Uly söze TOBA...

01.05.2007 güni bir saý-sebäp bilen Marydan Aşgabada gitmeli boldum. İşlerimiń başymdan agdyklygyna garamazdan ýylyň başyndan meýilnamalaşdyran bir taslamajygymy ýerine ýetireýin diýdim – ýagny gelnim bilen oglumyň suratlaryny ‘Gurbansoltan eje’ jurnalynda çap etdirmekçi boldum. Belkem mundan ne peýda diýenleriň bolmagy mümkin, boldam. Aslynda şunuň ýaly garaşylmadyk - sürpriz - hereketler garşy tarapdaky adamyň diňe aklynda däl, eýsem bütin süňňünde, zannynda-da berk orun tutýar – bu bolsa meniň özboluşly endigim. Dogrusyny aýtsam bu taslamajygym barada Aşgabatly kursdaşymyň tanyşlaryndan peýdalandym, ýöne hiç hili harajatsyz suratymy kabul edip galdylar we indiki aýdaky sanlarynda maşgala degişli mowzuklaryň birinde suraty ýerleşdirjeklerini aýtdylar. Beýleki işlerimi hem dynyp Mara gaýtmak üçin awtoulag duralgasyna gelýärdim. Ine görsem taksi bilen barýan ýolumyň ugrunda ‘Beýik Türkmenbaşynyň metbugat merkezi’ ýazgysy ýerleşdirilen 10 gatly täze çaphana bar eken, nädip erk edenimi hem bilemok, taksiden şol ýerde düşüp, şol ýer bilen gyzyklanmagy ýüregime düwdim. Giren ýeriňde ýerleşdirilen metbugat salgylaryna göz aýladym we 7-nji gatynda ýerleşen ‘Güneş’ jurnalynyň redaksiýasyna bardym. Olar bilen habar-hatyr alşyp, özümiň niýetimi aýtdym – ýagny şol jurnalyň her sanynda çap edilýän çagajyklaryň suratlaryň arasyna entäk 6 aýlyk oglumyň suratyny goşmaklaryny haýyş etdim – derrew kabul etdiler, töleg babatynda bolsa ynansaňyz 1 manadam almadylar. Men bolsa ‘Belkem eýleki beýleki harajatlar tölemelidirin’ diýip gyzyklansamam hiç zat almadylar, gaýta menden şol jurnalynda dowamly çap edilýän ‘göreldeli okuwçylaryň suratlaryna’, çaga hekaýalaryna, ertekilerine degişli ýazgylar, suratlar barada kömek etmegim barada gyzyklandylar. Görýäňmi aslynda geljekki nesil babatynda diňe IDEG ýok. Hakykatdanam özüňiz hem gyzyklanyp görüň şol jurnalyň hilini – meň-ä güwnümden turdy dogrusy, näme üçin mekdep müdirlerimiz ýa-da mugallymlarymyzda çagalary şonuň ýaly jurnallarda aktiw rol almaga ýa-da şolar ýaly çaga metbugatlaryndan peýdalanmaga itermeýärler. Goý olar itermeseler biz itereli, başga näme çäräň bar. Menem şondan soń gelip size nygtan şu pikirimi oba mekdeplerinde mugallym bolup işläp ýören iki sany gyz jigime maslahat berdim. Olaryň okuwçylarynyň arasynda her hili bäsleşikler gurnadyk, olaryň mekdep bäsleşiginde orun alan 2 okuwçysyny bolsa şol jurnalda göreldeli okuwçylaryň hatarynda suratlary bilen çap etdirdik. Käwagt men başlyklaýyn käbirimiz durmuşda peýdasyz görünýän zatlarda nepimize degjek uly mümkinçilikleriň ýatandygyndan bihabar bolup ýörüs. Hakykatdanam bir tarapdan seretseň öz geljegimizi özüm ýazýarys – Allah hem takdyrymyzy öňden görüjiligi bilen biziň etjek hereketlerimiziň esasynda ýazýar.