Habar beriş serişdelerinden geñ habarlar

Ýaponiýa'nyñ "The Bank of Tokio-Mitsubishi UFC" bankynda ilkinji gezek adamsypat roboty işe başlady.Onuñ esasy işi-banka gelen müşderilere bankomatyñ ýerleşýän ýerini görkezmek,hyzmat ediş kassalaryny we walýuta alyş-çalyş nokatlaryny salgy bermekdir.

NAO ady berilen bu adamsypat android robotyñ boýu 1.58cm,agramy bolsa 5.4kg töwereginde bolup,muny Ýaponiýa'nyñ Softbank informasiýa tehnologiýalary şereketine bagly bir fransuz firmasy işläp düzüpdir.Kamera we ses sensorlary bilen banka gelen müşderileriñ ýanyna baryp, mylakatlylyk bilen garşy alýar.Her hili soraglara jogap berip bilýän NAO roboty,14 sany daşary ýurt dilinde gürläp bilmäne ukyply eken.

ABŞ'yñ Demirgazyk Dakota ştatynyñ Fargo şäherçesi ýabany towşanlardan doldy.50'ä ýakyn ýabany towşany ýaşaýjylaryñ howlularyny we çagalar oýun meýdançalaryny doldurdylar.Şäherçede ekinlere zyýan berip,her tarapa hapalaryny dolduran ýabany towşanlardan nädip dynmagyñ aladasyny edýärler.Sebäbi bu jandarlar janly tebigatyñ wekilleri bolup,şäherçede yabany towşanlaryñ köpelişini kontrolda saklaýan normatiw kanun ýok eken,ýagny,azar bermek bolmaýar,diýip leýtenant Joel Bettel ABC News'e jogap beripdir.

Beýik Britaniýa'da adybelli fizik İsaak Nýuton'yñ näbelli teoriýasy ýazylan ýazgysyny tapdylar.

İñlis fizigi İ.Nýuton'yñ öñ çap edilmedik bu ýazgysyny suwuñ agaçlardaky hereketi hakda ýazypdyr.Nýuton bloknotdaky bu ýazgyny 1661-1665 ýyllarda Oksford uniwersitetinde okap ýörkä ýazypdyr.Nýuton'nyñ mirasdüşerleri bu ýazgyny 1872.ji ýylda Kembrij uniwersitedine sowgat beripdirler.Arhiwi gözden geçiren işgärler,bu ýazgysynda suwuñ nädip agaç köklerinden ýokaryk ýapraklaryna çenli bolan hereketi barada ýazandygyny anyklapdyrlar.

Ginnesiñ rekordlar kitabyna giren iñ garry adam-ýapon Sakari Momoi'niñ 112 ýaşy doldy.

Ýaponiýa'nyñ Saýtama şäheriniñ ýaşaýjysy bolan bu ýaşuly bu titulyny geçen ýylyñ awgust aýynda alypdy.Mundan öñ bu titulyñ eýesi,iýul aýynda aýrylan amerikaly himik alymy Aleksandr İmiç'di.Şu wagt dünýäniñ iñ garry zenany Ýaponiýa'nyñ Osaka şäherinden Misao Okawa'dyr.Bu zenan şu ýylyñ 5.ji martynda 117 ýaşy dolýar.

Sakari Momoi 1903.ji ýylyñ 5.ji fewralynda Honsýu adasyndaky Fukusima prefekturasynda Minamisoma şäherinde eneden dogulýar.1928.ji ýyldan bäri bile ýaşaşýan aýaly aradan çykypdyr.Onuñ 5 çagasy bardyr.Bütin ömrüni himiýa mugallymy we mekdep müdiri bolup işläpdir.

Wagtynyñ köp bölegini kitap okamak bilen geçiripdir,esasan,hytaý poeziýasyny söýýär eken.

Ýaponiýa dünýäde iñ köp ýaşaýan adamlaryñ ýurdydyr.Geçen ýylky sanawlara görä,ýaşy 100'üñ üstünde 58820 adam hasaba alnypdyr,diýlip,"İnterfax" habar agentliginde aýdylypdyr.

Filippinlerde seýrek duş gelýän akulany tutdylar.

"Megachasma pelagios" diýlen bu akula görnüşini,bellemeklerine görä,iñ soñky gezek,1976.jy ýylda görülipdir.Agzy ullakan,kellesi bilen göwresi bir bolan bu akulany içgin öwrenilmesi üçin alymlara iberilipdir.Beýle seýrek duşýan balyklar diñe Ýaponiýa'nyñ,Taýland'yñ we Filippinleriñ deñiz zolaglarynda köp duşýarlar.

(Bu günlük habarlar şulardan ybarat.İndiki habarlarda görüşýänçek,köp sag boluñ!)