynlar-kümüşler baýlara barar.
Meniñ ýüregimde saklaýan duýgym
Mañlaýna ýazylan jaýlara barar.

Puluñ bolsa degräñ dostdan doludyr,
Ýöne kyn günüñde dost-ýar tapylmaz.
Men seni her pursat söýmäge taýýar
Maña seniñ kimin hossar tapylmaz.

Jygyllykda guşuñ süýdem tapylar
Ajy sözde käte süýjem tapylar.
Ýuwaş ummany deý örän ullakan
Ýüregimde söýgiñ güýjem tapylar.

Maña seniñ kimin läle tapylmaz.
Saña meniñ kimin aşyk tapylmaz.
Wagt geler...
Her zat tapylar welin,
Goýny gülden doly ýaşlyk tapylmaz.