Magtymguly Pyragy" Gözel sen"
Gün hanjary gökden ýere inende,
Güne garşy dogan Aýy, gözel sen!
Ussa Jagfar işi, senjap jüppesi,
Yspyhanda gurlan ýaýy, gözel sen!
Saçbagyň ujunyň simdir işmesi,
Üstüňden ýol düşse, kyndyr aşmasy,
Agzyň aby-haýat, Zemzem çeşmesi,
Aýn-al baky suwnuň laýy, gözel sen!
Gyzyl diýsem – gyzyl, al diýsem – al sen,
Hindistanda – şeker, Bulgarda – bal sen,
Yşk bilen açylan bir täze gül sen,
Ýusup-Züleýhanyň taýy, gözel sen!
Her kim güýçli bolsa, oňa “pir” diýrler,
“Dertli guluň dermanyny biýr” diýrler,
“Gawunuň ýagşysyn şagal iýr” diýrler,
Ýkbally bendäniň paýy, gözel sen!
Owazyň Çyn-Maçyn, daglar aşasy,
Seni görenleriň akly çaşasy,
Hindistanyň reňkli gyzyl şişesi,
Suraýy çilimniň naýy, gözel sen!
Magtymguly halkdan syryn gizlese,
Dişini uşadyň, ýalan sözlese,
Owalda, ahyrda eýäm gözlese,
Garyp biçäräniň paýy, gözel sen!
size sorag şu goşgy Magtymguly Atamyzyng öz goşgysymy??
Arhiwiň ýagdaýy
● Doly tekst
● 37/37 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 24 maý 2012 ý. · Asyl sahypany gör ↗
Teswirler 37
Hawa, meniň pikirimçe bu goşgy Magtymguly Pyragynyň öz goşgusy. Ýöne käbir setirlerine dürli sebäplere görä el degen bolmagy mümkin.
Bu goşgy näme barada? Kim nähili düşünýär?
barde hindistany gaty agzap gecya..name üçinka ya bulam hindistanda yazan goşgylaryndanmy??
Soňky bendiň birinji setiri ýalňyş.
Magtymguly Hakdan syryn gizlese
Bolmaly.
bizä pyragyñ go$gusy diýip öwretdiler
Bulgar diýibem agzaýar, Çyn-Maçyn diýýän ýerem bar. Çyn-Maçyn häzirki hytaý bolýar.
howwa bizede şeyle diyip öwretdiler emma kabir goşgulary öziningki dal eken kab agzanyng açyklamasyna göra!!!
Bulgar niri bolyar? shuny aydaysanyz?
Kab aga senjap jüppe näme many berýär?
Bulgar - anyk bilemok, öz-ä orsýete degişli, Tatarystanda bir ýer ady bolmaly ýalňyşmasam.
Jüppe - giň we uzyn don. Käte demir don manyny hem berýär.
Senjap bir welaýatyň ady bolmaly. Haýsydygyny Didar agza bilýändir.
Ussa Jagfar diýýäni gadym döwürde Arabystanda ýaşap geçen bir alym-himik. Ol altyndan ýasalan pullara zikge kakypdyr.
Aýn-al baky - ömürlik çeşme.
Aby haýýat - dirilik suwy.
Diýmek, siziň pikiriňizçe, bu goşgy bir owadan gyza bagyşlanyp düzülipdir-dä? Şeýlemi?
Şişe - suw çilimiň /kalýan/ çüýşesi.
Kalýan arap ýurtlarynda häzir hem ýörgünli. Araplara suw çilime şişe diýýärler.
Ussa Jagfar işi, senjap jüppesi,
Yspyhanda gurlan ýaýy, gözel sen!
Senjap- ( bu haywan ady-biz muna ruschada belka diyyas,paras dilinde senjapdyr)
Senjabyň dersinden dikilen juppe,yagny yakasy galyp duran shu wagtlarda kazylaryn,adalat kazylarynyn geyyan uzyn dony. Onun yakasy senjap dersinden(tuyunden) dikilen bolmaly. Bu bolsa ussa(hayyat) Jagfaryn ishi bolmaly.
Bulgar - Bulgarystan bolmaly.Bulgarystan Bolgariya. Bu hakda alymlar her durli pikiri orta atdylar.Yone ady Bulgar bolanson belli zat. Gundogaredebiyatynda Bolgariya Bulgar diyilyar ahyryn.bashga tarapa çhekmek nama gerek boldyka?
ŞIŞE - bu parsçada çüýşe diýmekdir. Suw çilimiň aşak tarapy şişeden bolýar. Ondan ýokary tarapyna yagny inçelip gidýän ýerine surahy diýilýär. Surahy diňe suw çilimiň şişeden ýokarsyndaky inçelen tarapyna däl-de umuman wazalara,küýzelere hem diýilýär. Gundogar edebiýatynda gelin gyzlaryň biline hem surahy sypatyny berýärler. yagny dagyk parsçada aşak tarapy ýogyn bolup ,soňra hem inçelýän ýere surahy diyilýär.
Ňeýlelikde şişe suw çilimiň aşak suw saklanýan tarapy,surahy hem ondan ýokarda inçelýän bölegi,naýy bolsa suw çilimiň sormak öçin niýetlenen ýeridir.
Minnetdar Kab aga! owrendim
Didar:
Bolgariya Bulgar diyilyar ahyryn.bashga tarapa çhekmek nama gerek boldyka?
Didar, hiç wagt Bolgariýa Bulgar diýlen däldir. Bulgar - Wolga derýasynyň orta akymlarynda bir ýer ady.
hiç wagt diyip kesgitli aýtma. Edil şu wagt farslar resmi dilde Bulgarysatn diýselerde, aslynd ahalk dilinde Bulgar diýýärler.