Emosiýalar we ýürek

Geçen ýyl çap
edilen ylmy barlagyň netijesine laýyklykda emosiýalar we ýürek keselleriniň
arasynda baglanşygyň bardygy subut edildi. Anygrak aýtsak, gahar we ýigrenç
duýgulary ilkibaşda ýürekleri sagdyn bolan adamlaryň ýüreklerinde näsazlyklaryň
ýüze çykmagyna, hem-de eýýäm ýürek keseli bilen keselli adamlaryň ýagdaýynyň
agyrlaşmagyna getirýär.

Bu ylmy barlag başda
ýüreginde näsazlyk bolmadyk, yzygiderli gahar we ýigrenç duýgularyny başdan
geçirýän adamlarda asuda durmuşda ýaşaýan adamlara garanda ýürek keseliniň ýüze
çykmak howpynyň 19% ýokarydygyny
görkezdi. Barlagçylar gahar we ýigrenç duýgularynyň erkek adamlar üçin aýallara
garanda has-da zyýanlydygyny ýüze çykardylar.

Şu açyşlaryň
netijesinde eýýäm köp sanly lukmanlar gahary ýürek kesellerine getiriji
faktorlaryň hataryna goşdular. Emma bu faktor edil ganymyzyň düzümindäki
holesteriniň mukdarynyň ýa bolmasa gan basyşymyzyň peseldilip bolşy ýaly,
üýtgedilip bilner. "Biz eýýäm ýürek kesellerini bejermegi gowy öwrendik.
Ýöne, olaryň döremeginiň öňüni almaga welin heniz beýle ökde däl" diýip kardiolog
lukmanlar belleýärler.

Gynansak-da,
gahar derejesini ganyň düzümindäki holesteriniň mukdarynyň ýa-da gan basyşynyň ölçelişi
ýaly ölçäp bolmaýar. Ýöne biz özümiziň keýpimize we ýaşaýyş obrazymyza ünsliräk
çemeleşip bileris.

Gaharymyz
gelende aşakdaky sözlemleri özümize aýtmak bilen köşeşmäge synanyşyp bileris:

 - "Başgalary
günäkärlemek bilen men hiç zady üýtgedip bilmerin. Olar hakykatda günäli bolsun
ýa bolmasyn, tapawudy ýok. Men başga çözgüt gözläýin."

- "Ýene-de
5 ýyldan (5 sagatdan, 5 minutdan) bu meniň üçin möhüm bolarmy?"

- "Eger-de
men ertirem munuň üçin gaharlansam, onda men bir çykalga gözlärin. Häzirlikçe
bolsa köşeşmäge çalşaýyn."

- "Gaharyň
täsiri astynda hereket etmek we alada görkezmek – ikisi bir zatdyr."