Başgalary günäleme

“Mert özünden görer, namart - ýoldaşyndan.” Atalar sözi

Başgalary günäleme, ýazgarma,
il üstüne atma ähli günäni:
“Ol eýle, bu beýle, ýol berenoklar,
çykyp bilmeýärin batgadan” diýip,
ýitirme wagtyňy zeýrenip, köýüp,
sebäbi başgany günäläp mydam
barmarsyň, ýetmersiň hiç bir menzile;
başgalary günläme, ýazgarma,
günäle, başarsaň, özüňi ilki,
ýöne özüň günälemek gargamak däl özüňe,
ýa saýmak däl şaldyr alyp özüňi,
tersine seretmek siňe, görüp bilmek kemisiň,
gowşak ýeriň birme-bir,
hem olary düzetmegiň üstünde
bek oturyp soňsuz işlemek, belki;
başgalary günäleme gyssanyp,
başla özüňden ilki!!!Awtory:"Ýow$an Annagurban"