Kompazitor Jeren Gurbangylyjowa.

Ilkinji türkmen kompozitor zenany Jeren Gurbangylyjowa 1955-nji ýylyň 3-nji iýunynda Aşgabat şäherinde gullukçy maşgalasynda eneden bolýar. Ol ýedi ýaşynda ýörite sazçylyk mekdebine okuwa girýär. Sekizinji synpy gutarandan soň,Jeren 1970-nji ýylda Türkmen Döwlet ýörite sazçylyk mekdebiniň fortepiano bölümine okuwa girýär. Jeren Gurbangylyjowa okuwdan daşary görnükli mugallym kompozitor Çary Nurymowdan saz düzmek usulundan sapak alýar. 01 şol döwürde fortepiano üçin we skripka üçün birnäçe saz eserini hem-de simfoniki orkestr üçün iki tans sazyny ýazýar.
1974-nji ýylda Jeren Gurbangylyjowa Türkmen Döwlet pedagogik sungat inistitutunyň kompozitorlyk bölümine girýär.
Okuw döwründe Türkmenistanyň talyp kompozitorynyň iň gowy eserleriniň gözden geçirlişinde Jeren Gurbangylyjowanyň fortepiano üçün ýazan sonatasy birinji baýraga mynasyp bolýar. Diplom işi üçün 1979-nji ýylda „ Orkestr hem wiolençel üçün konsert" atly saz eserini ýazmak bilen instituty tamamlaýar.Jeren Gurbangylyjowanyň şu saz eseri 1980-nji ýylda Türkmenistan kompozitorlar birleşmesiniň maslahatynda ýaňlanýar. Kompozitoryň bu saz eseri özüniň owazlylygy, dürli saz öwüşginligi bilen diňleýjileriň ünsüni özüne çekýär. Kompozitor Jeren Gurbangylyjowa çagalar üçin şahyr N. Baýramowyň sözlerine „Çopan" ,,Eje" atly aýdymlary ýazdy.01 bulardanam başga-da birnäçe aýdym we saz eserlerini döretdi. Kompozitor Jeren Gurbangylyjowa 1979-nji ýyldan bäri Daňatar Öwezow adyndaky sazçylyk mekdebinde sazyň nazarýeti dersinden sapak berýär. Kompozitor Jeren Gurbangylyjowa işinden daşary saz döredijilik işi bilen meşgullanýar.