Gelin – gyzlar hakda nakylllar.

Salam hormatly teswirçiler we gyz agzalarymyz.

Gelin-gyzlarymyz hakda nakyllar tapdym. Edebiýat bölümi üçin goýaýyn. 🙂

Gelin – gyzlar hakda nakylllar

Alynjak gyz Aý görner.

Aşy ajygana ber, gyzy – aşygyna.

Ataň bile eneň – Mekge bile Medinäň.

Atasyz oglan – ýetim, enesiz oglan – ýesir.

Aý ýanynyň ýyldyzy, gelin ýanynyň baldyzy.

Gelin ojaga çeker.

Gelniňe gargasaň, ogluňa deger, giýewä gargasaň – gyzyňa.

Gerdişli sözi gelin aýdar.

Giýewim ýagşy – gyzymyň aýdany bilen, oglum ýaman – gelnimiň
aýdany bilen.

Goňşyň gowy bolsa, kel gyzyň güle gider, goňşyň ýaman bolsa, gül
gyzyň küle gider.

Görklüdigiňi bilerin, bir oglanyň bolansoň, işlidigiňi bilerin, gaýyneneň ölensoň.

Gözeli kemis öldir, ýigidi – namys.

Guda gudalaşandaky dek bolsun, gelin gelenindäki dek.

Gün bakar – ýer ýumşar, gelin bakar – är ýumşar.

Gündeş göreniň gyzyny alma, işigi ýamanyň öýüne barma.

Gylygyndan söýdüren gyz – gyzyldan.

Gyz bar – nep getirer, gyz bar – gep getirer.

Gyz çykaran baýamaz, gelin edinen dagamaz.

Gyz galyňy- garyň suwy.

Gyz göwni – gyzan gazan.

Gyz meniňki, bagty özgäniňki.

Gyz syryny hossary biler.

Gyza altyn tagt dileme, barmak boýy bagt dile.

Gyza erk berilse, ýa dowulça barar, ýa surnaýça.

Gyza geler kyrk kişi, alar gider bir kişi.

Gyzda – haýa, gelinde – şerim.

Gyzly gapy dynuw bilmez.

Gyzly öý – soltanly öý, ýüzi geler, biri äkider.

Gyzly öýe kyrk at baglanar.

Gyzly öýüň iti dynmaz.

Gyzy baryň näzi bar, ogly baryň – döwleti.

Gyzy saklap bilmeseň, güň bolar, ýüpegi saklap bilmeseň, ýüň bolar.

Gyzyla gaplasaň hem gyz atasy öýünde galmaz.

Gyzym – öýde, gylygy – daşarda.

Gyzyň görki ýedi ýetmeziniň üstüni ýapar.

Gyzyň gözelligi göz bile gaşda, ýigidiň gözelligi akylda – huşda.

Ogul düzde ýagşy, gyz – öýde.

Ogul edebi bilen arzyly, gyz – gylygy bilen.

Ogul ýanynyň ody bar, gyz ýanynyň – ýady.

Oguldyr döwletiň başy, gyz-da bolsa göwün hoşy.

Owadan gelin toýy bezär, akylly gelin – öýi.

Öý görki – gamyş, gyz görki – kümüş.

Suwuň siňňin akanyndan gork, gyzyň – ýere bakanyndan.

Togsan dolman ýaz çykmaz, dokuzy dolman – gyz.

Ýagşy gyz ýady ýakyn eder, ýaman gyz – kyýamaty.