Kyýamat, hasap gününiň boljagy baradaky ylym

Allah tagala aýtdy:
187. (Eý, Muhammed). Sizden: “Wagt (ýagny, kyýamat) haçan bolar?” diýip sorarlar. “Ony bilmek diňe Perwerdigärimiň dergahyndadyr. Wagty-sagady gelende hem diňe Özi äşgär eder. Ol (ýagny, kyýamat) älem we ýer üçin juda agyr bir işdir. Ol size duýdansyz ýagdaýda geler” diýiň. Göýä siz ony oňat bilýänsiňiz diýip sorarlar. “Ony bilmek diňe Allahyň dergahyndadyr. Emma adamlaryň köpüsi (muny) bilmeýärler” diýiň.
Araf süresi.
Allah tagala şuny hem aýtdy:
42. (Eý, Muhammed, müşrikler) sizden (şol Kyýamat) sagadynyň haçan waka boljagy hakynda sorarlar.
43. Siz nirede, häli, ony (ýagny, Kyýamat haçan boljagyny) zikr edip, ýatlatmak (nirede? Ýagny, siz hiç haçan ol Günüň wagtyny aýdyp berip bilmersiňiz).
44. Ony (bilmek) ýalňyz Perwerdigäriňize baryp durar.
Naziýat süresi.
Pygamberimiz s.a.w. aýdypdyrlar:
Siz menden Kyýamat güni barada soraýaňyz? Ony diňe Allah bilýändir. Allahdan kasam edýän, häzirki ýaşaýanlardan ýüz ýylyň dowamynda hiç kim galmaz.
Muslim
Häzirki döwürde Kyýamatyň haçan boljagyny bilýän diýip güman edýänler bar. Ýöne ol açyk ýalan we diňe nadan, hiç zatdan habary yok adamlaryň edýän hokgalaryndan başga zat däl. Ony hatda söýgüli bendesi we pygamberi bolan Muhammed a.s. we Jebraýil a.s. bilmändirler. Ýöne mübärek sünnete göra ol gün Juma güni boljaklygy bolsa mälim.
Pygamberimiz s.a.w. aydan eken:
Günleriň haýyrlysy Juma günüdir. Ol günde Adam a.s. yaradyldy. Ol günde jennete girdi. Ol günde hem jennetden kowuldy. Kyýamat güni hem Juma gününde bolar.Muslim