Da$ky dùnyäni kabul etmek (doly görnùshde.)

Ähli adamlar daşky dünýäni kabul ediş usuly boýunça 3 topara bölünýär. Audiallar sese uly ähmiýet berýärler. Olar maglumatlary köplenç eşitmek arkaly kabul edýärler. Wizuallar üçin görmek möhüm. Kinestetikler bolsa hökman ellemeli, ysgamaly, datmaly. HÄSIÝETNAMA: Wizual açyk, aýdyň, oňat diksiýa bilen hem-de pert gürleýär.Wizual göze ilginç owadan, bezemen ýöne “tagamyny “ bilip geýinýär. Eşikler mydama kir-kirimsiz, ap-arassa, ütüklije. Gözellik wizualyň esasy prinsipi. Ol oňaýlygy, rahatlyga ikinji oruna goýýar. Göwresini göni, kellesini dik tutup, eginlerini ýazyp oturýar. Ol saçagyň bezelişinden aýratyn lezzet alýar. Wizualyň ýanýoldaşy şeýle ýagdaýy göz öňüne tutup, öýde ýakymly özgerişlikleriň bolup durmagyny gazanmaly.
Kinestetigiň daş-töweregi elmydama bulam-bujar, akan-dökän, çalam-çaş. Onuň iş stolunyň üstünde kitaplar, kagyzlar, ryçkalar ýaýrap ýatýar. Ýarymy iýlen köke bilen çaýly käse kagyz üşmekleriniň arasynda zordan görünýär. Telefon belgileri, bellikler ýazylan kagyzlar çem gelen ýerde pytrap ýatýar. Kinestetik haýal gürleýär, sesi dury, mahmal ýaly mylaýym, ýakymly. Gepleşende ownuk, göräýmäge ähmiýetsiz zatlara-da üns berýär, özüne gürrüň berlen zady uzak wagtlap ýatdan çykarmaýar. Munuň özi kinestetigiň taaktil (duýgur) reseptorlaryna aňryçäk derejede köp habarlary kabul etmäge mümkinçilik berýär. Kinestetik üçin esasy zat- oňaýlylyk, rahatlyk. Ol özüne şaplaşyp duran, gysmaýan , aýagyna laýyk bolýan pes ökjekli köwüşleri saýlaýar. Ten arkaly galtaşma kinestetik üçin örän möhüm.
Audial gürlände her bir sözi aýratyn aheň bilen aýdýar. Diňläňde gowy eşitmek üçin kellesini gepleýän adama tarap öwürýän adama tarap öwürýär. Audiallar örän seýrek duşýar. Audial bilen kinestetigiň mäşi bişişmeýär.

Indi aydyñ bakaly!