3 mln manat aýlyga kaýylmy? Onda mowzugy okap otyrma.
Salam hormaltly teswirçiler we myhmanlar!
(Mowzuk uzyndyr, ýöne soňuna çenli okasaňyz durmuşyňyzy isleýşiňiz ýaly gurarsyňyz)
Köpimizide şeýle pikirler geçýär: "Türkmenistanda iş orunlary az, halk işsiz gezip ýör. Haçan aýlyklarymyz köpeler, biziň aýlygymyz daşary ýurtda hiç zat". Ýa-da ine şeýle "Näme üçin biz Ýaponiýa, Amerika, Germaniýa ýaly 8-lige girip bilemzok". Şeýle pikirler sizde bar gerek?
Elbetde bardyr, öň mende-de şeýle pikirler bardy.
Indi men size bir sorag beresim gelýär. Näme üçin biziň özimiziň kellämiz (beýnimiz) bar wagty, hökümetden kömek soraýas. Ýagny, hökümet bize iş orunlaryny bermeli. Ýagny biziň özümiz iş orunlaryny döredip bilmerismi? Elbetde döredip bileris. Ine şu taýda kelläňize pikir gelendir, "men nädip iş ýerlerini döredeýin, mende biznesmen bolmana kelläm ýok". Kelle ählimizde bar, ýöne biz ony ulanyp başaramozok.
Men indi beýniňizi ulanmaga ýol aşjak bolaýyn, men finans, matematiki we biznes terminleri ulanjak däl. Marketing görnüşleri we Politikany sygyrlar arkaly düşündirişim ýaly, has ýeňil dilde düşündirjek bolaýyn.
Rowaýat.
Orta asyrlarda, tokaýlgyň jümmüşinde 100 sany adamly bir oba bar eken. Obanyň halky içilýän suw problemasyndan kösenýän eken. Obanyň arçyny uly ýygnak etýär. Ýygnakda şeýle diýýär, " Kimde-kim, oba suw getirip berse, şol suw getirýänçä pul töläris". Bu habary eşiden iki ýaş oglan, ýaňky arçyn bilen kontrakt baglaşýar.
Birinji oglan eline iki sany bedre alýarda, derýa tarap gitýär. Derýada bedresini suwdan dolduryp, oba getirip her bedräni 5 manatdan satyp ugraýar. Derýa ýol uzak bolany üçin, günde sekiz reýs gatnapdyr. Her reýsde iki bedre daşaýany üçin, sekiz reýsde 16 bedre satypdyr. Her aýda-da 485 bedre satypdyr. 5 manatdan, 485 bedräň 2400 manat bolupdyr. Ýagny öz beýnisi bilen aýda 485 manat gazanypdyr. Aşakdaky mysal:
16 bedre günde x 30 gün=485 bedre aýda
485 bedre x 5 manat= 2400 manat aýda.
Indi içilýän suwa, aýda oba adamlary näçe töläpdir? Geliň hasaplap göreliň!
Her adam günde bir bedre suwy 5 manatdan alýan bolsa, 30 günde 150 manat bolýar. Ýany oba adamy suwa aýda 150 manat çykdaýjy etýär. Aşaky mysal:
30 bedre x 5 mant= 150 manat
Indi habary ikinji oglandan alalyň. Ol arçyn bilen kontrak baglanşandan soň, öýüne gelip pikir edip başlaýar. Beýnisiniň her bir öýjigini işledip başlaýar. Özüne şeýle sorag berýär: "Az wagtymy sarp edip, adamlara we özüme peýdaly näme edip bilerin?" Ahyr soňy kellesine ideýa gelýär. Ondan soň ol ideýany durmuşa geçirmek üçin, plan düzüp başlaýar. Plany taýýar bolansoň, ony realizowat (durmuşa geçirip) edip başlaýar. Agaçlary çapyp, olary turba görnüşine getirýär. Ol turbalary bilen derýa baryp, obasyna çenli turba geçiriji çekýär. Hiç hili fiziki zähmetsiz, suwy turbalar arkaly oba akdyrypdyr. Obada 100 adam ýaşaýar, her adamyň öýünede krant çekip, aýda 25 manat alypdyr. 100 adamdanam aýyna 25 manat alsa, umumy girdeýjisi aýyna 2500 manat bolupdyr.
100 adam x 25 manat= 2500 mant
Ýagny ol birinji bedreçi ýaly, uzakly gün suw daşap ýöränok. Hemde oňa seredende aýyna has kän pul gazanýar, haldanam 150 mant alanokda, 25 manat alýar.
Indi deňeşdirip göreliň:
1-nji bedreçi: Uzakly gün işläp, aýyna 2400 manat gazanýar. Her bir oba adamyndanam 150 manat alýar.
2-nji bedreçi: Çagalay bilen bolmana ýa-da başga işler etmäne uzakly gün boş wagty bar. Aýyna 2500 manatlyk pul akymy bar. Halkdan 25 manat alýar we 1-nji bedreçiniň biznesini çökerýär. 🙂
Bu rowaýatyň üsti bilen näme diýjek bolanyma düşünensiňiz. Biziň esasy baýlygymyz bolan, beýnimizi ulanmagy başaralyň. Özümize diňe "Az wagtymy sarp edip, adamlara we özüme peýdaly näme edip bilerin?" diýen soraglarda ýaşalyň.
Siziň şu wagt aýtmagyňyz mümkin, "Baýram, näme üçin sen bu zatlary bize öwretýäň, eýsem bu seniň özüňe zyýanly dälmi ýagny konkurentleriň köpelmezmi?". Ýok! zyýanly däl, içiňizde ähliňiz meniň aýdanlarymy kabul etmersiňiz, diňe özüne ynamly adamlar kabul eder. Ine olaram Türkmenistan üçin iş orunlaryny döreder. Meniň arzuwymam, halkymyzy işsizlikden alyp çykmak.
Eger isleseňiz, indiki blogumda, "peýdaly karz pul we zyýanly karz pul" hakda bilýänlerimi paýlaşyp bilerin. Size diňe meniň mowzuklaryma şu ýerden ýazylaýmak galýar. 🙂
Sitata: Şowsuz adamlar şu günki aladasy üçin ylgaýalar, ýeňijiler öňünde goýan maksatlary üçin ylgaýalar. (Dennis Ueýtli)
Arhiwiň ýagdaýy
● Doly tekst
● 80/80 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 10 maý 2012 ý. · Asyl sahypany gör ↗
Teswirler 80
Ana shonda mushderilerimiz bizin korolymyz bolar. Korol bolarda sana zakaz berip dursa 🙂. Yogsamam firmany yapaymaly. Son aylykly ishe yola rowana.
meniñem geljekde gowja biznes proýektim bar. ýöne bärde aýtjakdäl, turkmentalyp soraga tutarmy nämemi blum
soragdan chekinmegin Rowshen. Sorag berme diysen bermerin menem. Yone sorag erbet zat dal. Esasy oz etjek ishini bil we ynamyn bolsun, bolany.
Sytata: Näme üçin biziň özimiziň kellämiz (beýnimiz) bar wagty, hökümetden kömek soraýas. Ýagny, hökümet bize iş orunlaryny bermeli. Ýagny biziň özümiz iş orunlaryny döredip bilmerismi?
Yok Bayram, kopler hokumetden ish bererine garashanok, bazar ykdysadyyetine gecerine garashyarlar, munun formulasyny gorkezmek uzyn. Yone aytjak zadym:
1. Senin aydanlaryny iba ilatynyn nace prosenti edip biler?
2. Dayhanlar name? Name ucin olar hokman pagta ya bugday ekmeli (which is very disadvantegous)?
3. Biznes etmek diylende uly zat ol, gaty uly syyasat. Hemme zada potent ya lisenziya berilyarmi?
4. Biznesin yola dushdi diyeli. Kanun ishlemeyan yerde kim senin biznes hukugyny goramaly?
5. Korrupsiya gaty ozen yerde biznes etjek bolsan, senem korrupsiyanyn gyrasyndan datmaly.
Garaz diyjek zadym: Koler hokumetden ish oruna garashanok, garashyan zatlary: Bir zat etjek, yone dowletin bizary degmesin. Mysal ucin, Akbabek gelnejani alaly. Biznesi osup ulalyp bayap gitdi. Kerpic zawot acdy, gurlushyk kompaniya acdy, TESCO yaly sistema etjek bolup EBRD bankdan gaty uly kredit aldy, bashyny carap bashlady. Garaz goze dushdi, onson 3 ay mundan on basyp, yygnap goyberdiler. Shumny onun gelmeli yeri? Gorkezilyan sebap: Gumrukden haryt gecirende salgydyny dogry tolemandirmishin.
ýo oýun edýänlaý 🙂
TKM-da yok wagty anyryk birinji bolup bir zat iberipdik, anyryk baranda konfeskaciya etdiler, Turkmenistanda bular yaly zat entek yok diyip 🙂 bir policiyan eline beripdirler, olam, jigim, icinden chykaryp birini berde, galanyny alyp giday diydi 🙂 Janyn sag bolsun diyip berip, galanynam hezil edip satdyk 🙂 Emma indi dine tanysh usti bilen ishleyas, sebabi adym gechen wagty munlap dollar gidya. Shon uchin, G*TI GUYCHLIRAK BIRI anyrda ishleri edyar 🙂
Mowzukda ideyany berya,Oz elim oz yakam,maslahata sag bol,ay indi hokumet edarasa,bir Ashgabtda bar diymeseng,welayatyng ahli kunjeginde shirket,onsongda manapoliya diyyan zat bar,yagny tamojnydan yeke bir-ya iki adamyng towaryny gechirityar,emma bashgasyna konkurensiya bolmazlyk uchin gechirdenoklar...antimonopol uchin chareler gormeli...,paytagytda kryshawanya bolmasa,mini zawod achyp bolonok,ach diysede-150 km dashlykda achdyraymasang,ustesinede-minizawod diyseng-minitirden rusgat al diyip ugrayarlar...kop dowletler->biznesden kop hayyr goryaler,daje ekonomikang osmeginede getiryar-,yone bizde biznese matach dal,shol nebitgaz diyip yatyrlar,BayramJm ->ideyangy halka bolon podderjkang sag bol...
etjek ishin yurdun baz. ykdysadyyetinin osmegine-de yagny konkurenziya boljak ykdysadyyete we kanunyn ishleyshine bagly. Yogsam monopoliya oda tanysh-pul bn bolyan tilsim. Hemme zat dine ozune dal dashyndan tasir edyan faktorlaram bar.
3 milyon? Az pulam dal oza
gowy tema minnetdar bayram jm! Menem pikirlenip bashladym:-)
Adamlarda ideya kan. Yone tm'da kabir shertler, yagdaylar, parahorluk adamlaryn ideyasynyn sonmesine sebap bolup bilya. Meselem em bir ideya bilen osup ugrsama onson asgymdan gyjyklap baslayjaklar yaly. Ideya durmusa gecirmek ucinem bilimli adamlar matac. Yokrada nazaryn aydanyna gosulyan oz ideyan bilen investor cekmek gerek. Kreditine pul almagy menem gosulamok daze oz banklarymyzdan, resmi ish yoramenson kredit almagam howply
Umumana mowzuk gowy. Bizde biznes ýöretmek üçin diñe kelle ishletmek ýeterli bolsady... ;-(
presentation of www.quest.net
ketek boldym turkiyede şu hekayany dinglap, yoneeee yzyny uzman quest.net reklama etyaler...
ol meyli welin, bagyshlarsyn
şu ýerde bir säwlilik gördüm! 485 dälde 480 bolaýmasyn
agaçdan ýasaýar diýipdirä turbalary... el güýji gidýär munda diňe
Meniň pikirimç-ä, 2-nji oglan dogry edipdir. Sebäbi, 1-nji oglan suwy bedreläp, 1 ýyl daşar, 2 ýyl daşar, (soňunda agyr ýük daşamak saglygyna jepa berer...) a onýança bolsa, 2-nji oglan planyny düzüp ýetişendir.
Дуйн лимитим долансон, жогап берип билмедим. Пикирлерде берен жогабымы язайжак.
Сораг берип жогапсыз гоймак, бу берен сорагына жогабыны билмезлик дэлдир. Догры, илки ойжукдирйэн, гызыкландырйан сонунданам жогапсыз гоййан. Сораг билен гызыкландырйан, шол пикир билен заразить эдйэн, пикирлендирйэн, сонунданам маны чыкарып, ози сорага жогап тапйа. Эгерде мен жогабыны айтжак болсам хич-хили пейдасы ёк.
Teman namesi gowuka? Siz name owrendiniz
Kirshen dost, ideya gowy yagny bu hekayada ideyany oylap tapmagy owredyar. Galyberse-de ideya bilen 2-nji oglanyn ishi basha barmaz. Sebabi kapital we edip biljek bilimli spezler meselesi bar. Ona-da pul gerek, bashda ykdysady hasap hesip etmeli. 2-nji oglan inwestor bolan bolsa onda gowy ish elbetde. Yone sen-men bu ideyany yagny yokardaky yaly mumkinchilik dorese edip bilmeris. Sebap kapital yok.
Bu hekaya kapitally adamlar uchin bir sapak.