Bilmese gerek - öz goşgym

Dostlar, diňläň aýdaýyn, bir gözel söýdüm,
Bu gözler özgäni görmese gerek.
Peri ýüzlim, oň ugrunda men ýanyp köýdüm,
Meni öz günime goýmasa gerek.

Ilkinji söýgim sen, galarsyň şeýle.
Aýly gijelerde çykardyk seýle.
Ýürekler çalt urýar, näme etdiň beýle?!
Bu kalbym sensiz karar tapmasa gerek.

Şirin dillim, sözleri melhemdir jana,
Mawy gözler bilen gülüp bakar maňa,
Bally leblerinden bilmedim gana,
Gijeler düýşimden çykmasa gerek.

Diýdim: "Gülüm, garaş, gitmeli boldum,
Watany terk eýläp uçmaly boldum,
Ylym diýe ençe ýol geçmeli boldum,
Mundan başga pursat bolmasa gerek."

Diýipdiň: "Janym, garaşaryn saňa,
Okuwyň dynyp gel, söz aýt sen maňa.
Ömürbaky wepaly bolaryn saňa,
Gelinçäň günlerim geçmese gerek."

Arada jaňlaşdym, sesi gaýgyly,
"Meni sorap geldiler" - diýdi agyly -
"Bagyşla ezizim, ejiz men, görgüli,
Hudaý meni saňa ýazmasa gerek..."

Maksat diýer, bu dünýäde adalat barmy?!
Elimden zat gelmez, ýanmaly menmi?!
Ol gyz meň maňlaýyma ýazylanmy?!
Hak Alladan gaýry bilmese gerek.

15 Iýun 2010