Enäni ýatlap ýazylan setirler...

Ýakyn bir garyndaşym bir aýal maşgala aradan çykypdy (Ýatan ýeri ýagty bolsun!) Şonda ýeke gyzy bilen dört ogly kakalary bilen galdylar. Garaz öýde ene bolmanson, günleri ýenil geçmedi. Esasanam, ýeke gyzy Mähri üçin agyr degdi. Bir nesipli gün bolsa uly oglynynñ toýy tutuldy. Ejelerinin höwes edip giden gyzyny alyp berdiler. Gyzy ejesini ýatlap, erkek doganynyñ toýunda şu setirleri ýazypdy. Menem siz bilen paylaşasym geldi...

Nobaharym Nobadym, sensiñ uçar ganatym,
Begim, Begim – beg oglym, diyen sözüñ ýadymda,
Hanym köñül soltanym, Çarym mydam ýanymda,
Bolsun diyen sözleriñ, galypdyr meñ añymda.

Sen dälmidiñ jan beren, ümür beren,
Ýat edeýin käbäm ejem, jan ejem,
Kyn güni ýeñmäne, güýç-sabyr beren,
Ýat edeýin käbäm ejem, jan ejem,

Her bir iş edeñde nusga bolduñ sen,
Şatlygymdyñ, niçin gussa bolduñ sen,
Ýyldyrym deý ömri gysga bolduñ sen,
Ýat edeýin käbäm ejem, jan ejem,

Gybady, görübi ýalany bilmän,
Maýyl boldy dana sözleriñ diñlän,
Çagalarym diýip, bagryny dilýän,
Ýat edeýin käbäm ejem, jan ejem,

Alajyñ ýok gelse Alladan perman,
Gitdiñ çagalaryñ toýuny görman,
Her bir sözüñ öwüt, derdime derman,
Ýat edeýin käbäm ejem, jan ejem,

Aýralygyñ nämedigini ir bilip,
Boş dula seredip, ýuregimizi dilip,
Hernä il-günümiz göwnümiz alyp,
Boýun bolduk ýoklugyña jan ejem.

Kakam seniñ hatyrañy saklayar,
Çagalaryñ halal duzdan ekleýär,
Mährem keşbiñ gözümizden gitmeýär,
Ýat edeýin käbäm ejem, jan ejem,

Mähribanyñ ýalñyz Mähri gyzyñ men,
Elim serip, aglap galdym yzyñdan,
Doganlarym kem etmedim duzuñdan,
Ýat edeýin käbäm ejem, jan ejem,

Eje, bu gün nobaharyñ toý güni,
Ýürekdäki arzuwlaryñ beýgini,
Amal etdik görme bizi gaýgyly,
Boýun bolduk ýoklugyña jan ejem.