Pygamberimiziň karikaturasyny çyzýandyklaryna MEN günäkär

hawa, ähli bu bolýanlara MEN günäkär.

özüňizem görýänsiňiz. öz pikirlerini, düşünjelerini erkin we PARAHAT beýan etmek islän 10 sany fransuz žurnalistini Pygamberimiziň karikaturasyny çyzandyklary üçin atyp gitdiler. hiç hili dahyly ýok 2 sany polisiýany hem atdylar. ondan başga-da ýene birnäçe parahat halky öldürdiler, girewine aldylar.

tutyş dünýä aýaga galdy. awtomatlar bilen galamyň garşysyna çykjak bolýaňyzmy akmaklar diýip. siziň başga oňarýan zadyňyzam ýok. diňe eliňize awtomat alyp atmagy başarýaňyz, jahyl musulmanlar! diýip köçä çykdylar.

biz "erkin sözüň" tarapdary diýdiler. hormatly Şarli diňe pikrini beýan etdi. ol siziň Pygamberiňizi şeýle hasaplaýar we şeýle-de çyzýar. muňa siziň garşy çykmaga hakyňyz ýok diýdiler we diýýärler.

ähli özüni öňde hasaplaýan ýurt baştutanlaram, hormatly BMG'yň başlyklaram bulary goldap çykyş etdiler.

beýleki dünýä gazetleri bolsa biz öz kärdeşlerimizi sylaýas diýip "alyň, bagryňyz köýsün, janyňyz ýansyn. ölüň. çüýräň, trýapka boluň" diýip, ýene we ýene karikaturany çap etmegi dowam edýärler.

men bolsa bärde parhsyz pul gazanmagyň aladasynda otyryn. agşam näme iýsemkäm, nirde keýp etsemkäm bar aladam.

şu wagt dünýäde ähli bolup geçýänlere MEN günäkär.

günde bir gazet Pygamberimiziň karikaturasyny çap edýär. MEN günäkär.

şol gün ölen 10 žurnalistiň hem ölümine-de MEN günäkär.

Yslamyň ady garalanmagyna, Ony ýigrenmeklerine.. ählisine MEN günäkär.

BIR ZADA DOGRY DÜŞÜNIŇOW: terroristler Yslamyň adyny garalanoklar. ony MEN we men ýaly özüne musulman diýip, parhsyz, nalaç edeýin, pes durmuş ýaşap ýörenler garalaýar.

boldy bir bolmady bir diýip, dünýä maly üçin hars urup ýörenler garalaýar.

hlisine bir ýewropeýsiň köpegine gynanyşyça-da, öz dininiň garalanmagyna, Pygamberiniň kemsidilmegine gynanmaýanlar günäkär.

janym ýanýarow jahyl musulmanlary görsem. dogry edipdirler atmaly olary diýýänleri görsem.

şolaryň jahyllyklaryndanam akyllysumaklar peýdalanýar.

ahow Pygamberimiziň üstüne maslyk atyp gidenlerinde ýanynda seniň, meniň mertligimizden müň esse Mertler bardow.

bir zat etjek bolsalar Şolar edip bilerdow. boş paşyrdamaýyň-da..

Pygamberimiz hiç haçan öz bähbidine karar almadow, almady... beýle nalaç edeýin pikir etmäýiň-dä.

şol karikaturaň çyzylmagyna Şarli we ölen 9 ýoldaşy günäkär DÄLOW. diňe BIZ günäkär, MEN günäkär.