Menem bu Dünýeden Geçerin Bir Gün

 ‎***
Kel kellämde kyrk müñ pikir göterip,
Gara ýere berip mejalsyz böwrüm.
Güni görüp bilmän dañy atryp,
Menem bu dünýeden geçerin bir gün.

Düşündirip bilmän, düşünip bilmän,
Düşündirjek borun çatýança gurbum.
Öz halyma gülip, özgäñkä gülmän,
Menem bu dünýeden geçerin bir gün.

Men gurban gelipdim dogamda häli,
Bolsa bor mähriban il-günüm gurgun.
Belent tutup göwni, pes tutup päli,
Menem bu dünýeden geçerin bir gün.

Öýkenimde daşap Ýakubyñ ahyn,
Öz dogduk depämde gezerin sürgün.
“Tatarda Zöhre jan, Bagdatda Mahym”
Menem bu dünýeden geçerin bir gün.

Yza iki ädip öñe müñ ädip,
Bir günem sypdyrman ýaşaryn her gün.
Ahyrsoñy ajal şerbetin dadyp,
Menem bu dünýeden geçerin bir gün. 2002