Indi gyzlara maslahat, oglanlara duýduryş (спорная зона - 2)

Mundan öňki mowzugymda gyzlar barada aýdypdym, indi bilenjämden oglanlaryň söýgüsi barada aýtmakçy.

Aşgabatda Ors bazaryň ýanynda bir alleýa Ene mährinden bääärde. Men köplenç işden öýe gaýdamda şol alleýada oturyp kitap okaýmam bardy. Men köplenç şo ýerde bir oglany görýärdim. Sadaja, yakasynda el ýaglyjak bar (kirläýmesin diýip goýulýan), özi talyp eken. Bir gezek şondan soradym – sen näme üçin her gün bärde ýeke oturýaň, içiň gysýarmy diýip. Meniň bilen arkaýyn dertleşensoň ahyr bir gün dillendi. Bir baýramçylykda şo alleýada bir gyz bilen tanşypdyr. Ol gyz şol alleýany gowy görýändigini, gezelenje kän gelýändigini, şol ýerde jigilerini oýnadýandygyny aýdypyr. Garaz ony sulhy alypdyr, soňam ol şo ýere 2-3 gezek baranda tanyşyp gürleşipdir. Telefonyny bermändir (ol wagtlar mobile phone kän bir ýaýran hem däldi). Diňe adyny bilýär: Güljemal. Soň onsoň ol gyz şol ýere gelmesini goýupdyr. Bu pahyram her gün şonuň ýoluna garaşyp, şo ýerde oturýan eken. Başga alternatiwasy ýok, onuň dannylaryny kän bilenok. Maňa “agam ýaman erbet bolýan, dünýä sygamok” diýip aýdyp beripdi. Meniň hem elimden gelýän zat yok. Diňe göwünlik berýärdim. Ol ýere 1-2 aý dagy gatnady, soňunda tapyp bilmedi. Soň onsoň şol oglana jygyllykda duşdum. Tapypdyr, ýöne söz aýdandan soň ol gyz hasam gaçypdyr.

Men şol oglanyň gözündäki söýgüniň yzasy ýaly zat häzirem göremok. Gaty söýüpdir. Özümä gyz bolsam şonuň bilen halaşardym, hakyky türkmen oglany. Äre-märelerden däl. Biwepalyk etjek oglan däl. Gepi-sözi ýerinde, dünýägaraýşy giň, durmuşa ornuna düşünýär. Ederini bilýär.

Garaz durmuş tejribelerimden bilýän zatlarymy aýtsam, gyzlara şuny maslahat beresim gelýär:

Bir oglan siz diýip ölüp ýatan bolsa, sen hem halan bolsaň sypdyrma ony...First love is the best love.

Bir oglan sizi görjek bolup günüňize goýmaýan bolsa, yzly-yzyna habar tutýan bolsa, sypdyrma ony.

Bir oglan sizden kän syryny gizlemeýän bolsa, aýbyny ýaşyrmasa, onda size ynanýandyr.

Bir oglan siz üçin gözünden ýaş döküp bilýän bolsa, onda söýgüsi seriozny. Mert oglanlaram aglaýar.

Bir oglan siz üçin işden ýa okuwdan ýa toýdan galyp bilýän bolsa, onuň merkezinde siz dursuňyz.

Bir oglan siz bilen sögüşende işdäsi kesilip nahar iýmeýän bolsa, onuň dünýäsi siz.

Bir oglan siz üçin giç ýatyp, ukusyndan, okuwyndan galyp bilýän bolsa, onda çyny bilen söýýär.

Bir oglan siz bilen gygyrşandan soňam, ýene okuwa barýan ýoluňyzda garap durýan bolsa, söýeni üçindir.

Bir oglan sizi kemçilikleriňiz bilen bile söýýän bolsa, ine hakyky söýgi. Hiç kim super däl.

Bir oglan siz bilen görüşende gowy geýnip gelýän bolsa, känem allanma daş keşbine.

Bir oglan kemçiligiňizi siziň ýüzüňize arkaýyn aýdýan bolsa, ol sizi söýensoň aýdýandyr.

Bir oglan siz bilen “ýakyndan dostluk” gurjak bolsa, oňa köplenç söýgi diýilýär.

Bir oglan siz bilen hiçem çekeleşmeýän bolsa, onda söýgüsine kän üns berenok.

Bir oglanyň ýüregini ýaralasaňyz hem, derrew ýatdan çykarýan bolsa, diýmek söýýär.

Aý garaz, gyzlar özlerini söýýän oglany özleri hem halaýan bolsa, galan zatlar biderek.
Tiresi, gelip çykyşy, maşgalasy, maddy ýagdaýy, milleti...bular hemmesi ikinji, belki-de üçünji faktor.

Bir oglany söýýändigiňiz aýtmaga özüňize kiçilik bilmäň. Söýmek kiçelmek däl. Ýöne söýşüp başlanyňyzdan soň yza götünleseňiz...soňy söýgüleriňiz gowşak bolýar. Türkmenlerde nakyl bar: "Köp erkegi gören gyz" diýilýär. Bu diňe sexual manyda aýdylanok. Uýat we ahlak taraplary bar. Köp erkegi barlap görseň, durmuşyň, söýgüniň tagamy gaçýar. Menu-ňyzdaky naharlaryň sany artyp ugraýar. Belki soň naharyň ýany bilen Absolute vodkajyk hem isläp başlarsyňyz. Çyzygy bilmeli.

Meniň aýdanlarym aslynda biderekdir köpler üçin, men diňe Jedelli mowzuk bolsun diýip açdym. Hany onda başlalyň jedelleşip... 🙂