Dünýäniň iň belent 5 dag gerişleri

1) Ewerest
(Gimalaý daglary,Aziýa) - Ýer ýüzünde iň beýik dag Ewerestdir. Onuň beýikligi
8848 metr. Onuň ilkinji ölçenen 1852-nji ýylyndan başlap, dagyň beýikligi
baradaky maglumatlar hemişe üýtgeýär, anyklaşdyrylýar. Dagyň häzirki beýikligi
baradaky maglumat 2010-njy ýylda resmi taýdan ykrar edilen. Ewerestiň ýenede
iki sany ady bar : tibetlilerde – Jomolungma we nepallylar Sagarmatha diýip
atlandyrýarlar. Bu dag Nepalyň we Hytaýyň çäginde ýerleşýär. 1953-nji ýylyň
29-njy maýynda adamyň ilkinji gezek dag gerşine üstünlikli çykyşy boldy.

Ewerest dagy

2) Çogori
(Karakorum,Aziýa) – Beýikligi 8611 metr bolan Çogari iň demirgazykdaky dagdyr.
Bu dagyň ýene birnäçe ady bar : Dansang, Goduin-Ostin we K 2 (Karakorum). “K 2”
diýip 1856-njy ýylda ýewropalylaryň ekspedisiýasy tarapyndan atlandyrylýar,
sebäbi Karakorum ilkinji gezek ýüze çykaryldy. Ol Pakistanyň we Hytaýyň
çäklerinde ýerleşýär. 1954-nji ýylyň 31-nji iýulynda ilkinji bolup Çogara
italýan ekspedisiýasynyň agzalary Akille Kompanoni we Lino Laçadelli aýak
basdylar. Çogari örän çylşyrymly hasap edilýär.

Çogori dagy

3)Kançenjanga(Gimalaý
daglary,Aziýa) – Kançenjanga 5 gerişli dag massiwi bolup, onuň iň beýik nokady
8586 metrdir. Galan dördüsi hem pes gerişler däl : Günorta Kançenjanganyň
beýikligi 8491 metr, Orta Kançenjanga 8478 metr, Günbatar Kançenjanga
(Ýalung-Kang) 8505 metr hem-de Kangbaçen 7902 metr. Bu dag massiwi Nepalyň we
Hindistanyň çäginde ýerleşýär. Massiwiň ady terjime edilende “Beýik garlaryň
bäş baýlygy” diýmegi aňladýar.1849-njy ýylyň maglumatlarynyň esasynda Ewerestiň
iň beýik dagdygy anyklanyldy. 1955-nji ýylyň 25-nji maýynda Džo Branuadan we
Žorž Bendden ybarat iňlis ekspedisiýasy bu dag massiwiniň gerşine çykmagy
başardy.

4)Lhosze
(Gimalaý daglary , Aziýa) – Lhosze dagynyň beýikligi 8516 metr, Lhoszäniň hem
Kançenjangaňky ýaly , birnäçe gerşi bar. Ol gerişler : Orta Lhoszäniň beýikligi
8484 metr  we Şar Lhoszäniň beýikligi
8313 metr. Tibet dilinden terjime edilende, bu dagyň ady “Günorta dag” diýmegi
aňladýar. Ol Nepalyň we Hytaýyň serhedinde, Jomolungmadan bary-ýogy 3 km
daşlykda ýerleşýär. Dag gerişleri 7906 metr beýiklikde Günorta geçelgesi bilen
bölünýär. 1956-njy ýylyň 18-nji maýynda şweýsariýaly Ernst Reýss we Fris
Luhsinger ilkinji bolup Lhoszä çykmagy başardylar.

5)Makalu
(Gimalaý daglary,Aziýa) – Makalu iki gerişli dag massiwidir. Baş makalunyň
beýikligi 8485 metr, Günorta-Gündogar Makalunyňky – 8010 metr. Bu massiw Nepal
bilen Hytaýyň araçäginde Jomolungmadan 20 km-den gowrak daşlykda ýerleşýär.
Hytaý dilinden terjime edilende “Gara äpet” diýmegi aňladýar. 1955-nji ýylyň
15-nji maýynda fransuz alpinistleri Lionel Teraý bilen Žan Kuzi ilkinji bolup,
Makalu dag gerşini tabyn edýäler.