Kerim agadan shygyrlar...

ÝATLAMADAN

Görmekçidim bagtymy.
Gyş günüdi. Guşlukdy.
Gyşda söýgüň wagtymy?
Ah, ýaşlykdy, ýaşlykdy!

Ne gyş, güýzi bilýär ol,
Ne gündizi bilýär ol.
Diňe gyzy bilýär ol.
Giden göwni hoşlukdy.

Saldyň başa nä gün, gyz?
Nirä gaçýaň? Sägin gyz!
Bägül gabak bägül gyz
Göz ümledi, daş çykdy.

Ene gyňyr bakmady.
Myhman diýip çaklady.
— Ýumurtgaňyz ýokmudy?
— Wah, ketegmiz boş çykdy.

Çyn aşykdym, hötjekdim.
Şol gyz diýip ötjekdim.
Ýumurtgany nätjekdiň?
Kisäňem-ä boşlukdy.

“Ýokmy?” diýip eglendim.
Ýoklugyna begendim.
Bir garypja oglandym.
Bar baýlygym Ýaşlykdy.

Diýdim: “Ertir... nemede...
Geläýerin ýene-de...”
Öýden çykdym. Kümede
Gara gözler gaş kakdy.

Hatym berdim Geregme.
Aram girdi ýüregme...
Agşam iýjek çöregmem
Peşgeş berdim.
Açlykdy.

Nan – iň uly sowgatdy.
Tutdurmazak tez atdy.
...Gije geçdi. Daň atdy.
Şol – iň belent buşlukdy.

Çykmalydyk kenara.
... Geldi meňzäp çynara.
Näm bolduka ýanwara?
Tokaýlykdan gyş çykdy.

Görejine garadym.
Alynsaçyn daradym.
... Üç aý geçdi aradan —
Gyzyň ýeri boş çykdy.

... Şahyr sesiň kes indi.
Söndi otly kesindi.
Ýaňrap ýörme bes indi.
Agtygyňa diş çykdy.

GOWYNYŇ GADYRYNY BILSINLER DIÝIP

“Gowynyň gadyryn bilsinler!” diýip,
Erbetlik diýen zat döränmiş kem-kem.
Hemmeler gowynyň gadyryny bilse —
Erbetlik äleme inmejek eken.

“Ýaşlygyň gadyryn bilsinler!” diýip,
Gojalyk ýeriden turanmyş kem-kem.
Hemmeler ýaşlygyň gadyryn bilse —
Gojalyk gojalyp öljegem eken.

“Söýgüniň gadyryn bilsinler!” diýip,
Hasrat gözlerini açanmyş kem-kem.
Hemmeler Söýgüniň gadyryn bilse —
Hasrat ukudanam turmajak eken.

“Saglygyň gadyryn bilsinler!” diýip,
Kesel diýilýän zat döränmiş kem-kem.
Hemmeler söýgüniň gadyryn bilse —
Äleme inmezdim –diýýärmiş –Kesel.

“Adamyň gadyryn bilsinler!” diýip,
Gaharlanyp Ölüm inenmiş Ýere.
Her kim bir-biregiň gadyryn bilse —
Ölüm gelen ýerine gitjekmiş ýene.

OGLUMA NESIHAT

Atam maňa aýdypdy,
Menem saňa aýdaýyn.
Men-ä sapak edindim,
Saňa-da sapak bolsun:
Lybasyň ýüpek bolup,
Namysyň nah bolandan,
Goý, lybasyň nah bolup,
Namysyň ýüpek bolsun.

ÝALŇYZLYK

1
Ýalňyzlyk hakynda menem ýazaýyn,
Sebäp – ýazýan köplük, ýazmaýan azlyk,
Başyňa iş düşer. Janyň hem sagdyr.
Muňa diýilýändir Kiçi ýalňyzlyk.

2
Otuza ýetensiň, Zürýadyň ýokdur.
Soň kyrkyň ujundan gädip ugransyň.
“Ilden ala-böle näme beýlekäm?”
Diýip, öz täleýňe özüň haýransyň.

“Kaka” sözün eşitmän ellä ýetersiň.
Bir gün tapynarsyň ogullyk, gyzlyk,
Özüňkidir, emma özüňkäm däldir.
Muňa diýilýändir Orta ýalňyzlyk.

3
Duluňda ajaýyp aýalyň bardyr.
Öýüňe bezegdir, dyzyňa –gudrat.
Ylgap hyzmat edýän onuň özüdir,
Emma seň adyňa getirer hormat.

Ellä ser urarsyň. Çagasyn döküp,
Gözlerin ýumar ol. Başlar ejizlik.
On müň dostuň bardyr – göýä ýekesiň.
Muňa diýilýändir Uly ýalňyzlyk.

4
Eneň gezip ýörkä ýeriň üstünde,
Ýaza barabardyr gyşyň howasy.
“Dogadan nep tapdym” diýýän bar bolsa,
Megerem şol doga –enäň dogasy.

Baky däldir, bir gün eneň hem gider.
Niräňe seretseň – eýmenç tekizlik.
Beýle ýalňyzlygyň ady hem ýokdur,
Ol gädiksiz-zatsyz Doly ýalňyzlyk.

5
Ataňy sylamak – halky sylamak.
Mähri köpdür, şonça gazabam köpdür.
Käýýäp sapak bersin, söýüp öwretsin —
Atanyň mekdebi çirksiz mekdepdir.

Şol mekdebi oňat tamamlap bilseň,
Hemişe hemraňdyr Mertlik, Tämizlik.
Ýogsa senden hiç wagt är ata bolmaz —
Mydam gerşiňdedir Betbagt ýalňyzlyk.

DÖRT GYLYK

“Ulumsylyk – erbet gylyk” diýýärler.
Beterräk diýseňem rastdyr rast.
Ýöne ulumsylyk etmejek bolup,
Ýyrşaryp ýörmegem gowy däldir, dost.

“Geplemseklik –erbet gylyk” diýýärler.
Beterräk diýseňem rastdyr rast.
Ýöne geplemseklik etmejek bolup,
Dommaryp ýörmegem gowy däldir, dost.

“Ýaranjaňlyk – erbet gylyk” diýýärler.
Beterräk diýseňem rastdyr rast.
Ýöne ýaranjaňlyk etmejek bolup,
Gomparyp ýörmegem gowy däldir, dost.

“Ýaltaçylyk – erbet gylyk” diýýärler.
Beterräk diýseňem rastdyr rast.
Ýöne ýaltaçylyk etmejek bolup,
Hars urup ýörmegem gowy däldir, dost.

“Başga-da köp erbet gylyk” diýýärler.
Olaryň köpdügem rastdyr rast.
Ýöne her bendimde bir söz üýtgedip,
Samyrdap durmagam gowy däl-dä, dost.

BIR MEÝLISDE

Ýaşuly, ýaş kiçi,
Bir topar kişi —
Adamdan doludy
Otagyň içi.

Boşapdy bäş sanak
Palawly çanak.
Çanaklaň deregne
Aýlandy çäýnek.

Gök çaýyň başynda
Gyzyşdy gürrüň:
“Pylan ýerden, awdan
Gelýärdim bir gün.

Goýberdim tazyny,
Uçurdym guşy...”
Garaz, agyrdyldy
Müň gepiň başy.

Gürrüňiň az-owlak
Gaçyşyp duzy,
Anektoda ýazdy
Gürrüňiň yzy.

Onýança ýerinden turdy-da Oraz,
Diýdi: “Bolsady hem ekeliň biraz.
Ynha, bar aýdaly, meselem, häzir,
Tamyň deňesinden gelip bir owaz,
“Bir uly dilegňi bitirjek!” diýse,
Näme dilärdiňiz, adamlar, eýse?

Meselem, sen näme, dilärdiň, Geldi?”
Menmi? Gök “Wolgaly” lotereý bildi.
Hany diý, sen näme dilärdiň, Kemal?
Uzyn boý, ak ýüzli bir sahypjemal.
Ýeri, sen nämejik dilärdiň, Pena?
Bir oguljyk bolsa, oňardym men-ä.
Ýeri, seň dilegiň nämedir, Çakmak?
Meňkimi? Jahany aýlanyp çykmak.
Saňa näme gerek, aý ýadaw ýigit?
Ölýänçäm iýjegim bolaýsa mugt...
Ýeri, sen dilegsiz oňjakmy Çary?
Bir oňat goňşynyň zary, men zary.
A-how, seň dilegiň nämedir, Bäşim?
Elliden ýigrimä geläýse ýaşym...

Garasaý, ekildi bolsady bary,
Biri ömürbaky ýaşlyk diledi.
Biri palawdan soň çişlik diledi.
Bir ýigit (student bolara çemli)
Ertir fizikadan bäşlik diledi.

Käsi agtyk, käsi çowluk diledi,
Käsi çowlukdan soň ýuwluk diledi.
Käsi dosty üçin saglyk dilese,
Käsi özi üçin saglyk diledi.
Biri (meger oglun öýlendirjekdir)
Gyňaçlyk on sany ýaglyk diledi.

Aý, garaz, hemme zat dilenip çykdy
Gök “Wolgadan” başlap gyňaja çenli.
Ýöne weli akyl dilän bolmady...
Akyldan kösenýän ýok bora çemli.

Sagja bol bet go$gular ýene ýazyp dur

Sagja bol dost,go$gyñ ûçin ýenede ýazyp dur.

Uraaaaa menem öwreniji boldum...

Gowy goshgular maladets yene yazyp dur

Bä Kerimiñ beyle goshgularynyñ bardygyny bilemokdum. Gaty gowy düzýän ekenä, sagbol dost goshgylar uchin, irdenden göwnum achyldy goshgy okap, oñada sepäp sen bolduñ sagbol

Halanlaryma goshayjak rugsat bolsa, gaty gowy tema achypsyñ, sowgadyñ yzyñdan ylgap barýar, yzyñada ser sal dost

yhlas:
ÝATLAMADAN

Görmekçidim bagtymy.

Gyş günüdi. Guşlukdy.

Gyşda söýgüň wagtymy?

Ah, ýaşlykdy, ýaşlykdy!

Ne gyş, güýzi bilýär ol,

Ne gündizi bilýär ol.

Diňe gyzy bilýär ol.

Giden göwni hoşlukdy.

Saldyň başa nä gün, gyz?

Nirä gaçýaň? Sägin gyz!

Bägül gabak bägül gyz

Göz ümledi, daş çykdy.

Ene gyňyr bakmady.

Myhman diýip çaklady.

— Ýumurtgaňyz ýokmudy?

— Wah, ketegmiz boş çykdy.

Çyn aşykdym, hötjekdim.

Şol gyz diýip ötjekdim.

Ýumurtgany nätjekdiň?

Kisäňem-ä boşlukdy.

“Ýokmy?” diýip eglendim.

Ýoklugyna begendim.

Bir garypja oglandym.

Bar baýlygym Ýaşlykdy.

Diýdim: “Ertir... nemede...

Geläýerin ýene-de...”

Öýden çykdym. Kümede

Gara gözler gaş kakdy.

Hatym berdim Geregme.

Aram girdi ýüregme...

Agşam iýjek çöregmem

Peşgeş berdim.

Açlykdy.

Nan – iň uly sowgatdy.

Tutdurmazak tez atdy.

...Gije geçdi. Daň atdy.

Şol – iň belent buşlukdy.

Çykmalydyk kenara.

... Geldi meňzäp çynara.

Näm bolduka ýanwara?

Tokaýlykdan gyş çykdy.

Görejine garadym.

Alynsaçyn daradym.

... Üç aý geçdi aradan —

Gyzyň ýeri boş çykdy.

... Şahyr sesiň kes indi.

Söndi otly kesindi.

Ýaňrap ýörme bes indi.

Agtygyňa diş çykdy.

👍👍👍

dost sagja bol goşgylaryn üçin hemmesam gowy erinman yazanyng üçin menden + 🙂

Köp sag bol! Minnetdar hemmesini copy-paste edip aldym yaman haladym şu temany eline saglık +10

Bagt paylansa 3 baylygy ilki al,
Ylgap baryp saglyk bilen erki al.
Yany bilen cuwal cuwal gulki al,
Soñ tapylar galan zady zyñyp git.

'erbet bolmak ansat , onat bolmak kyn' manyly goshgular eken+1

sag bolun dostlar, size de minnetdar! elbetde, halanlarnyza goshun, yada yazyp alyn, mowzugy sizin un achdyma, goshgy gozleyanler kosenmesin diyip bir yerde jemledim!

sowgadyn un sagbol Yuska dost!

aslynda shunca goshgyny azap edip yazypdyr diyip gozunizde ulaltmang. menem copy/paste etyan, tlfnda Kerim agan goshgylar yygyndysy bar 🙂

bu goshgyny onki temada hem yazypdym. anyrda yeke ozi durmasyn diyip barik hem gecireyin diydim

I

Oglanlyk döwrümdi. Söýdüm bir gyzy.

Ýok, ýok, beý diýerden irräkdi heniz.

Öz ýanymdan söýýän ýaly bolsam-da,

Söýgüm basdaşlykdan bärräkdi heniz.

Okuwdan soň baha sanaşygynda

Artyk, kem bolaýsa bir bäşligimiz,

Söýgüniň deregin basdaşlyk tutup,

Bolmazdy yşk diýen mätäçligimiz.

Şeýdip geçip gitdi oglanlyk döwrüm.

II

Jahyllyk döwrümdi. Söýdüm bir gyzy.

Ol hem maňa söýýän ýaly bakardy.

Emma zalym uruş ara düşdi-de,

Herimizi bir gapydan çykardy.

“Söýýän!” sözün sözlemäge ýetişmän,

Çykdym ýaş başymdan nan gözlegine.

(Eneň, jigileriň aç burlup ýörkä,

Nädip seredersiň gyz gözlerine!)

Şeýdip geçip gitdi jahyllyk döwrüm.

III

Ýigitlik döwrümdi. Söýdüm bir gyzy.

(Agyr günler bolsa bolupdy tamam.

Ýeňiş nury bilen ýagtylan gözler

Bizi öýmüze-de beripdi salam).

Emma ol söýgümem başa barmady.

Ýene asgyn çykdym oýnan oýnumdan:

Ýeri, söýýäniňi aýdyp bilmeseň,

Kim samsyk aslyşar seniň boýnuňdan!

Şeýdip geçip gitdi ýigitlik döwrüm.

IV

Dälilik döwrümdi. Söýdüm bir gyzy.

Diýse-de babalar: “Sagynýança sag,

Däli iki gezek öýär ogluny!”

Ne-hä däliligim eçildi sylag,

Ne-de sagatlygym ... Sylaga derek

Ullakan bir synag holtumyn açdy.

Diýdiler: “Kyrk halat, kyrk müňem manat!”

Jübimi çöwürdim: kyk köpük gaçdy.

Şeýdip akyl berdi dälilik döwrüm.

V

Kämillik döwrümdi. Söýdüm bir gyzy.

Günde bir görmesem karar tapmadym.

Iki görsem, üç görmegi arzuwlap,

Üç görsem, dördünjä arzuw topladym.

Söýdüm, söýdi... Emma weli sizi-de

Unudyp bilmerin başky söýgüler.

Mahal-mahal sizi ýatladygymça,

Siziň joraňyza söýgüm beýgeler.

Şeýdip geçip barýar kämillik döwrüm.