Türkmen diliniň hronologiýasy #TürkmençeYaz

Türkmen dili häzirki durkuna gelýänçä ençeme döwürleri we tapgyrlary başdan geçirdi. Onuň kämilleşmegi üçin türkmen dilçi alymlary gije-gündiz zähmet çekdiler. Soňky ýüz ýylyň dowamynda bu ugurda geçirilen uly ylmy çäreleriň sanawy şeýle: 1926: Azerbaýjanyň paýtagty Bakuda I. Bütinsoýuz türkologik gurultaý geçirilýär. Onda adalgalar, ýagny terminler meselesinde ilkinji nobatda türki sözlere, soň bolsa arap-pars sözlerine, ýewropa sözlerine esaslanmalydygy nygtalýar. 1930: Türkmenistanda 1-nji ylmy konferensiýa geçirilýär. Onda dildäki adalgalar babatda ilkinji nobatda türkmen sözleri, soňra halkara adalgalary peýdalanmaklyk bellenýär. 1936: Türkmenistanyň I. lingwistik gurultaýy geçirilýär. 1954: Türkmen diliniň orfografiýasyny, terminologiýasyny, punktuasiýasyny düzgünleşdirmek boýunça Türkmenistanyň II. lingwistik gurultaýy geçirilýär. Gurultaýda türkmen edebi diliniň terminologiýasyny düzgünleşdirmek hakda M. D. Annagurdowyň hasabaty boýunça rezolýusiýa kabul edilýär. 1956: Türkmenistanyň Dil we edebiýat instituty tarapyndan taýýarlanan Rusça- Türkmençe sözlügi neşir edilýär. Soňra fizika, matematika, geografiýa, himiýa, geologiýa, oba hojalygy, gurluşyk, lingwistika, botanika, astronomiýa ýaly ugurlarda diliň terminologiýasyny sazlamakda belli ähmiýete...