Faran daglary
Faran daglary
1944-nji ýylda Londonda neşir edilen Töwradyň arapça terjimesinden bir aýat:
"Alla adamzada Sinada ýüzlendi, Sairde tejelli buýurdy, Faran daglarynda äşgär görnüp kemaly bilen orta çykdy."(Sifr. Tesniýe, Bab: 33, aýat 2).
Ýagny, Allanyň (j.j.) rehmeti, adamzada bolan merhemeti we yhsany hökmünde Hezreti Musa aleýhisselamyň Alla Tagala bilen gürleşmegi Sina dagynda bolup geçýär. Bu rehmet, o döwürde hezreti Musa berlen pygamberlikdir. Sair bolsa Palestinadyr. Ol ýerde Alla Tagalanyň rehmeti wahý ýoly bilen gelip, hezreti Isanyň hem Onuň ýanyndakylaryň kalbyny gaplapdy. Şol bir wagtda hezreti Mesih Rebbiň tejellilerine-de mynasyp bolan beýik pygamberdir. Köpler tejelli bilen zuhury garyşdyrýandyklary üçin, bu meselede düşünişmezlige uçraýarlar. Hawa, onda tejelli eden lefhaýy ylahydyr (ylahy dem, nepes). Faran daglarynda bolsa, Alla Tagala ehadiýet* syry we ferdiýet** makamy bilen zuhur edipdir. Faran Mekgededir. Çünki Töwradyň başga bir ýerinde hezreti Ybraýymyň öz ogly Ysmaýyly Faranda taşlandygy aýdylýar. Netijede Töwratda ýazylan Faran Mekgedir. Aýatda yzly-yzyna üç nebiden söz açylýar. Olardan birinjisi hezreti Musa, ikinjisi Isa aleýhisselam, üçünjisi bolsa iň soňky pygamber, iki jahan serweri hezreti Muhammet Mustapa sallallahi aleýhi wesellemdir. Töwratdaky aýatyň dowamynda şular beýan edilýär: "Onuň töweregini müňlerçe tämiz dür monjugy mysaly sahabalary gurşar. We onuň sag elinde iki agyzly otly palta bolar." Bu ýazgylardan Onuň jihad wezipesini aljakdygy äşgärdir
Arhiwiň ýagdaýy
● Doly tekst
● 52/52 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 2 awgust 2012 ý. · Asyl sahypany gör ↗
Teswirler 52
Men şu wagt bir ýere gitmeli bolup duryn, saňa ýene-de kän maglumat getirerin. Internetde dil bilýän bolsaň Dead Sea scrolls yada Qumran cave scrolls diyip yazyp owrenip goray.
b.e. öň 200 ýyl. musa haçan ýaşapdyr?
ýa muny hem öli deňizden agtaryp, soň aýtjakmy?
musa biziň eramyzdan 15 asyr töwerek öň ýaşan. tak şto, seň ol golýazmaň gaty täze bolýar. muny delil däl.
Dogry aydyan Abdulaziz dostum. In uly taryh - adamyn aklydyr. Yazylyan taryhlar her hili bolyar. Asyl din esasy aklyny ishlek esasyna gurulan. Shol sebapden din diylen zat taryhy ylym dal. Ol esasy Allahyn sana beren aklyny ishletmek hakytaty tapyar.
Allah razy bolsun Abdulaziz dost👍
Täze girdim, ýöne köp gyzykly zatlary öwrendim. Hak sözi ýazanlara we ony goranlara hem-de goldanlara Allanyň ýalkawy bolsun!
Abdulaziz, eger bilmeýän bolsaň taryhdaky köp golýazmalar ylaýtada Mukaddes Ýazgylar hasaplanýan kitaplar hudaýhon imanly adamlar tarapyndan nesilden nesile orginal nusgadan göçürilip elden ele geçip gelipdir. Gelip biziň döwrümizde tapylan ýagny 1947 ýylda tapylan Towradyň we gadymy pygamberler ýazgylarynyň gadymy golýazmalarynyň gelip öňki eranyň 200-nji ýylyna degişli bolmagy gaty uly taryhy bir subutnamadyr. Çünki ol golýazmalar 2200 ýyldan gowrak öňki döwüre degişlidir we 2200 döwrüň içinde üýtgemän biziň döwrüzmize gelip ýetendiginiň subutnamasydyr. Bu sebäpden Ol ýazgylaryň ondan öň hem üýtgedilmändigine ynanyp bolar. Ýokarda belläp geçen Öli deňzi tapyndylary özünde ýüzlerçe golýazmalary jemleýär we olaryň şeýle bir ýerde jemlenmegi bolsa ýazgylary göçürmek we saklamak bilen meşgullanýan toparyň bolandygynyň bir alamatydyr. Ondan başgada Hudaý ilkinji sözüni beren Ysraýyl halkyna Hudaýyň Ýazgylaryny ýatdan çykarmazlygy we olary nesilden nesile gorap ýetirmegi buýurypdyr. Olar hem bu işi gaty uly hormat bilen berjaý edipdirler.
Bulardan başgada, taryhyň has irki döwürlerine degişli bolan käbir bölekleýin tapylan taryhy maddalar-da ýagny daş sütün, ýada kümüş gap-çanak ýada küýze bölejikleri hem Töwratda beýän edilen käbir täryhlardan bölekleri öz içine alýar. Başgada Töwratda gabat gelýän käbir taryhy faktlar ýagny şol döwürde ýaşap geçen halklar, ýerleriň atlary, hökümdarlaryň atlary we geografiki jikme-jiklikler hem taryhyň beýleki golýazmalarynda ýatlanyp geçilýär bular hem şu günki bar bolan Töwradyň ilkinji golýazmadaky aýdylanlardakydan tapawutlanmaýandygynyň goşmaça alamatlarydyr.
Töwradyň bu günki bar bolan nusgalarynyň dogrudygyna başga bir esas bolsa, Injildir. Injilde Isa Mesih Töwratdan we gadymy pygamberler ýazgylarynda aýatlar getirdi we olara salgylandy. Isa MEsih Töwrady üýtgedilen ýada ýitip giden diýip hasaplamady, munuň tersine Töwradyň ýagny Hudaýyň Kanunlar Kitabynyň ýer we asman geçip gidýänçe hem ýitip gitmejegini aýtdy. Taryhyň jümmüşinde, hatda Isa çenli hem pygamberleriň ýada imanlylaryň hiç biri hem Töwrat barada şübheli zat aýtmady ýada üýtgedilen ýada ýitirilen diýip tassyklamadylar, çünki olarda şeýle pikiri goldaýan esas ýokdy.
Bularyň üstesine-de, Hudaýyň Özüniň Öz beren Ýazgylarynyň arkasynda durjakdygy we olary gorajakdygy baradaky wadalary bulara bolan ynam maňa doly esas berýär Töwratdan başlap ähli Mukaddes Ýazgylaryň goralandygyna we biziň günümize çenli ýetip gelendigine we diňe biziň günlerimeze däl, bizden soňky geljek nesillere hem dünýäniň soňuna çenli durjakdygyna ynamym bar!
Hudaýyň Ýazgylaryna şübhe döretjek we olaryň ýitip gitmegini ýada ýitip giden ýada üýtgedilen diýip ynandyrmaga çalyşýan biri bar, ol bolsa ozal başdan bolan ýalanyň atasy şeýtandyr
Gyzykly tarapy bolsa, özi Töwrady, Zebury, Injili okaň we öwreniň diýipde, şol bir hatarda olara şübhe döretmäge çalyşýan din yslamdyr...
seň ol hudaýhon diýýän adamlaryň, hakykatdan hem hudaýhon bolýan bolsalar, onda näme üçin isa olaryň elinden munça ejir çekdi. Siziň hudaýyňyz öz hudaýhon gullaryndan näme beýle sütem çekipdir. gaty geň hudaýyňyz bar, gaty geň hudaýhonlaryňyz bar. 1-2200 ýyl mundan öň töwratyň eýýäm üýtgäp-üýtgäp, üýtgemezi çykan däldigini sen nireden bilýärsiň? muňa-da öli deňizden özi delilleriň dagy ýokmy? ondan aňryk töwrada çenli ýene 13 asyr bar. ol on üç asyrda näme işläpdir töwrat. ynanyp bolar diýýärsiň. haýsy delile daýanyp, 13 asyr hiç hili habary-delili bolmadyk zatlara ynanyp bolar? 2-seň ol diýýän komissiýaň, töwraty goramak däl-de, töwraty ýoýmak, Allanyň buýruklaryny pozup, öz toslamalaryny ýazmak boýunça işlän komissiýa däldigine nädip ynanyp bolar? muňa öli deňizde delil ýokmy? 3-Alla ol ''hudaýhonlara'' başga-da kän zat buýrupdyr. diňe kitaby goramagy däl. eger olar her buýrulan zady eden bolsadylar, onda sen deliliňi öli deňizden gözläp ýörmeli bolmazdyň belki. 4-Bir kitabyň öz döwründäki taryhy şahsyýetler barada aýtmagy entek ol kitap 100% Allanyň kitabydygyny aňlatmaýar. Ruhnamada hem taryhy şahsyýetler agzalýar. belki sen oňa-da ynanarsyň. türkmenbaşa çokunasyň gelenokmy? 5-eger töwrat Isa döwrüne çenli üýtgedilmedik bolsa, onda näme üçin ol täze kitap getirdi, näme üçin oňa täze at goýdy? öňki kitabyň originaly bar bolsa, täze kitap nämä gerek? 6-Hawa, Alla öz ýazgylaryny goraýar. ýöne nädip goraýar? adamlara ol ýazgylary amanat berýär. adamlar bolsa, ony öz göwünlerine görä üýtgedýärler. şonda Alla täze pygamber ugradyp, olaryň iş edinip, komissiýa bolup üýtgeden kitabyny otmena edýär-de, täze Pygamber bilen öňki kitabyň originalyny ýene-de janlandyrýar. onsoň öli deňiziň ýörite wezipelendirilen kitap ýoýmak boýunça öli komissiýasynyň eden işleri puja çykýar. işlerini puja çykarmazlyk üçin ol öli komissiýa pygambere garşy çykýar. ony hatda öldürýär, haça çüýleýär we ş.m. 7-seň ol kitaplaryň üýtgedilmändigine we üýtgemejegine ynamyň bardygy bärde hemme kişä düşnükli. ýöne seň bir zada ynamyň bolmagy entek ol zadyň hakdygyna asla delil däl. delil bolsa-da öli delil. 8-bärde Allaň ýazgylaryna şübhe döretjek bolýan ýok, töwrat hakdyr, injil hakdyr. emma olaryň originallary, öli deňizden tapylan öli komissiýanyň saýasynda taryhda galypdyr. bu gün ýok. bu gün Alla ol komissiýanyň eden işini puja çykardy. Öz kitabyny täzeden indirdi we ol bolsa, hakykatdan-da üýtgedilmänjik şu güne gelip ýetdi. bärde Allaň ýazgylaryna şübhe döretjek bolýan ýok, eýsem göniden-göni Allanyň kitabyna şeýtanyň kitaby diýýän nalajedeýin biri bar. bujagaz sözüň üçin jähennemiň düýbinde çekjek jezaň üçin saňa gaty gynanýaryn. ýöne nätjek, jähennemem gerek. bolmasa, Allaň dinine dil uzadýan üçhudaýlylary jennete salyp bolmaz-a. 9-ýogsa-da, näme yslamyň şeýtanyň dinidigi barada-da, sen bendede taryhy delil barmy. öli deňizde ol barada aýdylypdyrmy, köne daşlara dagy seredişdirip, şeýtan bilen gürleşip gördüňmi? gürleşen bolsaň, gaýrat et-de dialogyň tekstini ýazsana. okaly. Dogry ýoldan ýöreýänlere Allanyň salamy bolsun.
maşaalla güzel gidiyoruz dini zatlar köpürak yazylsyn