meň pikirimçe şahyrçylyk we goşgy

meň okyjy hökmünde bir zatlar diýesim gelýär. her bir şahyr, döredijilik adamy öz eseri hakda illeriň näme hakda pikir edýändigi hakynda bilesi gelýändir. eger goşgusy hakynda menden pikir almak isleýän şahyrlar bar bolsa menem bilýänjelerimi aýdaýyn. şahyr bolmak, ýa-da goşgy ýazmak - edil görnüşi ýaly ýa-da diýilişi ýaly aňsat däl. il içinde abraýly görünmek däl şahyrlyk. elbet-de il şahyry sylap biler. ýöne bulary boýun alyp özünihondan bärisi saýýan bolsa, ol şahyryň goşgularyny diňe şu gün okarlar. ýolda geçip barýakaň ýadaýy agyr adam görüp, oň derdine derman bolup bilmän, ençeme günläp ýüregiňe sygdyryp bilmän gezip, soň kagyza içiňi döküp azajygam bolsa derdiňi egsip bilýän bolsaň, iliň pikirine garaşybam oturma, şol hakyky goşgudyr. onsoňam goşgyňy il halamanda näme?! goşgym okalmaýa diýip ýazman gezip bilýän bolsaň, gez. ýöne hakyky şahyr bolsaň, ýazman gezip bilmersiň. gezeňde de hökman içiňde ullakan derdiň bardyr. her setiriňe jogap tapyp bilmeseň goşgy ýazmak nämä gerek. goşgyňda agladym söz bar bolsa, şony ýazan wagtyň, özüň suw-sil aglamadyk bolsaň, okyjynyň näme üçin damagy dolsun, goşgyňy okap otyrka. onsoňam goşgy ýazýan adamyň esasy ylham çeşmesi DUÝGY. ol boldy, by boldy, diýip habarçy ýaly goşgy ýazýan köpelen ýaly birhili. şahyrçylyk habarçylyk däl ahyr. gündelik bolup geçýän zatlary herkimem bilýär. bize, okyjylara görüp bilmeýän zadymyz gerek. ýa-da bir zat diýesimiz gelýär. diýip bilmän ýörüs. şony şahyryň setirlerinden tapyp ýüregimiziň, dünýämiziň giňemegini isleýäris. ýogsa iki sözi kapiýalaşdyryp ýazylan zatlar bilen wagtymyzy almak nämä gerek. ozalam gysga ömür. seniň ýüregiňden syzyp çykmadyk setirleri okap näme üçin biziň ýüregimiz tolgunsyn. näme üçin seň aglamadyk zadyňa biz aglaly. näme üçin seniň 10 esse begenmedik zadyňa biz begenip bileli. şahyrlyk, goşgy ýazmak o diýen aňsat iş däl. başgalaryň derdini pikir edip, nahar iýip otyrkaň, birden işdäň kesilmeýän bolsa, gijeler ukyň gaçmaýan bolsa, adamlaryň ruhuna täsir etmek kyn düşýär. şahyr ýazýan zatlaryny adamyň ýüzüne däl, bir iş salyşmak üçinem aýdanok ahyr. gönüden göni içki dünýäňe seslenýär. bu gaty jogapkärçilikli iş. näme üçin özi çyny bilen gynanmaýan şahyr, meni ýazan zatlary bilen gynandyrýa?! öz duýmaýan zady bilen, meň duýgyma täsir edýän adam, meň ömrüme uly päsgelçilik berýär. söýgi hakda goşgy ýazan birine, çyndanam söýdüňmi, ýa çyndanam aýryldyňyzmy diýip sorasaň, aýýo deň duşlarymyň pikirinden aldym diýýär. men-ä şoňa garşy gaty görseňizem. pikir almak bilen, özüň duýmak düýbünden başgaça. maňa şahyryň dostlarynyň pikiri gerek däl. öz dostlarymda da kän pikir. maňa şahyryň duýýan, we biziň diýip bilmän ýören zatlarymyzy diýmegi zerur. elbet-de onda munda haýyş edip goşgy ýazdyrýandyrlar. gutlamaly bolýar. ýazýansyňyzam. ýöne muny gaýrat edip, goşularyňyzyň hataryna goşmasaňyz gowy bolardy. hakyky şahyr hemmeleriň pikirine gulak asmaly, gerek ýerini peýdalanmaly. meňem diýenlerimde dogry ýeri bardyr diýseňiz, goşgy ýaryşynyň geçýän şu günlerinde şahyrlar birazajygam bolsa, diň salsa indiki tapgyrlarda gowy bordy diýen umyt bilen ... @mezhnun2