Pälwan Halmyradow - Dost (Aýdymsözleri)
Içgin tanajak bol tirkeşen çagyň,
Gatnaşyp çyn dostluk dogandan beter.
Hiç dostda bilinmez barlygyň, ýoguň,
Ilki çyn dost gazan, aşlaňdan beter.
Çyn dost şärik at-abraýyňa, gyşyňa,
Çyn dost hormat goýar, geler gaşyňa,
Çyn dost - bagt guşy, täç et başyňa,
Çyn dost derdiňi aňar lukmandan beter.
Her başa bir ölüm birem aýrylyp,
Çyn dost kyn günüňde gitmez sowrulyp,
Çyn dost aýbyň bolsa aýdar dogrulyp,
Çyn dost tenekardyr dermandan beter.
Dost bar, aş başynda söhbete çeper,
Dost bar, doýan güni duzuňy deper.
Başga dost bar - görip, ýetirer zeper,
Ejiz ýeriň gözlär duşmandan beter.
Daýansa güýç alar egin eginden,
Halaşsa suw içer göwün göwünden,
Oglanlaň dostlugy ýazsa bogundan,
Şu dünýä bolmazmy zyndandan beter?!
Dost bar, ýagşyň ýaýar, ýamanyň ýapar,
Dost bar, agyňa aglar, toýda at çapar,
Dost bar, zerur diýseň guş süýdin tapar,
Dost bar, başyň gorar kanundan beter.
Çary aýdar, indi özüm şaýadam,
Gudratyň güýçlisi - dostluk, eý adam!
Ýa barmyka ondan mukaddes zadam?
Çyn dost zerur tagt-y eýwandan beter.
Çyn dost derdiň aňar lukmandan beter...
Pälwan Halmyradow - Dost
TürkmenCafe
Aýdymy haladyňmy?
Hawa.(76%, 13 adam)
Ýok.(11%, 2 adam)
Entek diňläp görmedim.(11%, 2 adam)
Arşivin durumu
● Tam metin
● 21/21 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 2 Ağustos 2012 · Orijinal sayfayı gör ↗
Yorumlar 21
gowy goryan aydymym 🙂 heninem yazsana Negro 😆
Ilki çyn dost gazan, aşnaňdan beter. şu ýerdäki aşna nämaý?
Menem bilmedim, eşidenimi ýadym..
sagbol
aşna - türkçedaki 'arkadaş' sözi bn sinonym. Ülpet, aşna we ş.m. Lebapdan dostlarym ullanyar_
cyn dostun bar bolsa, onda bagtly sen. Sagja bol! Gaty gowy! 🙂
ýazdym
Hawa, men bagtly. Sebäbi derdimi aňyp bilýän dostlarym bar.. 🙂
Yaman günde yagsy dostuñ bir sözi;
Yürekde gysh bolsa döreder yazy
In halayan aydymym
Palwan halmyradowyn hemme aydymam gowulay.
SAGJABOL
cozyaniski aydym
betje aydym manyly yone dost bilen ashnan name tapawudy bar shona dushunman geshdim :?
bet aydım
palwanyñ bet aýdymlary ,,ah yanarym, ýarashsyn, ýamaneý
Gowy aydym minnetdar!
Ilki çyn dost gazan,
aşnaňdan beter. şu
ýerdäki aşna nämaý?
Men pikirimce asnandan dalde aslandan bolmaly aydyalara as dost gazanma cyn dost gazan diyip as dost asyny iyerde gider ol dost dal. Men dusunsimce seyle
In bir liriki aydymchy,men yone gitrada aytsa halayan
Öran manyly aýdym sagja bol
🙂