ABŞ-nyň Ilçihanasy Maldarçylyk pudagyny ösdürmek boýunça konferensiýa geçirýär

Aşgabat, 2014-nji ýylyň 8-nji dekabry – Dekabr aýynyň 5-de we 6-da, ABŞ-nyň Halkara ösüş agentliginiň (USAID) Oba hojalyk tehnologiýalary taslamasy maldarçylyk pudagyny ösdürmek boýunça Türkmenbaşy şäheriniň Awaza Milli syýahatçylyk zolagynda iki günlük konferensiýany geçirdi. «Serhetsiz weterinarlar” guramasynyň ýolbaşçysy doktor Tomas Grem we Bütindünýä söwda guramasy boýunça halkara derejeli bilermen doktor Bonni wan Blarkom diňleýjilere gara mallaryň genetikasy, maldarçylykda netijeli tohumçylyk we weterinar idegi, maldarçylygy dolandyrmak we ony ösdürmek babatynda iň gowy halkara tejribeler barada gürrüň berdiler. Ondan başga-da, halkara hünärmenler we gatnaşyjylar Bütindünýä söwda guramasynyň maldarçylyga degişli bolan standartlaryny we halkara söwdasynyň ýerli maldarçylyk pudagy üçin oňaýly täsirlerini ara alyp maslahatlaşdylar.

Bu konferensiýa Agentlik tarapyndan maliýeleşdirilip we Türkmenistanyň Daşary işler we Oba hojalyk ministrlikleri tarapyndan goldanylyp, maldarçylygy ösdürmek boýunça Agentlik tarapyndan goldanýan beýleki çäreleriň, seminar okuwlaryň we maslahatlaryň üstüni ýetirdi, we şeýle hem Türkmenistanda et we süýt önümçiligini artdyrmaga ýardam bermäge gönükdirildi. Konferensiýa  Türkmenistanyň Döwlet maldarçylyk birleşiginden, Daşary işler we Oba hojalyk ministrliklerinden, Türkmenistanyň azyk senagaty döwlet birleşiginden, Döwlet weterinaria gullugyndan, Türkmenistanyň Senagatçylar we telekeçiler birleşiginden, Ylymlar akademiýasyndan we Balkan welaýat häkimliginden gelen hünärmenler gatnaşdylar.