2-3 sagat çaýda

Ýaňy bir indonez ýaşulyň (Aris aga) öýüne çaý içmäge gitdik. Aý ýaşuly 36 döwlete aýlanan eken. Bir giden foto albomlary bar eken. Giden her ýurdunda düşen suratlaryny aýratyn alboma salyp goýupdyr. Türkmenistana gitdiňizmi diýip sorady ýanymdaky biri. Aris aga Türkmenistanyň adynam aýdyp bilenok. Onsoň meni görkezdiler, şu Türkmenistandan diýip. Aris aga gidip karta getirdi, giden ýurtlaryny çyzyp belläp goýupdyr. Onsoň kartadan Türkmenistany görkezdim. Hää, bu taýlary öň Russiýa degişlidi, men Russiýa aýlandym, emma bu ystan-istanlara aýlanmadym diýdi. Indi GAR-a gitmek niýetim bar. Belki ondan soň Orta Aziýa-da aýlanaryn diýdi.
Ýaşuly baryp 1985-nji ýylda Türkiýä aýlanypdyr. Garaz aýlanan hemme ýurtlaryna näçenji ýylda gidenini ýazyp goýupdyr, emma beýlekilere kän üns bermedim. Gapysynda bolsa atam döwrüň Chevroleti dur. Garaz bir giden täze maşynlary bolsa-da käwagt bu maşyny bilen şähere aýlanmaga çykýandygyny aýtdy.

Suratdaky Aris agaň maşyna däl, internetden alyp goýaýdym. Ýöne şu maşyn diýjek bolýanda..