Faran daglary
Faran daglary
1944-nji ýylda Londonda neşir edilen Töwradyň arapça terjimesinden bir aýat:
"Alla adamzada Sinada ýüzlendi, Sairde tejelli buýurdy, Faran daglarynda äşgär görnüp kemaly bilen orta çykdy."(Sifr. Tesniýe, Bab: 33, aýat 2).
Ýagny, Allanyň (j.j.) rehmeti, adamzada bolan merhemeti we yhsany hökmünde Hezreti Musa aleýhisselamyň Alla Tagala bilen gürleşmegi Sina dagynda bolup geçýär. Bu rehmet, o döwürde hezreti Musa berlen pygamberlikdir. Sair bolsa Palestinadyr. Ol ýerde Alla Tagalanyň rehmeti wahý ýoly bilen gelip, hezreti Isanyň hem Onuň ýanyndakylaryň kalbyny gaplapdy. Şol bir wagtda hezreti Mesih Rebbiň tejellilerine-de mynasyp bolan beýik pygamberdir. Köpler tejelli bilen zuhury garyşdyrýandyklary üçin, bu meselede düşünişmezlige uçraýarlar. Hawa, onda tejelli eden lefhaýy ylahydyr (ylahy dem, nepes). Faran daglarynda bolsa, Alla Tagala ehadiýet* syry we ferdiýet** makamy bilen zuhur edipdir. Faran Mekgededir. Çünki Töwradyň başga bir ýerinde hezreti Ybraýymyň öz ogly Ysmaýyly Faranda taşlandygy aýdylýar. Netijede Töwratda ýazylan Faran Mekgedir. Aýatda yzly-yzyna üç nebiden söz açylýar. Olardan birinjisi hezreti Musa, ikinjisi Isa aleýhisselam, üçünjisi bolsa iň soňky pygamber, iki jahan serweri hezreti Muhammet Mustapa sallallahi aleýhi wesellemdir. Töwratdaky aýatyň dowamynda şular beýan edilýär: "Onuň töweregini müňlerçe tämiz dür monjugy mysaly sahabalary gurşar. We onuň sag elinde iki agyzly otly palta bolar." Bu ýazgylardan Onuň jihad wezipesini aljakdygy äşgärdir
Arhiwiň ýagdaýy
● Doly tekst
● 52/52 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 2 awgust 2012 ý. · Asyl sahypany gör ↗
Teswirler 52
Jazakum Allah al-haýr.
Allanyň resulynyň wahý gelmeginden öň Hira dagynda bir gowakda özüni oý-pikirlere we ybadata tabşyrandygy mälimdir. Ilkinji wahý hem bu dagda gelipdi.30 Yslam dini ýaly bir diniň döräp, älem-jahana ýaýran ýeri Faran Mekge bolmasa, başga nire bolsun?! Dünýäde başga munuň ýaly ýeriň ýokdugyna görä, Töwratda ýazylan Faran Mekgä yşaratdyr. Edil ýokarda belläp geçişimiz ýaly, Tekwiniň 21-nji aýatynda ýazylan
we hezreti Ysmaýylyň ýerleşen ýerini görkezýän Faranda ýerleşdi diýen ýazgy aýdanlarymyzy subut edýän iň ynanarlykly, aýdyň delildir. Muňa garşy gitjekler aýdara söz tapmaz. Bu meselede aýdylan garşy gitmeler ylymdan uzak, toslama pikirlerdir. Aýatyň soňundaky sahaba we jihad wezipesine degişli yşaratlar hiç bir ikirjiňlenmä we şübhä ýer goýman, ol ynsanyň hezreti Muhammet aleýhisselamdygyny aýdyň görkezýär.
http://tr.fgulen.com/content/view/302/3/
Hakykat, bu getiren mysalyň düýbünden Töwradyň düşünjesine gabat gelmeýär, çünki Töwrat Muhammet barada hiç zat aýtmaýar meniň bilişime görä. Töwratdan getiren aýadyň ýagny Tekwininiň diýeniň nirede, men ony okap öwrenip görjek hany seniň diýýänleriň dogrymy ýada ýokmy? Soňra men saňa düşündiriş berjek öz pikirlerimi bu pikir barada!
Dost birinjidena linkini goydum, 2-njiden delil talap etmezden Kankretna edilen (Gulen-e tay yokdur), 3njiden bolsa borla, sen yslama bolyan garshy garayshyng her pursat guyc alyar.
Linkini goýupsyň gowy, ýöne ol türkçe-de bu oňa doly düşünmek kyn, eger şol Töwradyň kitabynyň adyny türkmençe ýada rusça ýada English goýsaň okap görjekdim we hakykatdan hem Guleniň diýýänleri dogrymy ýada ýokmy barlap görjek... Gulen ýaşula hormat etmezligim däl, ýöne öwrenip görmek isleýän!
Hezreti Ysmaýylyň neslinden
Töwratdan ikinji aýat:
Ýaradan Hak Tagala Töwradyň bu aýatynda hezreti Musa ýüzlenip şeýle diýýär: Olar üçin (Ysraýyl ogullarynyň) doganlarynyň arasyndan seniň ýaly bir pygamber döretjekdirin we hökümlerimi Onuň zybanyna saljakdyryn we Oňa emr eden her bir hökümimi Ol ymmatyna bildirer. (Sifr: Tesniýe, Bab: 18, Aýat: 18).
19-njy aýat hem munuň üstüni ýetirýär:
Meniň adymdan Onuň aýtjak hökümlerine ytagat etmediklerden hut özüm öç alaryn.
Bu aýatda Ysraýyl ogullarynyň dogany diýilmek bilen hezreti Ysmaýylyň neslinden geljek bir pygambere yşarat edilýär. Hezreti Ysmaýylyň neslindendigi belli bolan ýeke-täk pygamber hem serwerimiz hezreti Muhammet aleýhisselamdyr. Ol hem hezreti Musa aleýhisselam ýaly bir şerigat bilen geler. Şeýle hem bu aýatda geljek pygamberiň okap-ýazyp bilmeýändigi aňladylýar.
Ytagat etmediklerden alynjak öç bolsa, müýeýýidat--kanun we ahlak emirleriniň ýerine ýetirilmegini üpjin edýän kuwwat hem-de ukubatdyr - jenaýatyň öňüni alýan jezalardyr. Bu hem diňe yslam dininde bardyr.
Töwratda ady tutulýan bu pygamberiň hezreti Isa we hezreti Ýuşa aleýhisselam bolmaklary asla mümkin däldir. Çünki bu pygamberler Israýyl ogullaryndandyr. Esasan hem, bir giden meselede hezreti Isa aleýhisselam täze hiç hili höküm getiren däldir, ol diňe hezreti Musa tabyn bolandyr. Hezreti Ýuşanyň bolsa hezreti Musa meňzemedigi Gün kimin äşgärdir. Çünki ol täze bir şerigat bilen gelen däldir. Netijede
Dogrusy, biz siziň öňüňizde şaýatlyk etjek bir pygamber gönderdik. Şonuň ýaly Fyraguna-da bir pygamber iberipdik. (Müzzemmil, 73/15) Şu aýat hem hezreti Musa bilen serwerimiziň arasyndaky meňzeşligi beýan edýär. Aslynda, mundan artyk delile zerurlyk hem ýokdur.
Towrat:
Nur Tur sina dagyndan geldi (Musa a.s) hayyr dagyndan shohle sacdy (Isa a.s) we yagysh daglaryndan bize ashgar boldy (Muhammet s.a.w)
Yogsada Towrat hem Injil yaly bir dalde encemedirow, dogrysy sanyna bilemok. Yone heniza Towradyng turkmencesini okap goremok.
Hakykat, Töwrat ençeme däl, diňe birdir. Näme üçin eger yslama esas gözlenilende, ençeme däl ýada Töwrada salgylanmaga çalyşylýar, gabat gelmese ýada beýle däldri diýip pikir ýöredilse, onda ençemedir, üýtgedilendir, ýitip gidendir... diýilýän köne taktika delilsiz baş urulýar.
Töwradyň Hudaýa şükür Türkmençesi bar, seniň ýokardaky getiren aýadyň hem ol taýda bar ýöne başgaçarak.
Men ol aýatlary taparyn soň bu taýda goýaryn...we düşündirerin
tmde gurbanlyk haysy gun bashlayady? 16? 17?
Hakykat ine seniň Muhammede degişli etmäge çalyşýan aýadyň Töwradyň bäşinji bölüminiň 18 babynyň aşakdaky aýatlarynda ine şeýle diýýär:
Musa ýaly pygamber 15«Hudaýyňyz Reb siziň üçin öz halkyňyzyň arasyndan meniň ýaly pygamber çykarar. Siz şol pygambere gulak asyň.16Horep
dagynda üýşen günüňiz, siz Hudaýyňyz Rebden haýyş edip: „Hudaýymyz
Rebbiň sesini mundan artyk eşitmäli we bu beýik ody indi görmäli,
ýogsam biz öleris“ diýipdiňiz.17Reb maňa: „Olaryň aýdýanlary dogry.18Men
olar üçin öz halkynyň arasyndan seniň ýaly pygamber çykararyn. Meniň
buýran zatlarymyň ählisini halka aýdar ýaly, Men sözlerimi pygamberiň
agzyna salyp bererin.19Kimde-kim Meniň adymdan sözleýän pygamberiň sözlerine gulak asmasa, ol adam bilen Meniň Özüm hasaplaşaryn.20Emma
başga hudaýlaryň adyndan sözleýän pygamber ýa-da Meniň buýurmadyk
zadymy, hyýanatçylyk edip, Meniň adymdan sözleýän pygamber ölüme höküm
ediler“ diýdi.
Türkmençe terjime-de bu taýda öz halkyňyzyň arasyndan meniň ýaly pygamber çykar... dýip terjime edilen. Bu many taýdan has dogry terjimedir, çünki bu aýatlar bütin bu kitabyň kontekstinde we bu aýatlaryň öňündäki aýatlarda we soňundaky aýatlarda edilýän gürrüňler esasynda ysraýyl halky barada we olaryň öz doganlary hakynda gürrüň gidýär. Çünki mysal üçin şol babyň ýagny 18-nji babyň 1-4 aýatlaryny alyp görseň ol ýerde hem şol bir sözler ýagny öz doganlaryň arasynda diýen söz ulanylýar we bu Lewililer hakynda gürrüň gidýändigi görünip dur. Eger bir bap öňdäki 17nji babyň 14-15 aýatlaryna seretsek, ysraýyllara öz doganlaryndan birini patyşa bellemek hakynda buýruk berilýär. Ysraýylyň bolsa gelip araplardan bir patyşa bellemejegi anykdyr we muny hiç haçan hem ysraýyllar etmediler, çünki olar näme diýilýändigini gowy bilýärdiler...Umuman alanyňda, eger bu doganlaryňyzyň arasyndan... diýen söze esaslanyp bu aýady Muhammede degişli etmek synanyşygy ýönekeýje kontekste ýagny öňündäki we soňundaky aýatlara seretmek we gürrüňiň umumy näme we kim hakynda gidýändigine seretmek bilen hem nädogrudygyny subut edip bolýar.
Indi bolsa käbir başga taraplaryna hem üns bereliň, ýagny Musa meňzeýän bir pygamberiň häsiýetleri barada gürrüň edeliň. Näme üçin Hudaý şeýle pygamberi ibermegi ysraýyllylara aýdypdyr? Eger üns berseňiz, munuň sebäbini Musa 15 aýatdan başlap 18-nji aýatlarda düşündirýär. Ýagny halk gönüden göni Hudaýyň sözüni eşitmekden gorkandygy üçin Musa arkaly olara gepledi we Musa Hudaýa ýüzbe ýüz duş geldi we adamlar bilen Hudaýyň arasynda durup gönüden göni Hudaýdan eşidip olar üçin wagtlaýyn töwellaçy boldy. Şeýle pygamberi, ýagny Hudaýdan gönüden göni eşidýän we adamlar arasynda hemişelik araçy bolup biljek biri barada gürrüň gidýär. Bu häsiýetine seredeniňde, onda bu Muhammede meňzemän, çünki ol Kurany göni Hudaýdan alman, jebraýyl perişde arkaly aldy diýip hasaplanylýar. Isa Mesih bolsa Özi gökden inip gelendigi üçin we Hudaýy görüp göni Ondan eşidenlerini adamzada aýan etdi, munuň üstesine-de biziň üçin baky töwellaçy ýada araçy bolup galýar. Ondan başga hem Musa gudratlar görkezdi, Musa munda meňzeýän hem Muhammet bolman, çünki Muhammet hiç hili gudrat görkezip bilmedi, Isa Mesih Musa doly meňzeýär, çünki Isa Musadan hem has köp gudrat görkezdi.
Musulman alymlarynyň Mukaddes Ýazgylardan nähilidir bir çalaja golaý gelýän aýatlary tapmaga synanyşyp we soňunda olary Muhammede degişli edip ol aýady kontekstinden çykaryp özleriçe many bermäge synanyşmagy haýran galdyryjy we diňe muny hem etmek bilen çäklenmän bu hakynda hemme ýerde söz açyp giden köpçüligi ynandyrmaga çalyşýarlar, köpçülik hem gynansak-da bu barada özleri barlag geçirip görmän ýalana ynanyp gezibermegi bolsa haýpyň getirýän bir alamatdyr!
Teýmir -1 minus bermek gaty ýeňil, eger meniň ýazanym bilen ylalaşmaýan bolsaň delilli gürrň et!!!
azyrak yazda kopirak many bersene. bolmasa sen bu pikirlerinden taze tovrat emele gelya.
Teýmir bular dini dawalar däl, hakykat üçin bolýän dawalar. Taryhy delilleri özleriçe edip düşündirmäge çälyşanda dogrusyny aýtmak men pikir edýän her bir adamyň borjudyr!
Eger kimdir biri gelip klawiaturada bu taýda ýokarda ýazylanlary delil ýaly şu taýda ýazýan bolsa onda men oňa jogap edip şu taýda ýazarynda. Çünki bu makalany okaýan başgada adamlar kän, olar hem nädogry zatlara ynansynmy, goý olar hem oýlanmaga gözlemäge mümkinçiligi bolsun. Iki tarapy hem diňlesin.
Men metjide baramok, ol taýa sen barýarsyň eger saňa şol delilsiz zatlary öwredýän bolsa, onda sen olara menden eşideniňi ýetiräý...Iň bolmanda, özüň öwrenip gör we hakykatyna göz ýetir!
hormat bilen,
Shu teswirlerde nache delil gorkezildi,hakykaty gozung gormese ...........
Temany bulashdyrmaly shahsa yazay name yazsang
Her bir ýazylan zat delil bolanok, çünki eger Ybraýym diýjek bolsaň we onuň ogullary diýjek bolsaň onda çeşmäni ilki bilen bu taryhyň çeşmesi bolan Töwratdan getirmeli bolar, ine bu hem hakyky delil bolar dostym! Galanyny özüň bilýäň...