Kakajan kaktusyň içagrysy #3

salam ertirdeşler, temanyň asyl eýesi Generalissimus agza temasyny şu ýerden okap bilersiňiz, 2-nji party Gowşut agza degişli, onam şu ýerden okap bilersiňiz.

durmuşymyzyň hemişe başgalaryna baglydygyny bilýäňizmi? hemişe başgalary üçin ýaşaýanmyzyň? kiçi wagtymyz ene atamyzyň akylly çagasy bolmak, okuwçy wagtymyz mekdebiň saýlanýan oglany ýada gyzy bolmak, işleýän ýerimizde gowy diýip göze batmak we maşgalaňyzda bagt paýlaýan biri bolmak...

hemişe başgalarynyň durmuşyna bagly ýaşamak. başgalary üçin ýaşamak we soňam muny, pursat tapsak  ugruna ýaşaýan adamlarymyzyň kellesine depmek. aslynda bu: durmuşyn içinde gaçyp söweşmekdir. sähel bir ters bolsaňyz "ýöne men seniň üçin şulary etdim" diýmek we bütin jogapkärçiligi garşyňyzdaky adamlara atmak.

özümiz üçin däl-de başgalary üçin ýaşaýanlygymyzyň ýada mejbur galmagymyzyň aryny söýýänlerimizden almak. hemmämiziň her gün diýen ýaly daş töweregimizdäki köp adama garşy ulanýan psigolojiski täsirimiz. 

meselem: zenanlar edinen hünärlerini we ýaradyjylygyny durmuşa çykansoň ikinji plana zyňmak mejburyýetinde galmasy, sebäp? gowy bir ýan ýoldaş bolmak, durmuşyny paýlaşýan adama görä ýaşamak, "ilki ol" diýip başlaýan sözlemleri gurmak ýagdaýyna düşmesi, muňa eger çagalary bolsa gowy ene bolmagam goşulýar.

adamyň durmuşynyň bütin maksady maşgalasy bolan-da özünden başga hemme üçin ýaşamasy onuň mukaddes görewi bolýar. soňam pikir edişi ýaly durmuş gowy dowam etmese, maşgala  pikir edişi ýaly däl bolsa ýada çagalary gaharyny getirse "men siziň üçin saçymy agartdym" diýip başlan we hiç haçan özi bolmadyk bir adamyň janygan sözleri... bir gün çagalary gelip "etmeli däl ekeniň, men seniň beýtmegiňi isledim" diýse näme bolar? başgalarynyň durmuşyna dagadyp ýok eden durmuşymyzy nädip toplaly täzeden... 

şonuň üçin "ilki men" diýmeli adam. "men bagtly bolmaly, men bagtly bolsam aýalymam bagtly ederin, kellesini agyrtmaryn bolar bolgusyz zatlara we men bagtly bolsam çagalarymam bagtly bolar ähli zada düzgün goýmaryn, hemme zadyň in gowusy diýip zorlamaryn."

"ilki men" diýmek egoistlik bolýan bolsa geçenki temamda egoistligi negatiw düşünmeli däldigini belläp geçdim. ilki men diýen adam özi bilen ylalaşyklydyr, bir zatlar ýaradar, ýaradanlaryny paýlaşar, bagtly bolmak üçin hiç bir pursady elinden gaçyrmaz, pursatlary özi döreder, durmuşyň edil ortasynda ýer alar, ne çagasynyň ne-de aýalynyň arkasynda gizlenmez. ilki özi üçin bir zatlar eden adam, özi üçin bir zatlar etmek isleýän adama düşüner, olary öz ugruna göýberer a bizde bolsa maşgala bolmak iki adamyň bir adam ýaly ýaşamagyna diýip düşünilýär.

sabäbi ata babalarymyzdan şeýle öwrendik. maşgalanyň, iki kişiniň ýene iki kişi bolup birlikde ýaşamasy diýmekligine akyl ýetirip bilemizok entek.  iki kişiniň arasyndaky durmuşy biri birimiz bilen paýlaşmany öwrenenimizde tapawutly bolup biler hemme zat belki. özümize-de başgasyna-da rugsat beremizok munyň üçin...

meselem erkekleri mysal alasym gelýär, öýlenensoň boýanmasyna, kabir üns çekjek geýimlerine köp zatlaryna garşy çykýas ýöne daşarda betinden geýinen zenan görenimizde gözümiziň gytagy bilen seredýäs. sebäbi öýdäki zenan beýle däl, ony üýtgetmek üçin hemme zat edilenden soň "sen meniň öýlenen zenanym däl, waşşe üýtgediň" diýen erkekler, öz döreden durmuşyndan zhalyf eden jemgyýeti...biderek ýaşanan durmuş. 

şonuň üçin ilki özi üçin bir zatlar etmeli adam. özi bolmaly, öz durmuşynyň içinde ýer almaly. öz durmuşymyzyň kararlaryny başgalary almaly däl biziň adymyza. paýlaşyp ýaşamany öwrenmeli söýýänlerimiz bilen. durmuşyňy dine üýtgedip durmaklyk hem hiç kim bolup bilmemekdir aslynda, ne gowy ýan ýoldaş, ne gowy çaga ne-de gowy ene ata...