Gymmatly wagt (hokman oka)

Gymmatly wagt
Öz-özüňize her gün irden 86400 manat berilýändigini pikir ediň. Bu puldan peýdalanmak üçin
agşama çenli wagt berilýär. Puly agşama çenli ulansaň ulananyň, ýogsam köýüp gidýär.
Nädersiňiz?! Elbetde, hemmesini sowmaga howlugarsyňyz. Her
gün irden bize 86400 sekunt wagt berilýär. Şol wagty ýagşy
işler üçin peýdalanyp bilmesek, soň gaýdyp gelmeýär. Her gün
hasabymyz täzeden başlaýar. Şonuň üçin her sekundy öz
wagtynda ulanmak gerek. Wagt gaçyp barýar. Geliň, şu taýda
wagtyň gadyry hakda aýdylan degişme gatançly setirlere ser
salalyň:
Bir ýylyň gadyryny synpyndan galan okuwçydan soraň,
Bir aýyň gadyryny 8 aýlyk çaga dogran eneden soraň,
Bir hepdäniň gadyryny hepdelik gazet çykarýandan soraň,
Bir sagadyň gadyryny duşuşyga garaşýan ýaşlardan soraň,
Bir minudyň gadyryny otla ýetişmedik ýolagçydan soraň,
Bir sekundyň gadyryny awtomobil heläkçiliginden
zordan gutulan sürüjiden soraň,
Bir millisekundyň gadyryny olimpiadada kümüş medal alan
ylgaýjydan soraň.
Her pursady ýerlikli peýdalanyp,
ýekeje minudymyzy hem zaýa etmäliň. Wagtymyzy peýdaly
zatlara sarp edeliň. Unutmalyň, wagt hiç kim üçin garaşmaýar.
Geçen wagt taryh, gelejek bolsa
näbelli bir syrdyr. Diňe häzirki wagtyň özi bize berlen juda
gymmatly sowgatdyr.
Şeýle maslahat berilýär:
Garramankaňyz ýaşlygyňyzyň,
syrkawlamankaňyz saglygyňyzyň,
garyp bolmankaňyz
baýlygyňyzyň, başagaý
bolmankaňyz boş wagtyňyzyň,
ölmänkäňiz bolsa ömrüňiziň gadyryny biliň.
Görşümiz ýaly, ömrümizi tygşytly
we tertipli geçirmäge çalyşsak, onda bolup geçýän köp wakalaryň biziň peýdamyza
boljakdygy ikuçsyzdyr. Şol sebäpden nähili erbet, aňsat ýa-da kyn hem bolsa,öňünden
meýilnama düzüp, şoňa göra hereket etmek has gowy bolar.
Gelejegi üçin şu günden taýýarlyk
görmek pikirinde bolan adamyň
meýilnamaly işlemegi zerurdyr.
Meýilnamaly işlemek ömrümizi gabygyndan ýapragyna,dänesinden miwesine çenli ähli
zady bir derde em bolan peýdaly
agaja öwrer. Derekli zatlar bilen doldurjak bolamyzda bir günüň
aslynda nähili giňdigini, şeýle bir
aňsat doljak hem däldigini göreris. Peýdasyz işlerden el
çekip bolsa, uly-uly işler bitirip
boljakdygyna göz ýetireris.