Elbetde, biz her bir erkek kişiden....
Bu ýazgy RSS lentasyndan dikeldildi, teswirleri saklanmandyr.
Elbetde, biz her bir erkek kişiden.
Göroglynyň çykmajagyn bilýäris.
Bilýän bolsaň, otyrber-dä diýsene...
Ýok, gaýtam delilem tapjak bolýarys.
Erkek kişiligiň, goç ýigitligiň,
Hamana, üýtgänmiş gadymy şerti.
...Dört ýigit öwünýär palaw başynda,
Sypalap künji ýag çalynan murty.
Gürrüň gaýrat hakda, namys hakda däl,
Elbetde, ýylmanak gelinler hakda.
Aýlamaga şol gelinleň başyny
Bular bir-birinden bolarly ökde.
Ärler mydam güýçli bilen göreşip,
Göz görkezip, onsoň dile düşüpdir.
Döşe kakýan bolsak aýal azdyryp,
Indi är bolmagam ýeňilleşipdir.
Arhiwiň ýagdaýy
● Doly tekst · RSS
○ Teswirler saklanmandyr
Ýazylan saýty: ertir.com · Çeşme: RSS lentasy (Web Archive) — ertir.com, 21 dekabr 2014 ý. · Lentany gör ↗
Teswirler 0
Teswir ýok.