Veriloft: TolkunFM - az galdy!

Salawmaleýkim hormatly agzalar!

Habaryňyz bar bolsa, mundan birnäçe gün ozal bärde hemem Facebookda TolkunFM-den suratlar, proýekt hakynda gysgaça düşündirişler bilen paýlaşypdyk.

Häzir türkmen aýdymlarynyň arhiwini döredýäris. Bärde iň tehnik tarapdan hem beter kynçylyklara gabat geldik. Hemmäňiz bilýänsiňiz, türkmen aýdymlaryny diňlän bolsaňyz, ne ady ýazylýar, ne-de albomynyň ady bar, ne-de albomyň çykan ýaly. Garaz şu infolar köp aýdymda ýok.

Biz, şu infolar köp aýdymlarda bardyr diýip TolkunFM-de ýörite ýüklenen .mp3 faýlyň içinden ID3 taglari okap ýazar ýaly etdik. Ýöne Gamma Records, Enar Studio, Alma records garaz köp studiolar bilen gürleşdik, olaryň disklerini satyn alyp barlap gördük, ýöne ýene-de hemmesin "Unknown artist" diýip ýazylgy...

Bize bolsa adam saýda girende, ilki bilen isleýän aýdymyny, albomyny, aýdymçysyna görä aýdym tapmaklygy gerek. Indi bu problemany çözmegiň ýeke ýoly bar, ol hem bilelikde.

Men bilemok dogrusy, siziň näçäňiz türkmen aýdymlaryny halaýaňyz ýa-da diňleýäňiz? Annuşyň bir aýdymy aýdyp durka, şol aýdymyň adyny aýdyp biljek agzalar barmy aramyzda?

Indi TolkunFM çykandan soňra, aýdymlary agzalaryň özlerine, ýagny bilelikde atlaryny, albom atlaryny ýylyny girizip bolar ýaly etmek isleýäs. Häzir Annuş Myratdurdyýewiň hemme albomlarynyň atlaryny tapmak bize kyn däl, ýöne haýsy aýdymy haýsy albomda şolary bilmek we otyryp girizmek kyn.

Indi öňüňizden, şeýle soraglar çykanda ses berip, TolkunFm-e dogry ýoly görkezjek agzalarymyz tapylarmy? Kim nähili kömek edip biler, diňe aýdymlaryň atlary we albomlaryň atlary, bagşylaryň suratlaryndan we ş.m maglumatlary tapmaga?

Şeýle üýşüp türkmen aýdymlarynyň maglumatlaryny sortirowkalap, olary adam şekline getirsek nähili görýäňiz? Ýa-da sizde başga teklip barmy? Ähliňiziň teklipleriňize garaşýarys...

Facebookda yzarlamak üçin: http://www.facebook.com/Veriloft
Twitterde yzarlamak üçin: http://www.twitter.com/veriloft

Eger aýdymçy, ýa-da studio işgäri bolsaňyz, biziň bilen göni habarlaşmak isleýän bolsaňyz onda info@veriloft.com salgydan, ýa-da  +993 65 803467 telefon belgiden...