Allatagalanyň “zaty” we “subuty” sypatlary

Allatagalanyň “zaty” sypatlary:
1.Wujud. Allatagala bardyr. Onuň ýok bolmagy mümkin däldir.
2.Kydem. Allatagalanyň barlygynyň başlangyjy ýokdur, Ol ezelidir. Hiç bir zat ýok wagty, hiç bir zat ýaradylmanka, ýeke-täk Onuň Özi bardy.
3.Beka. Allatagala bakydyr, barlygynyň soňy ýokdur, müdimidir. Ähli zat ýok bolsa-da, Allatagala hiç wagt ýok bolmaz.
4.Wahdanyýet. Allatagala ýeke-täkdir. Onuň deňi-taýy ýokdur.
5.Muhalefetun lil-hawadys. Allatagala ýaradan zatlarynyň hiç birine meňzeýän däldir.
6.Kyýam bi nefsihi. Allatagalanyň barlygynyň özünden bolmagy. Allatagalanyň barlygy hiç bir zada garaşly däldir. Ähli zat Oňa mätäçdir.

Allatagalanyň “subuty” sypatlary
1.Haýat. Allatagala diridir.
2.Ylym. Allatagala hemme zady bilýändir.
3.Semig. Allatagala hemme zady eşidýändir.
4.Basar. Allatagala ähli zady görýändir.
5.Irada. Allatagala islän zadyny amala aşyrýandyr.
6.Gudrat. Allatagalanyň ähli zada güýji ýetýändir.
7.Kelam. Allatagala öz şanyna laýyk ýagdaýda gepleýändir. Ol geplemek üçin sese, harpa, söze ýa-da sözleme mätäç däldir.
8.Tekwin. Allatagala ýaradyjydyr, döredijidir. “Allatagala bir zadyň bolmagyny islese, oňa “Bol!” diýer, ol hem bolar” (“Ýasyn” süresiniň 82-nji aýaty)

Çeşme: NAMAZ KITABY, Türkmenistanyň müftüsiniň müdiriýeti, Aşgabat, Türkmen döwlet neşirýat gullugy, 2014.