Täsin Zekat
Salam hormatly agzalar we gadyrly myhmanlar! Musulman doganlarym, tutýan Orazalaryñyz we berýän Sadakalarñyz kabul bolsun!<br /><br />
Arada internetde "pul, kredit" hakda gözleg edip ýörenimde shol sanda pul bilen baglanshykly bir topar hadyslar bilen hekaýalar çykaryp berdi. Içinde bir türkçe ýazga gözüm düshdi(türkçä alergiýam bar bolansoñ srazu sho ýazga girdim :-) ). Özümä türkçe suwara bilmämsoñ ýazgyny google translate-de rurça tejrime edip, okap gördüm. Ýazgy diýseñ göwnüme ýarady. Umumy bu ýazgyda zekat(kömek) hakda aýdylýar. Bir baý, göwni açyk adamyñ iñ gowy usuly bilen müñlerçe köçede ýatýan pukaralary özlerine getirishi hakda örän manyly ýazlypdyr. Men köp samahyllap otyrmaýynla 🙂. Sizler bilen paýlashasym geldi, okap netije çykaryñ!. Ýazgy hakdaky pikirleriñiz bar bolsa, ashakda beýan edip bilersiñiz!
KARZ PUL
Ülkesine dönmek üçin pula mätäç bolan bir ýigide, Amerikaly fizikaçi, filosof we döwlet ishgäri Benýamin Franklin sheýle mazmunly bir hat bilen jogap berer:
Howa.
15-nji sentýabrda ýazan hatyñyzy almak mertebesine gowushdym. Halyñyz hakynda ýazan hatyñyz meni örän gynandyrdy, hatym bilen birlikde size on altyn gymmatynda bir çek iberýärin. Bu bir peshgesh däl, karzdyr. Ülkäñize baranyñyzdan soñra bu bergiñizi ödär ýaly bir ish tapmakda kynçylyk çekmejegiñizi umyt edýärin. Ol ýerde siziñ bashyñyzdan geçiren kynçylyga meñzesh bir ýagdaýda haýsydyr bir pukara gabat gelseñiz, maña bolan bergiñizi shol adama ödäñ. Sheýlelik bilen hem meni razy edersiñiz, hem bir biçärä kömegiñiz deger, hem-de bergiñizi iñ manyly ýoldan ödän adam bolarsynyz.
Ýöne haýysh edýärin karz beren adamyñyza aýdyñ, ýagdaýyny düzeldeninden soñra sizden alan pulyny bashga bir mätäje bersin. Ynha bu shekilde on altynymyz bir päli ýamanyñ eline geçene çenli, ençeme pukara kömek eder.
Sheýlelik bilen men az pula köp ýagshylyk etmegiñ syryny tapdym. Isleýishim ýaly kömek edere pulum bolansoñ muña mejbur galdym.
Ýagdaýyñyzyñ iñ gysga wagtda düzelmegi üçin dileg edýärin, sizi ýürekden hormatlap, hatymy soñlaýaryn.
Türk dilinden Türkmen diline tejrime eden: Röwshen Jumaýew
Okanyñyz üçin sagboluñ!
Ömrüñizde ýeke gezek köçedekä pukaralara zekat(kömek) berip görüpdiñizmi?
Howa :) (94%, 17 adam)
Ýok :-|(5%, 1 adam)
Bu zatlar bilen ishim ýok, men diñe özümi bilip ýashaýan :-)(0%, 0 adam)
Arşivin durumu
● Tam metin
● 31/31 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 20 Mayıs 2012 · Orijinal sayfayı gör ↗
Yorumlar 31
ilki bilen musulman sözüniň manysyna ýet. musulman Allaha boýun bolan diýmekdir.
doglan çaga Allahdandyr we musulmandyr (çaganyň ruhy aslynda Allasyny tanaýandyr, Allasy tanadylandyr, emma oňa ýene Allasyny özbaşdak tanamagy üçin ömür berilýär).
berk belle, YSLAMDA ZORLUK ÝOKDUR.
Yslam adamyň saýlamak hukugyny alýan däldir.
eger Allah zorluk etjek bolsa onda bize saýlamak hukugyny bermezdi.
hristian bolmagam, baptist, ateist bolmagam, islän folosofiýaň bilen wagt geçirmäge-de hakyň bardyr.
gyzykly zat. Isa (a.s.) özüne hristian diýdimikä?
musulmanlar dogry adresde.
olar göni Allaha boýun bolanlar adyna eýe.
emma, hristianlar ýaly Allahyň pygamberinden Allah ýasaýanlara näme diýjek.
hristianlar üçin Isa (as.) Hudaý, Hudaýyň ogly, Hudaýyň ruhy....
musulmanlar üçin Muhammet (s.a.w.) diňe Allahyň ilçisi we guly.
tapawudyna akyl ýetirip bilýäňizmi?
bir göni Allaha Allah diýýär, beýlekisi pygamberine Allah diýýär.
Rowşen Allahyňy tanamakdan gorkma.
azaşmakdan gork.
Kuran hristianlara (Isadan Allah ýasanlara) azaşanlar diýýä.
Aşakda Kuranyň ilkinji süresiniň (Fatiha) manysyny oka we musulmanyň prinsiplerine akyl ýetirjek bol.
----
Kowulan şeýtandan Allaha sygynýaryn.
Rahman we Rahim bolan Allahyň ady bilen.
1. Hamd (ähli minnetdarlyklar we öwgüler) älemleriň Rabbi (sahyby, eýesi, terbiýeleýjisi, ýadyjysy) Allaha mahsusdyr.
2. Ol Rahmandyr, Ol Rahymdyr.
3. Ol din gününiň (hasap gününiň) ýeke-täk Mäligidir (Hökümdarydyr).
4. (Eger şeýle bolýan bolsa, aýdyň): Ýalňyz Saňa ybadat ederis, diňe Senden medet isläris.
5. Bizi hidaýete, Saňa eltýän dogry ýola gönükdir.
6.Özlerine nygmat berip eçilenleriň ýolyna gönükdir. Gazabyňa duçar bolanlaryň, ýoldan azaşanlaryň ýolyna däl.
«Ämin» «şeýle bolsun, kabul et».
----
Musulman Allaha Alemleriň Rabby, eýesi diýýän bolsa,
hasap güniniň eýesi diýýän bolsa,
diňe Allaha ynanyp, Oňa ybadat edip, Ondan kömek soraýan bolsa,
dogry ýoldan aýyrma diýýän bolsa,
(Isadan Hudaý ýasanlaryň) azaşanlaryň ýolundan gora diýýän bolsa..... musulman beýle bir nädogry ýolda däl ahyryn.
Kuranyň bu ilkinji süresinden many almak azatlygy seniň özüňde dost,
çünki yslamda zorluk ýok.
Musulman diýmegiň nämedigini men bilýän, emma yslam boýunça musulman bolmak hemme özünden öňki gelen kitaplara şübhe döredip, olar esasynda ýaşamaly däldigini öwreden we pygamber bolmadyk birine pygamber diýip we ony hemme pygamberlerden ýokarda goýulmagy, Hudaýyň Töwradynda, Zeburynda, Injile gabat gelmedik zatlary musulmanyň durmuşynyň esasy diýip hasaplamak, mysal uçhin gara daşa sygynmak Mekka baryp haj edip gelmek ýaly zatlary etmek, yslamy her bir ýol bilen hatda gylyç bilen bolsa hem dünýä ýaýratmak ýaly zatlar. Bu bolsa Hudaýyň hak Ýazgylarynda esaslanmadyk zatlar.
Yslamda zorluk ýok diýýäniň düýbünden esassyz, çünki yslamyň esasynda yslamdan çykmak ýok kimde kim yslamy taşlasa ölüm jezasy berilýär. Munuň şeýledigini şerigat kada-kanuny bar ýurtlardaky gündelik durmuşda hem mysal doludyr. Taryhda hem şeýle ýagdaý doly. Mysal üçin musulmançylyga şübhe edip ilki kabul edip soňra garşy bolan 80 müňden gowrak öňki musulmanlary Abu Bakr gylyçdan geçirdi.
Indi bolsa Isa Mesih hakyndaky gürrüňe geleli. Men Isa Mesih hristian boldy diýmedim, ýöne Hudaýyň Ýazgysy bolan Injil esasynda eger Hudaýyň Özi Isa MEsihe Meniň Baky Sözüm diýýän bolsa we Isa Mesihe Özünden çykyp gelendigi üçin we Ozal başdan hemişede Bar bolandygy üçin Meniň Oglum diýýän bolsa, muny hem Kuranda hem hatda käbir aýatlarda KelamAllah we Ruhallah diýip geçende hem ýene-de ters pikir ýöredip Isa Mesih barada şübhe döredýän bolsa onda problema kimde. Men seniň diňeje akylyňa esaslanan pikire esaslanaýynmy ýada Hudaýyň Özüniň Isa Mesih barada şaýatlyklaryna ynanaýynmy!
Seniň düşünmeýän zadyň ýagny bütin yslamyň düşünmedik zady, Injilde ýönekeý bir ynsandan Hudaý ýasalanok-da, aslynda hemişede Hudaýyň bölegi bolan, Hudaýlygyň içinde bolan Hudaýyň Diri Sözüniň ýere ynsan keşbinde gelmegidir! Eger Hudaý bolan Hudaýyň Sözi Ynsan bolup adamzadyň arasyna gelen bolsa, Onuň derejesine peseldip, Ony ýöne bir ynsan hökmünde kabul etmek ynam bolarmy, elbetde ýok. Bu sebäpden, biz hak imanlylar Hudaýyň Özüniň aýan edenine we belent gutulyş işine iman getirýäris we bu üçin berilmeli bahany we öwgüni berýäris. Emma siz Halasgär we Reb Isa MEsihi hiç kime çykarýarsyňyz, Onuň dünýäniň Halasgäridigini hem ret edýärsiňiz, bu bolsa Mesihe garşy göreşiji (deçjalyň) ruhydyr!
Sen Hudaýdan bizi dogry ýola gönükdir diýip dileg edýärsiň, Hudaý bolsa eýýäm Ýol, Hakykat we Ýaşaýyş Bolan MEsihi iberdi we Oňa iman edenleri bagyşlady we bereketledi, ine bu bolsa adamzat üçin Hoş Habar bolýar! Yslam bolsa muny ret edýär, Töwradyň, Pygamberler ýazgylarynyň, Zeburyň öňünden aýdyp buşlan Injili ýagny Isa MEsih baradaky HOş Habaryny ret edýär! Indi bizi okaýan ildeşlerimiz bu hakynda oýlanyp görsünler!
Kuran Muhammede (s.a.w.) soňky pygamber diýýär.
Sen bolsa muny inkär edýäň.
soňam ýene-de Kurandan mysal getirip, Isa (a.s.) barada gürrüň edýäň.
Kuran bir sahypasynda dogry beýleki sahypasynda ýalan aýdýamy?
ynanmaýan çeşmelerden mysal getirmek nämä gerek.
eger Kurana ynanýan bolsaň, onda Muhammet (s.a.w.) pygambere pygamber bolmadyk biri diýmezdiň.
99 gezek aýdýan Yslam logika ters däl. ol özünden ozalky kitaplary we pygamberleri kabul edýär, bu yslamyň şerti.
ret edýän sensiň.
şol 5 sany sözi gaýtalap dursuň.
--
maglumat.
entek pygamberlik berilmänkä Muhammediň (s.a.w) bir ady Muhammedil-Emin eken, ýagny dogry sözli, ýalan söz aýtmaýan manysy bar.
bu lakam onuň dosty-duşmany tarapyndan ykrar edilen lakamdyr.
ozal ýalan sözlemedik biriniň pygamberlikden soň asla ýalan sözlejegine ynanamok.
ýalanyň bu günlere geljegi hem şübheli.
sylap, saňa-da maslahat.
yslam bilen işiň bolmasyn.
maglumat hökmünde:
(1) Yslam dini iň soňky pygamber – hezreti Muhammediň (s.a.w.) üsti bilen ähli adamzada Allah Tagalanyň iberen iň soňky we iň kämil dinidir.
(2) Yslamyň gelmegi bilen beýleki dinleriň hökmi tamamlanýar.
(3) Yslam dinini kabul eden kişä musulman diýilýär.
(4) Yslamyň Allahyň ýanynda iň ygtybarly hem iň soňky dindigini Kurany Kerim şeýle belleýär:
«Bu gün siziň diniňizi siziň üçin kämillige ýetirdim. Size bolan nygmatymy tamamladym we size din hökmünde yslamy saýladym», (Maide, 3).
«Kim yslamdan başga din gözlese, onuň saýlan dini kabul edilmez. Șeýle hem ol ahyretde uly zyýanda galanlardan bolar», (Ali Imran, 85).
«Allahyň ýanynda ýeke-täk din Yslamdyr», (Ali Imran, 19).
(5) Aslynda ýokarda belleýşimiz ýaly, ähli pygamberleriň teblig eden dini – yslamdyr.
(6) Hezreti Muhammet (s.a.w.) bilen yslam iň kämil mazmuna eýe bolýar.
(7) Yslam dini beýleki dinlerden tapawutlylykda diňe haýsydyr bir kowma däl-de, tutuş adamzada niýetlenen dindir.
(8) Șeýle hem beýleki dinler wagtyň geçmegi bilen ösüşde yza galsa-da, Yslam dini tä kyýamata çenli bolup geçjek ähli ösüşlere jogap berip biljek kämillikdedir.
-----
bolany.
sylap musulman diýmegiň nämedigini men bilýän diýip bu ýerde bogaz ýyrtanyň bn ol seniň bilýändigini aňladanok. eger bilýän bolsaň yslamdaky gözüňe dürtülip duran hakykatlary kabul ederdiň bu çaka çenli. Allahyň iberen hemme mukaddes kitaplarynda yslam pygamberi barada aýdylan we habar berilen. eger bu hakykaty ýaşyryp, soňam ol kitaplary öz islegiňiz boýunça üýtgedip mukaddes kitaplarda habar berilenok diýeniň üçin seňki dogry bolaýar öýtme. haj ybadaty, gara daşa sygynmak (bu gezega düzedipsiň 🙂, diýmek azajyk hem bolsa öwrenýäň, ýöne ol bilgiňi hem bize garşy ulanmak maksat bn ) barada aýdyp hem şübhä düşürjek bolma, biz özümiz bilýäs o zatlar barada. sen gowusy ybadathanalaryňyzdaky çokunýan heýkeliňiz, boýnuňyzdan asýan krestleriňiz barada ýazmagyňy maslahat berýän
yslamda zorlugyň ýokdygy barada hem ýokarda gara pişik aga has akyla ýakyn zatlary ýazdy, ýene-de manysyna doly düşünýänçäň okaber. men köp gabat gelýän, maksady .... (özüň düşünensiň) bolan guramalaryň aldawyna, toruna düşen (sen ýaly) oglanlaryň yslamyň çäginden çykyp, şol guramalaryň täsirinden çykyp bilmän azaşyp ýörenleri... ýöne seň aýdyşyň ýaly yslamdan çykany ölüme höküm edilenine hiç gabat gelmedim... şonuň ün owadan sözler bn ýalan sözleme
Sen Isa as-y işleýşiňçe tanaber we tanadyber, adyňy tutýan ýok. Bir musulman adam bilýär Isa as-yň kimdigini we äleme näme ün iberilendigini. şonuň ün sen musulmanlar barada alada etme! saýlamak hukugyny adamyň özüne goý, olary şübhä-de saljak bolup azara galma!
p.s: saňa köp duýduryldy, yslama dil ýetirme-de öz ynanjyň barada wagyz ediber diýlip. ýöne saňa üns berýän welin diňe yslama hüjüm edýäň. beýle seni näme yslamda birahat edýär? näme indi diniňde yslamdan başga zat ýokmy wagyz edere? eger sen hakyky dindar bolsaň, Allahyň razylygyny gözleýän bolsaň beýdip ýörmezdiň. niýetiň diniňi söýdürmek bolardy, yslam dinine şübhe doretjek bolup ýörmek dälde.
Isa as ýaşan döwründe yslam heniz ýokdy. emma şonda-da şol döwrüň adamlaryny Allahyň ýardamy bn butparazlykdan, ýeke Allaha iman etmäge çagyrdy we müňlerçe ynsanyň imanyna sebäp boldy. nädip? Allahyň mukaddes ýazgylarynyň üsti bn, söýgi bn, sabyrlylyk bn adamlary dogry ýola saldy. a sen bolsa beýle edeňok, bar niýetiň yslamy ýok etmek, asyl maksatdan örän uzakda. bagyşla welin bolup ýörşüň gaty gülkünç seniň.
ýene bir gezek ýatladýan YSLAM BN IŞIŇ BOLMASYN biz bileris öz dinimizi nähili ýaşamalydygyny we oňa görä nähili amal etmelidigini.
Oraz Sylap Gara pishik agalarym hemme teswirleriñiz we düshündürishleriñiz üçin köp-köp sagboluñlar!
p.s sylap aga, men özüme kim diýmegi özüm çözerin 🙂, saklan-maklan diýmeklik zorluk manyny berýär :-).
p.s Oraz aga, men öñki ynanjymdan galan käbir sözlerim ýagny zekat sözi häzirem kelleden çykmansoñ, shuwagtlaram kömek diýmege derek käwagt dilim çolashyp zekat berýän diýäýän :-).
p.s Gara pishik aga, Gurhandan setirleri goýup düshündireniñiz üçin ýene bir gezek sagbolsunumy aýdýaryn! Ýöne Allahy boýun almakdan gorkma gorkamogam, boýun alýan, Hudaýyñ bardygyna ynanýan. azashmakdan gork men azashýandyryn diýiba kelläme entek-entek pikir gelenok, gelmezem. gork buda gorkuzmak bolýar :-)
p.s dini dawalaryñyzy bashga blog açyp, shonda dowam ediñ! bu blog kömek we zekat hakda 😉.
Oraz Sylap Gara pishik agalarym hemme teswirleriñiz we düshündürishleriñiz üçin köp-köp sagboluñlar!
p.s sylap aga, men özüme kim diýmegi özüm çözerin 🙂, saklan-maklan diýmeklik zorluk manyny berýär :-).
p.s Oraz aga, men öñki ynanjymdan galan käbir sözlerim ýagny zekat sözi häzirem kelleden çykmansoñ, shuwagtlaram kömek diýmege derek käwagt dilim çolashyp zekat berýän diýäýän :-).
p.s Gara pishik aga, Gurhandan setirleri goýup düshündireniñiz üçin ýene bir gezek sagbolsunumy aýdýaryn! Ýöne Allahy boýun almakdan gorkma gorkamogam, boýun alýan, Hudaýyñ bardygyna ynanýan. azashmakdan gork men azashýandyryn diýiba kelläme entek-entek pikir gelenok, gelmezem. gork buda gorkuzmak bolýar :-)
p.s dini dawalaryñyzy bashga blog açyp, shonda dowam ediñ! bu blog kömek we zekat hakda 😉.
Rowşen ildeş, saňa men zorluk bolsun diýmedim, ýöne maslahat berdim!
saglygyň,
Sylap
Sylap dost, maslahatyñ üçin sagja bol! :-)
gaty jomart...sheyle adamlar kop bolsa bolmayami