MAŇZYMA BATAN PIKIRLER(Atajan Tagan)

                                          MAŇZYMA BATAN PIKIRLER

A.Eýnşteýn
Ç.Çapliniň bir filmini görenden soň: “Filmiňiz ula-kiçä düşnükli bolany üçin
siz beýik adam” diýiip,oňa hat ýazypdyr. Çaplin hem: “Siziň açan teoriýaňyz
ula-da--kiçäd-e asla düşnüksiz.Hut şol sebäbe görä-de, siz beýik adam” diýip
jogap gaýtarypdyr.



Döwlet
diýilýän zat ýurdy jennete öwürmek üçin däl-de,ýurtda dowzahyň döremegine ýol
bermezlik üçin döredilýär.

N.Berdýaýew.



Öz
duşmanyňy iýenine begenip,krokodili gujaklajak bolma.

Negr nakyly.



Ysraýylda
altyn dişli adamy dükana satyjy edip işe almaýarlar.

( Gazetleriň birinde okadym).



Ähli
zatda  gara  bagtym garpyz aldym  ak çykdy.

Türk nakyly.



Ýa
bolşuň ýaly görün, ýa-da görnüşiň ýaly bol.

J.Rumy.



Meniň
ýigit çagym, seniň gyz çagyň…

Ybraýym Ýusup.



Gaşlaň
uçup barýar garlawaç bolup.

B.Jütdiýew.



Aýalyna
hökmüni ýöredip bilýän kişi döwleti edara 
etmegi hem başarar.

O.Balzak.

*

Aglamaklyk
söýmeklikden nyşandyr,

Söýgini
ödäne aglamak gerek.

D.Haldurdy.



“Aýym”
diýemde näme,

“Günüm!”
diýemde näme.

Ol
Aýlar batdy gitdi,

O
günler ötdi gitdi.

*

Döredijilik
işine baş goşmak meýletin dowzaha girmekdir.

Ý. Bondarýew.

*

Gaharsyz,
gamsyz ýaşap bilýän adam Watanyny söýüp bilmez.

N.Nekrasow.

------------------------

*

Otrisatel
gahryman diýýäris.Şol termin gahrymanlary parhlandyrmak üçin ulanylýan
bolaýmasa, terbiýeleýjilik babatda otrisatel gahryman ýok.Sebäbi, otrisatel
gahryman

özüne
okyjynyň ýigrenjini oýarýan bolsa 
položitellige öwrülýär.

*

Edebi döredijilik bilen meşgullanýan adamlary iki topara—ýazyja hem
ýazýänça bölmek bolar.Sözüň doly manysyndaky ýazyjy az.Meniň eserleri bilen
tanyş türkmen ýazyjylarym, şol sanda meniň özümem ýazyjy däl, ýöne ýazýançy.Biz
ähli adamzada degişli dünýä  problemalary
hakda oýlanyp bilmän, diňe durmuşyň maýdaja wakalaryny kagyza
geçirýäris.Bizde  giň örüli duýgy hem
düýpli pelsepe ýok.



Biz kemsowat bolanymyz sebäpli özümiziň 
kemsowatdygymyza-da akyl ýetirmäge sowadymyz ýetmeýär.Çünki
kemsowat  bolanymyz  üçin özümizi sowatlydyrys öýdýäris.Akyly ýuka
adam  hiç mahal özüni sowatsyz
hasaplamaýar, özünden göwni hoş bolýar.

*

Redaktorlar nähili giň hem
geçirimli ekenler.Özüm-ä şol mahal kyrk ýaşlaryndaky örän talantly redaktor
Baýram Welmyradowyň ornunda bolan bolsam, A.Taganyň “Sen sen” atly juda
sentimental powestini  “Edebiýat we
sungatda” eger-eger çap etmezdim.

18.05.92.

*

Her döwrüň kitabynyň öz okyjysy bolmaly diýip çak edýärin.Eser ýazylan
döwrüniň meselesine degişli bolmasa-da ýazylan döwrüniň okyjysynyň söýüp okaýan
eserine öwrülip biler.Ýöne ol indiki nesliň okyjysy üçin welin köplenç halatda
tersine bolýar.Aýdym-saz hem edil şonuň ýaly.Biziň ýaşlygymyzda örän ýörgünli
bolan “Ýör biläni”, “Pöwrüze”, “Aýnabat”,”Sergezdan” ýaly aýdymlar,Bilbil,
Hojaw Annadurdyýew,Ýolaman Hummaýew, Reşit Beýbutow,Wl.Troşin, hatda Müslim
Magomaýew  ýaly gaty beýik aýdymça-da
häzirki ýaşlar ünsem bermez. Kitap hem edil adam ýaly, aýdym-saz ýaly pajarlap
ýaşamaly döwri geçenden soň garrap, sandan galýan bolarly.