Hadys Sherif

Ahyrzaman pygamberi Muhammed sallallahu aleyhi we sellem aydypdyrlar:
 
Adamlara tagna kylyjy (kemsidiji), lagnat kerde, bozuk pygylly, pahyş sözli kişi kämil mumin däldir.
 
(Jamygy Tirmizi, 2j, 19 sah.)
 
Bir kişi: iman getirer, dini wezipelerini berjaý eder, onuň golundan, dilinden we başga hereketlerinden musulmanlar salamat we hatyrjem bolarlar. Mumin şoldur. Lagnat kylmak üç hili bolar:
1.„Käfirler, fasyklar (bozuklar) we bidgatçylara lagnat bolsun“ diýip umumy sypat bilen lagnat etmek;
2.Has sypat bilen lagnat etmek. Meselem: „süýthorlara, şugulçylara, töhmetçilere lagnat bolsun“ diýmek ýaly;
3.Belli bir kişiniň adyna lagnat kylmak, meselem: „ataňa lagnat“ (eneňe nälet) diýmek ýaly.
Şu üç kysymdan ilki ikisi mubah bolup, üçünjisi Firgawn (Faraon) we abu leheb ýaly käfirligi açyk mälim bolanlardan başgalara aýtmak haramdyr. Çünki hiç kişi „hatymasyny“ ýagny imanly geçjegini ýa imansyz gitjegini hiç kim bilmez. Wepat bolan merhumlara „Allah rahmet kylsyn“ diýip doga kylmakda imanly imansyzlyga dahylly many bolman „yslam dininde geçen bolsun“ diýmekdir. Yslamda bet doga kylyjylar, gargyş edijiler şu hadys şerifiň hökmüne görä kämil mumin däldir. Resulullahyň hamrhorlary, süýthorlary, özlerini atalaryndan başgalara nisbat berijileri umumy suratda lagnatlamagy musulmanlary şol işlerden gaýtarmak üçindir.