Ahyrzaman alamatlary…ahyrzaman bolarmy…haçan bolar…
Ahyrzaman alamatlary…ahyrzaman bolarmy…haçan bolar…
Ahyrzaman alamatlary… ahyrzaman bolarmy… haçan bolar…nähili bolar…men oňa taýynmy???
Dünýäde
bolup geçýän hadysalar, uruşlar, dawalar, ýer titremeler, tupanlar,
terorizm, ykdysady problemalar, bilimiň soňky 50 ýylyň içinde şeýle bir
uly depginde ösmegi, dünýäniň bütewileşmegi ýagny tehnologia arkaly,
ykdysadyýet we syýasat arkaly bütewileşmegi, munuň ýakyndygynyň
alamatymyka… Bular hakynda Mukaddes Ýazgylarda ýazylypmy?
Haýran
galdyryjy zat bolsa, ahyrzamanyň boljakdygy we onuň alamatlarynyň 2000
müň ýyldan gowrak öň ýazylan Hudaýyň Sözi diýilip tanalýan Kitaplarda
öňünden aýdylyp pygamberlik edilip geçilmegidir. Olary yzygiderli we
jikme-jik öwreneniňde dünýäniň nirä barýandygyna göz ýetirýärsiň we
Hudaýyň adamzada nädip öňünden olar hakynda duýdyryş berendigine haýran
galýarsyň. Hudaýyň olar hakynda öňünden aýtmagynyň sebäbi bolsa biziň
ýalan bilen aldanmazlygymyz we hakykata göz ýetirip, Hudaýyň biziň üçin
üpjün eden gutulyşyndan mahrum bolmazlygymyz üçin we umytsyzlgyň içinde
umytly, galagolplugyň içinde dynçlykdan doly, ýigrenç we gaharyň içinde
söýgüden we ýumşaklykdan doly, imansyzlygyň içinde imandan doly
bolmagymyz üçin olary bize öňünden bildirýär!
Injilde Isa Mesih bize nämelerden hüşgär bolmagy we nähili alamatlaryň boljakdygyny aýdyp geçipdir: “Isa
Zeýtun dagynda otyrka, şägirtleri ekelikde Onuň ýanyna gelip, şeýle
diýdiler: “Bize aýt, bu zatlar haçan bolar? Seniň gelmegiňiň we
ahyrzamanyň almaty näme bolar?” Isa olara şeýle jogap berdi: “Ägä
boluň, sizi aldaýmasynlar. Çünki köpler: “Men Mesih” diýip, Meniň adym
bilen gelerler, köp adamlary aldarlar. Uruş seslerini, uruş turanlygy
barada habarlar eşidersiňiz. Ägä boluň, gorkmaň, çünki bularyň bary
bolmalydyr, ýöne entek dünýäniň soňy däldir. Çünki millet-millete,
patyşalyk-patyşalyga garşy çykar. Aýry-aýry ýerlerde açlyklar bolar,
ýer titrär. Emma bular burgularyň başlangyjydyr. Onsoň size gaýga
basdyrarlar, öldürerler, Meniň adym üçin hemme milletler sizi ýigrener.
Şonda köpler imandan dänip, biri-birilerine haýynlyk eder,
biri-birilerini ýigrenerler. Birentek ýalan pygamberler döräp, köpleri
azdyrarlar. Şer işleriň artanlygy zerarly, köpleriň söýgüsi sowar. Emma
soňa çenli çydan halas bolar. Patyşalyk baradaky bu Hoş Habar hemme
milletlere güwälik hökmünde dünýäniň ähli ýerinde wagyz ediler,
ahyrzaman şonda geler. Şeýlelik bilen, Daniýel pygamber tarapyndan
agzalan weýrançylyk getirýän ýigrenjiniň (Antiçhrist) mukaddes ýerde
(ýagny Iýerusalimdäki ybadathanada) duranyny göreniňizde, Ýahudadakylar
daglara gaçsyn. Öýüň üçegindäki –öýünden bir zat almak üçin aşak
inmesin. Ekin meýdandaky-donuny almak üçin yzyna öwrülmesin. Ol
günlerde göwreli we çaga emdirýän aýallaryň gününe waý! Gaça-gaçlygyň
gyş ýa Sabat güni bolmasyn diýip doga ediň. Çünki şonda uly muşakgat
bolar, beýle muşakgat dünýäniň başyndan tä şu wagt çenli bolanam
däldir, bolmazam. Ol günler gysgaldylmadyk bolsady, ond, hiç kim halas
bolmazdy, ýöne saýlananlaryň hatyrasyna ol günler gysgaldylar. Şonda
bir size: “Ine, Mesih şu ýerde” ýa-da “Ine, ol ýerde” diýse ynanmaň.
Çünki ýalan mesihiler, ýalan pygamberler döräp, mümkin boldugyça,
saýlananlary-da azdyrjak bolup, uly alamatlar, gudratlar görkezerler.
Ine, Men size öňünden aýtdym. Şeýlelikde, size: “Ine, Mesih çölde”
diýeseler-de çykmaň, “Ine, içki otaglarda” diýseler-de ynanmaň. Çünki
ýyldyrym nähili gündogardan turup, günbatarda hem görünýän bolsa, Ynsan
Oglunyň (Isa Mesihiň) gelşi hem şeýle bolar. Maslyk nirede bolsa,
garaguşlar şol ýere üýşüşýändir. Ol günleriň muşakgatynyň yzysüre Gün
garalar, Aý yşygyny bermez, ýyldyzlar Gökden gaçyp, Gök gudratlary
titrär. Onsoň Gökde Ynsan Oglunyň alamaty görner, şonda ýer ýüzüniň
bütin taýpalary perýat eder, Ynsan Oglunyň Gökdäki bulutlarda gudrat
hem uly şöhrat bilen gelýänini görer. Ol Öz perişdelerini belent surnaý
sesi bilen ýollar. Olar-da Onuň saýlananlaryny dört tarapdan, Gögüň bir
üjundan ol ujuna çenli ýygnarlar. Injir agajyndan sapak alyň: onuň
şahalary ýumşap, ýaprak çykara mahaly tomsuň golaýdygyny bilýärsiňi.
Şonuň ýaly-da, bu zatlary göreniňizde, Ynsan Oglunyň golaýdygyny,
gapynyň agzyndadygyny biliň. Men size dogrusyny aýdýaryn, bu zatlar
bolýança, bu nesil dünýäden ötmez. Gök hem ýer öter, ýöne Meniň
sözlerim asla ötmez.”
Bu
aýatlar bize gaty köp hakykatlary we hatda käbir jikme-jiklikleri aýan
edýär we biziň nämelerden ägä bolmalydygymyz hem ýatladýar. Ahyrzamanyň
bolmagynyň iň esasy wakasy hem Isa Mesihiň dünýä ikinji gezek gaýdyp
gelmegi bilen baglanyşyklygydyr.
Bu
tekst bize soňky günleriň gelmeginiň öň ýanyndan bolup geçýän wakalary
aýdýar: uruşlar bolar, millet-millete, patyşalyk-patyşalyga garşy,
açlyk bolar, ýer titrär. Bular heniz burgularyň başlangyjydygyny
aýdýar. Ikinji bir iň wajyp kriteriýa hem Isa Mesihe iman edenler,
ýagny “saýlananlar”, diýilýänler bilen baglanyşykly. Olar barada Ýazgy
şeýle diýýär: “Onsoň sizi gaýga basdyrarlar, öldürerler, Meniň adym üçin hemme milletler sizi ýigrener.”
Üçünji bir bagly zat Hoş Habar (Injil) bilen baglanyşykly. Ýazgy bu barada şeýle diýýär: Patyşalyk baradaky Hoş Habar hemme milletlere güwälik hökmünde dünýäniň ähli ýerinde wagyz ediler, ahyrzaman şonda geler.”
Dördünji bir bagly zat, “weýrançylyk getirýän ýigrenji” bilen baglanyşykly. Ýazgy bu hakynda şeýle diýýär: “Daniýel pygamber tarapyndan agzalan weýrançylyk getirýän ýigrenjiniň mukaddes ýerde duranyny göreniňizde…”
Bu barada Mukaddes Ýazgynyň başga ýerinde “ Mesihe garşy göreşiji,
Antiçhrist, bikanun adam, heläkçilik ogly” diýilip agzalyp geçilýär.
Başinji
bir belläp geçmeli zat, ol günlerde köp ýalan pygamberleriň gelmegi we
hatda men “Isa Mesih” diýip geljekleriň boljakdygy weadamlary azdyrmagydyr.
Özüniň
nädip geljegini bolsa Isa Mesih doly düşündirip geçýär we özüne iman
edenleriň Onuň aýan eden bu taglymatyna bagly galmagy we başga zatlara
ynanmazlygy, aldanmazlygy we soňuna çenli çydamagy öwredýär. Munuň
üstesinede, Özüniň gaýdyp gelmegi bilen olara täze umyt berýär. Isa
Mesih gelende gudrat hem uly şöhrat bilen geler. Ol Öz perişdelerini
ýer ýüzüne ýollar we olar hem Onuň saýlananlaryny Isa Mesihiň ýanyna ýygnar! Isa Mesih “antikristi, ýigrenjini” demi bilen, gelmeginiň haýbaty bilen ýok eder!
Bu
bolup geçjek wakalaryň astynda galyp umytsyzlykdan, Hudaýyň höküm
gününden gutulmak üçin, baky jeza bolan dowzahdan gutulmak üçin nähili
çykalga bar? Hudaýyň çykalgasy, gutulyşy eke-täk, ene bir gezek bu okan
tekstimiziň tassyklaýşy ýaly, Isa Mesihdedir! Hudaý Isa Mesihi biziň
günälerimiziň tölegini tölemäge Halasgär hökmünde Gökden ýollady, Ol
“Gurbanlyk guzy” hökmünde ezýet çekdi we öldürili, jaýlandy emma
şeýtanyň güýji we ölüm ony ölüler diýarynda saklap bilmedi, Ol ene-de
direldi we Göge galdy. Ol ene-de geler! Hudaýyň bu gutulyş ýoly
baradaky Hoş Habar ähli milletler arasynda güwälik hökmünde wagyz
edilýär, belki sen hem bu barada kimdendir birinden, nämedir bir zat
arkaly eşidensiň, eşitmedik bolsaň onda ene bir gezek Hudaý saňa, ine
bu ýazylanlar arkaly hem Hoş Habaryny saňa aýan edýär. Ölüm ýada
ahryzaman gelmezinden öň biziň “saýlananlaryň” hataryna, ýagny Isa
Mesihe hak ýüzünde iman edenleriň hataryna goşulmagymyz gaty wajypdyr.
Şonda bizde geljege bolan umyt, hak iman we baky ýaşaýyş bolar! Sen
saýlananlaryň hataryndamy? Ýada sen “ýalan mesihleriň” ýalan
pygamberleriň ýolundamy? “Ýigrenjiniň, Hoş Habaryň we Isa Mesihiň
garşysyna göreşijiniň tarapyndamy?
Bu
soraglara çyn ýüregiňden jogap ber! Çünki muňa berjek jogabyň we Isa
Mesihe bolan imanyň seniň bakyýetdäki ykbalyňy kesgitleýär we
ahyrzmanda boljak ahwalyňy anyklar! Bu gün gutulyş güni, diýlişi ýaly,
bu gün çözgüt çöz, giç bolaýmasyn!
Eger
sende käbir soraglar bolsa, hemme zadyňy goýda sorap öwren, dindarlaryň
ýada başga dindäkileriň diýýänlerine esaslanyp ýalňyşma, Hudaýyň
hakykat çeşmesi bolan we Isa Mesih barada original çeşme bola Injile
salgylan we onda ýazylanlara iman getir!
Saňa
elbetde “Injil üýtgedilipir, okama, diňe şujagazda ýazylanlar
ýeterlikdir, ol başgalaryň dini, bizde täzesi bar” diýýänler tapylar…
Emma Isa Mesihiň aýdan diňeje şu sözleri hem olaryň seni aldawa salmaga
çalyşýandyklaryny we şeýle diýip öwredýänleriň “Mesihe garşy
göreşijiniň, antikristiň” ruhy bilen ideklenýändiklerini paş edýär.
Isa Mesih şeýle diýdi: “Gök hem Ýer öter, ýöne Meniň Sözlerim asla ötmez!”
Imansyz
bolma, imanly bol! Eger imanly bolup, Hudaý bilen baky bolmaga
saýlananlaryň arasynda bolmak islegi bolsa we saňa ene-de düşündirilmek
zerur bolsa, biziň bilen habarlaş!
Sen ahyrzaman ynanýaňmy we Hudaýyň öňünde durmaga taýýarmy?
Arşivin durumu
● Tam metin
● 70/70 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 7 Kasım 2011 · Orijinal sayfayı gör ↗
Yorumlar 70
sylap sening ynanjynga hormat goyyan.yazgym sanga garshy dal. dinge hakykatyng hatyrasyna...
Sylap, ýadamadyňmaý baran ýeriňde şol bir soraglara şol bir jogaby
berip, oglanlarymyzyň köpüsüne gowy kömek edýäňiz. Sizden öwrenýän
zatlaryny we tejribelerini indiki garşylaryna çykjak siz ýaly
diplomatlary nähili haklajaklaryny öwrenýäler. Menem kän öwrendim, sag
bol sylap, imanymy güýçlendirmäge ýardam edeniň üçin!
Agam bu taýda hem gürleşmek mümkinçiligi bolandygyna gaty şat! Janyň sag aman gezip ýörän bolsaň we şu websaýtlarda görünýändigiň hem şatlykly!
Çynymy aýtsam käwagt ýadaýan, ýöne Hoş Habary aýtman durup bilemok, çünki Injildäki Hoş Habar maňa gutulyş berdi, umyt we täze ýaşaýyş berdi, kalbyma dynçlyk berdi Biribar bilen şahsy aragatnaşyk berdi we ýakynlyk berdi, şatlyk we çyn söýgi berdi, ýaşlygymdan gözlän ýolyň, hakykatyň we ruhy doly ýaşaýşyň Özüni tanamagy berdi! Indi Hudaýa tarap bolan ýol, hakykat, we ýaşaýyş barada aýdýan pygamberler gerek däl, çünki Şol Ýol, Hakykat we Ýaşaýyş Bolanyň Özi geldi, biziň üçin etmeli işleriniň we aýtmaly zatlarynyň ählisini aýtdy we ýenede gaýdyp geljek! Agam dost, bu zatlar gaty ajaýyp zatlar, bular barada gürrüň etmän durup bolanok!
Ondan başgada ildeşlerimiz bu taýdaky gürrüňlerden dürli maksatlar üçin zat öwrenip bilerler...muny hiç kim kontrol edip bilmeýär... dogry maksat üçin ulanylan bolsa erbet hem bolmaz... emma nädogry maksat üçin ýada Isa Mesihiň ýoluny ret etmek maksady bilen ulanylsa olaryň janlary üçin howply boljagyndan howatyrlanýan...!!! Agam sen meniň bilen kän diskussia etmediň, diňe azrak, eger taýýar bolsaň gürrüň edip bileris! 🙂
sylamak bilen,
Sylap
türkmenchilikde yalan gatyshykly cyn diyilen düşünje bar.yagny azajyk
üytgedilen dogry yalandan beter bolyar.konemowrit ynanç hasaplanyan
hyrystyanchylygam we injilem edil shonung yaly. konemöwrit diyyarin,
sebabi ol islam we gurhan gelmegi bilen öz möwritini yitirdi.muny has
düshünikli bolar yaly şeylerak mysal bilen düşündirip bileris. bir
döwletde hereket edyan kanun özünden songky kanunyng çykmagy bilen öz
güyjüni yitiryar.allannyng kanuny hem şeyledir.
muny hz isa da, injilem tassyklayar. munung üçin injiling yuhanna süresining 16-njy ayatyny okaymaly.
Jogap: Ýadan ildeş pikirleriň üçin sagbol! Injiliň ýoly könemöwrit däl bolsa näme, hawa köpler 600 ýyldan soňra gelen Islam netijesinde Injiliň möwriti geçdi diýip düşünýärler, ýagny wagty geçdi diýip düşünýärler. Emma bu hakykatda şeýlemi, ýada kimdir biri şeýle diýdimi? Jogap, Injilde Isa Mesih özüniň wagtynyň geçmejekdigini aýdýar. Eger ýokardaky makalany okan bolsaň, tä Özüniň ýene-de gaýdyp geljek döwrüne çenli Injiliň ýer ýüzündäki ähli milletlere wagyz edilmelidigini aýdýar. Bu sebäpden hem we Injildäki ýüzlerçe başga sebäplerden hem injiliň möwriti ýada wagty geçdi diýilen düşünje hakykata laýyk gelmeýär! Eger gelsedi, onda men bu gürrüňleri etmezdim. Ýuhanna 16-njy bap diýjek boldyňmy diýýän, men ol baby ýüzlerçe gezek okap gördüm, seniň özüň okap gördüňmi şony?
türkmen hich wagt injili we hz isany inkar edyan daldir. bu barada taryhy we edebi eserlerimizde hem kan agzalyar. magtyngulyda munyng mysallaryny kan görmek bolyar. hatda hz isa ruhullah diyip yüzlenyar. bu baha bolsa taze ahitdaki we köne ahitdaki yüzlenishlerden birjikde kem dal. ata-babalarymyz tanamayanyny beyle hormatlamaz ahyryn. diymek ata-babalarymyz isany injili we beyleki pygamberleri has dogrusy din baradaky düshünjeleri gaty gowy bilipdirler.
Eger Türkmen halkymyzyň taryhynda, edebi eserlerinde ýatlanyp geçilen Isa Mesih we Injil baradaky zatlaryň hemmesi hem diňe Islamyň öwredilişi ýaly beýänyny tapypdyr. bu bolsa olaryň hakyky Injili öwrenmäge mümkinçilikleriniň bolmandygyny görkezýär. Ruhuallah, Kelamalllah diýilip aýdýarlar emma düýp manysyna düşünmeýärler, çünki Injil öwrenilmeýär, bu ýüzden şeýle gapma garşylykly pikirler bar!
Dost sylap onda sen maña bir zady du$undir, name uchin musulmanlar hristiyan bolman , butin dunya boyunça hristiyanlardyr beyleki dinlere ynanyanlar musulman bolyar?
Yadan ildeş, eger köpräk Injil barada bilmek isleseň ine şu websaýta girip göräý: www.turkmenhh.org
Ol taýda Injili özüň okap öwrenip bilersiň, gerek bolsa komputeriňe pdf-de indirip kabul edip bilersiň, hatda mobil telefonyňa hem Töwrady we Injili kabul edip bilýäň we okap bilersiň türkmen dilinde!
Dost sylap onda sen maña bir zady du$undir, name uchin musulmanlar
hristiyan bolman , butin dunya boyunça hristiyanlardyr beyleki dinlere
ynanyanlar musulman bolyar?
Dost, bir adamyň bu dinden ýada ol dinden başga dine geçmegi heniz hakykaty görkezmeýär. Seniň aýdyşyň ýaly özüne hristian diýýänleriň musulman boluşy ýaly musulmanlar hem mesihilige geçip ýörenleri kän, ýada buddist ýada ateist bolup ýöränler kän, ýada ateistleriň musulman ýada hristian bolup ýörenleri bar.
Emma hakykaty bilmek we düşünmek beýle ölçenmeýär. Injilde Isa Mesih: dar ýoldan ýöräň we dar gapydan giriň... diýýär, hakykat ýoly hemişe uly ýol bolmaýar, bilşiň ýaly durmuşda hem hakykatyň tarapdarlary az bolýar. Bu sebäpden hem hakykaty bilmek üçin hemme taraplary öwrenip, oýlanyp, düşünip kabul etmelidiris!
sylap, yokarda 600 ýyldan soňra gelen Islam netijesinde Injiliň möwriti geçdi diýip düşünýärler diyipsing we yslamyng gelenligini tassyklapsyng. elbetde inkar edip bolmajak hakykata gol bernligingi gutlamak gerek.indi sen ayt, taze hosh habar, taze din, taze pygamber gelenden song ozalkynyng hökümi tamamlanmazmy, eger tamamlanmayan bolsa alla taze dini name ücin iberdika?
elbetde men yuhannany okadym.okanym üchinem yazdym. eger sening elingde bar bolsa feraklitos halaskar hakda yazylanlary shu yere yazsana.
sag bol görkezen cheshmang ücin. yone men taze ahidem, köne ahidem okadym, şol sanda gurhan bilenem tanysh. terlik tazelik gurhana mahsus. ol ahitler edil hakykatdanam yadygarlik, taryhy eser hökmünde saklanmaga mynasyp.
Ýadan dost, Islamyň dünýä arenasynda emele gelendigi taryhy fakt ony men inkär edemok, emma men ony Hudaýdan gelen diýip kabul edemok, çünki Töwratda, Zeburda, pygamberleriň ýazgylarynda we Injilde ol tassyklama tapanok! Töwrat, Zebur, gadymy pygamberler ýazgylarynyň we Injiliň arasynda baglanyşyk bar we yzygiderlik bar, emma Kuran bilen islamyň olarda tassyklanmasy ýok. Injiliň taglymaty bilen Kuranyň talgymaty, Isanyň ýoly bilen Muhammediň durmuşy we ýoly gapma garşy gelýär.
Injil tamamlanjak bolsa onda Injil muny aýtmalydy, munuň tersine Injil bütin ýer ýüzüne ähli milletlere Isa MEsih tä yzyna gaýdyp gelýänçe wagyz edilmeli diýýär! Injiliň-Isa Mesihiň wagty geçýän bolsa onda bu beýle bolmaly däl! Bu sebäpden Injilden soňky gelen hakykata gabat gelmeýär!
Gürrüňdeşlik üçin minnetdar! Soraglar we pikirler bar bolsa ýene gürrüňi dowam etdireris! Men şu wagt ýöremeli! hemmaňiz sagaman boluň!
Men sana beyleki temada yazdym.
Silap aga nameow men yazanlarymy sylanokmy?
Gozuni yuz achda jogap yazsana men yazanlaryma!
NNurjano bagyşlarsyň, görmändir seniň ýazanyňy! Men saňa bir jogap ýazypdym. Ine bu aşakda meniň seniň beren soragyňa öňki jogabym:
SYLAP aga,men kellamde gaty ullakan sorag bar,sen dilindenem ISA
pygamberi kim yaratdy,name ucin yaratdy?Ony yaradan nadip yaradyldy?Isa
pygamberin kakasy bolmadyk we nadip ene rehmine dushya chaga?
Injiliň
öwredýänleri esasynda Isa Mesih ýaradylmady, Ol Ozal-başda bar bolan
Ebedi Söz, Ol Hudaý bilendi, soňra dünýäni halas etmek üçin Gökden ýere
ynsan keşbinde geldi. Dünýä gelmek üçin gudrat bilen ol her bir ýerde
ýaşaýan ynsan ýaly eneden doguldy, ulaldy ýerde doly Ynsan bolup
ýaşady, emma ynsanlyk tebigatynda hem kämil we mukaddes ýaşaýyşda
ýaşady. Isa Hudaýyň Ogly diýilmek fiziki manyda düşünilmeli däldir.
Hudaýyň Ogly diýilmekde Isanyň bakyýetdendigini, Hudaýyň Baky Sözi
bolup hemişe Hudaý bilen bolandygyny aňladýar. Onuň 100% ynsan bolmak
bilen bir hatarda 100% hudaýlyk tebigata hem degişlidigini görkezýär!
Injili özüň okap öwrenjek bolsaň onda onuň Türkmençesini ine şu taýdan okap bilersiň: www.turkmenhh.org
Suwagta Çenli yslama göz yetirmedik bolsañ göziñ döwikdir
Babaý dost, ilsama göz ýetirmedik ýerim bolsa maňa bilmeýän zadymy aýdaý! Seniňä Isa Mesih barada doly maglumat bilmeýändigiň görünip dur, Isa Mesih islamyň bilen gözi bilen seredip Isa hakyndaky hakykaty sözleýän Injili ret edýän bolsaň onda kimiň gözi döwik-kä?! Men saňa ýazanlarym Injilde ýok bolsa ýada özümden tapyp aýdýan bolsam onda ony görkez! Bomasada iman getir imansyz bolma! Çünki Hudaý Isany seni halas etmek üçin ýollady!
yene geldimay bu hosh habar..?
Hoş habar indi gelenok, Ol hemişede bardyr! Ýöne Ony görýänler azdyr!
goryanler az dal dost, goryana yetik.. yone bizin oz dinimizem bar, hosh habarymyzam (Allah'a shukur..) we bize-de bolya shol.. senin bu toslayanlaryn bolsa, oz hosh habarymyzyn yanynda 'bosh habar'dan ybarat..