Isa pygamber bilen akmaklyk

Mesnewilerde şeýle bir rowaýat bar: Bir gün Isa pygamber bir zatdan gaçyp barýar eken. Onuň öňünden bir adam çykyp “Sen Isa pygambermi?” diýip soraýar. Ol gaçyp barşyna “Hawa, men Isa” diýýär. Soň olaryň arasynda şeýle gepleşik bolup geçýär.
- Agsaklara aýak bitirýän, dälini açýan, ölüni direldýän Isa pygambermi?
- Hawa, şol.
- Sen nämeden beýle gaçýaň?
- Akmakdan.
- Sen dälini açýaň ahyryn, akmagam açaýsaň bolmaýarmy?
- Ýok, dälilik Allaň beren keseli. Ol bir näsaglyk. Akmaklyk welin, Allaň gargyşydyr, ony açyp bolmaýar. Ondan diňe gaçyp gutulyp bolýar.
Akmak bir bolmajak bolalyň. Ýöne akylly akmaklaram bolup bilýär. Akmaklygyň birinji görkezjisi (priznagy) kesirlikmikä diýýän. Birine bir zat düşündirersiň, o-da aýdýanlaryň dogrudygyna gözi ýetip dursa-da kesirlik eder. Sebäbi ol seniň aýdýanlaryňy özündäki öňden bar bolan düşünjesine sygydyryp bilmeýär. Şeýle “akylly” akmak adamlara sizem duşansyňyz. Başga biriniň aýdýan dogry sözüne özüňdäki ýalňyş pikiri ýeňip, “Seňki dogry, men ýalňyşypdyryn öýdýän” diýip bilýan adamlara “berekelladanam” gowy söz bar bolsa aýdasyň gelýär. Mysal üçin, “Şu güle seret, onuň owadanlygyna, ysyna, näzikligine... Heý, şuny adam ýasap bilermi? Bu gül “Alla bar!” diýýär” diýseň, ýoldaşyňam güle seredip, pikire çümüp öňki pikirinden dänmese...