Çagalara erteki okalýan wagty

Daşary ýurtda çagalaryň kitaba we kitaphana bolan söýgüsini artdyrmak üçin dürli çäreler oýlanyp tapylýar. Esasan-da, 4-6 ýaşly çagalar üçin kitaphanalarda ýörite “erteki wagty” başlandy. Hepdäniň belli günleri olara erteki okalyp berilýär.
Türkiýede şu işe Metin And kitaphanasy ilkinjileriň hatarynda başlady. Iki aýdan bäri bu kitaphana gidýän çagalar hem erteki diňleýär, hem iňlis dilini öwrenýärler hem-de kitaba bolan söýgüsini artdyrýarlar. Kitaphanada erteki wagtyny Arzu Ýylmazdyr. Ol okuwyny gutaranyndan soňra Angliýa gidýär we durmuşa çykýar. Türkiýä gaýdyp geleninde bolsa Angliýada ulanylýan şu çäräniň Türkiede ulanylmaýandygyny görüp, bärde amala aşyrmagy ýüregine düwýär. Üç çagany ejesi Arzu Ýylmaz, Metin And kitaphanasynda öz islegi bilen 30 sany çaga erteki okap berýär. Ol: “Meniň üç çagam bardy, indi 30 çagam bar” diýip, öz begenjini dile getirýär.

Çagalar iň möhüm mirasymyzdyr

Alymlar çaga terbiýesini entek dogulmanka başlamalydygyny nygtaýar. Ene garnynda wagty ilkinji terbiýesini alyp ugraýan “jiger bentlerimiziň” geljekde Watanyna, ene-atasyna peýdaly boljak çagalar edip ýetişdirmek iň esasy meseledir. Olaryň terbiýesi bilen bir hatarda, olara owadan at dakmakdan, olaryň gowy ylym-bilim almaklaryndan hem ene-atalar jogapkärdir.
Hossarlaryň özünden soň goýup gitjek iň haýyrly mirasy, olaryň çagalarydyr. Çagalaryň amal etjek ähli haýyrly işleri ene-ata-da öz oňyn täsirini ýetirýär.
Şu sebäplerden hem türkmeniň “Çaga eziz, edebi ondanam ezir” diýen pähimi bardyr.