Sen sorama. . .

Sen sorama...

Yhlasym gulagyň şaňladyp durka,
Sen sorama menden “Söýýärmiň?” diýip.
Namam adyň bilen yňlanyp durka,
Sen sorama menden “Söýýärmiň?” diýip.

Erkimi ersdiren mahmal owazyň,
Tutaşdyryp dursa köredip gözüm.
Owadankaň gözlerime bir özüň,
Sen sorama menden “Söýýärmiň?” diýip.

Hereketim dogrumy, nädogrumy?
Bilmeseň-de paralaýaň bagrymy.
Täk özüňe bagyşlassaň şygrymy,
Sen sorama menden “Söýýärmiň?” diýip.

Ýanyňa emenip baran halatym,
Ýagşy söz dilenip baran halatym.
Zülpleriň dem bilen yran halatym,
Sen sorama menden “Söýýärmiň?” diýip.

Sen, ahwetin, buýsanjym-da, ham dagym-da,
Söýgä suwarylan gül-köňül bagym-da.
Diňe gözüm açyp gijek halymda,
Şonda sora menden “Söýýärmiň?” diýip.

                           / Seýidaly Babaýew /