Duýgular (Beta) - Teswirlerde özgertmeler!

Salawmaleýkim hormatly teswirçiler!
Şugün, teswirlere täze bir üýtgeşik bölüm goşduk. Ady "Duýgular", ýokarda "Pikirleriň" gapdalynda bardyr...

Duýgular häzirlikçe beta görnüşde. Ýagny üstünde işlenilýär. Entek diňe sahypanyň doly görnüşinde işleýär, wapdaky ulanyjylar üçin geljekde etmekligi maksatlaýarys.

Duýgular üsti bilen teswirlerdäki agzalaryň, birzada bolan garaýyşyny bilip bilersiňiz. Meselem, "Firefox" diýen duýgy döretsem, beýleki agzalar "Söýýän","Bitarap","Ýigrenýän" diýen ýerlerde öz pikirini ýazyp bilerler... Diňe bir söz bolman kiçijek habar hem bolup biler. Meselem, "WTC ýykylan ýerinde, metjidiň gurulmagy" şeýle duýguda herkim öz pikirini ýazyp biler... Mysal üçin, şunyň gurulmagyny söýýäňizmi, ýa-da ýigrenýäňizmi, ýa-da siz bitarap...

Herkim, başdaky duýguny saýlandan soň, ony şol duýgynyň içinde üýtgedip bilmez. Ýagny men ilkinji "söýýän" diýen ýerde pikirimi ýazsam, soňundan "ýigrenýän" diýip bilmerin...

Täze duýgy döredilende, pikirlerdäki ýaly 140 harp ýazmaga rugsat berilýär. Ondan köp ýazsaňyz "Hackersumak, 140 harp ýazmaga rugsat berilýär" diýen ýazgy çykar... 🙂

Döretjek duýguňyzda, "hawa" ýada "ýok" diýen ýaly jogap berilýän sorag sözlemler ulanylmasa gowy bolardy. Umumy diýjek bolýan pikiriňizi ýazsaňyz, has düşnükli bolardy...

WAP görnüşiniň edilmezliginiň sebäbi, azajyk ulanyş kynlygy bolanlygy, şol meseläni çözenimizden soňra, wap görnüşinde hem işlediljekdir...

Duýgular bölümini peýdalanmak üçin, düzgünnamalar (haýyştnamalar):

    1. Esasy düzgun: Ähli agzalara we olaryň duýgularyna hormat goýmaly.
    2. Diňe türkmen dilinde ýazmaly.
    3. Sözleri рус кирилица-да язмаджак болалы. Sebäbi okamak kyn bolar we okanlar bolmaz. Okasalarda içinden size sögünerler. 🙂
    4. Hapa sögünmek <b>gadagan!</b> Medenýetlije bolalyň. Hapa sögünç sözleriň käbir harplaryny $*%@ belgiler bilen çalyşmagam bolanok öýdýän. 🙂
    5. Duýgulary hapalamalyň, pikirime görä "dkgh kdjh kjdfgh" ýaly duýgular hiçkimi gyzyklandyrmak.

    6. Bir duýguda birnäçe "duýgularyňyzy" görkezmäň. Eger siz "Piwo, maşynyň hrom diskasy we Laçyn     Mämmedowany" halaýan bolsaňyz, her birini aýry duýgu etmegi ýaltanmaň.

    7. Duýgulary ULLAKAN HARPLAR BILEN ÝAZMALY DÄL. Düşünýän, joşýan wagtyňyzam bolýandyr, ýöne okamak kyn bolar.

    8. Manylyja teswirler ýazalyň. "Söýýän" we "ýigrenýäniňiz" hakda giňişleýin düşündiriş bermeli. Hiçkim ýönekeýje "söýýän bolany", "sebäbi ýok", "Azat Oraz-loh", "Iska iň beti" ýaly teswirler hiçkimi gyzyklandyrmak.

    9. Diňe "duýgy" hakda teswir ýazmaly. Şeýdip düşünşmezligiň ýa-da başga şahsa ýetmekligiň öňüni alarys.

    10. Milletparazçylyk hakda teswirler ýazmak gadagan! Ählimizem bir türkmen.

    Ýokardaky düzgünnamalara deň gelmedik duýgulary dözmezçilik etmän pozmaly bolarys.

    Bellik: Ýokardaky düzgünnama däl, ýönekeý haýyşymyz.

Entek ýene-de birtopar özgertmeler geçirmekligi planlaýarys.
Saglykda ulanalyň!

Duýgulary haladyňyzmy?

Hawa(50%, 13 adam)

Ýok(3%, 1 adam)

Entäk bilemok(46%, 12 adam)