Gurbandurdy Gurbansähedow. “Ene”

Soranmyş bir wagt aý güne bakyp,
Dünýäniň görki ne aýdyp bersene?!
Gün hem diýenmiş nuruny dökip:
“Dünýäniň bar görki enedir ene”

Soranmyş bir wagt ýel suwa bakyp,
Dünýäniň berki ne aýdyp bersene?!
Suw hem diýenmiş şarlaýyp akyp:
“Dünýäniň bar berki enedir ene”

Soranmyş boz gulan bir ata bakyp,
Dünýäniň örki ne aýdyp bersene?!
At hem diýenmiş jülgeler söküp:
“Dünýäniň bar örki enedir ene”

Soranmyş bir ene şahyra bakyp,
Dünýäniň durky ne aýdyp bersene?!
Şahyr hem diýenmiş dyzyna çöküp:
“Dünýäniň bar durky ene sen ene”

su gosgyny her gezek okanymda baslangyç synpda okan döwrüm çagalygym ýadyma düsýär.