Ependi güldürýär
Oňan söwda
Ependi mal bazaryndan ýaby satyn alypdyr. Ony ýataga goýberip, öňünde bede
bilen suw goýupdyr.Janawar bede-de iýmändir, suwam içmändir.
—Bäý-bä!—diýip, Ependi ýeňsesini gaşapdyr.—Eger hiç zat iýmeýän, hiç zat
iýmeýän bolsa, arabanam çekýän bolsa, diýmek, gowy söwda edipdirin.
Wepalylyk
Ependiniň soňky alan aýaly görmeksizligi-hä—görmeksizligi, üstesine
nakysdan suwjugragam eken. Günlerde bir gün ol Ependä şeýle sowal beripdir:
—Söýgülim, birden men suwa düşüp durkam, gark bolubersem nädersiň?
—Derrew oba kömege ylgaryn.
—Oba gaty daş bolmazmy?
—Men seň üçin ýeriň ol ujuna-da gitmäge taýýar—diýip, Ependi uludan demini
alypdyr.
Jür işgär
—Täze alan işgärimiz niçik?—diýip, başlyk Ependiden sorapdyr.
—Takyk hem jür adam—diýip, Ependi jogap beripdir.
—Muny nämä esaslanyp aýdýaň?
—Her gün işe laýyk ýarym sagat gijä galyp gelýär.
Iç gysar ýaly bolmady
—Ependi aga, täze goýan degişme spektaklymyzy görüp, içiň-ä gysan
däldir?—diýip, režissýor ondan sorapdyr.
—Içiň gysar ýaly bolmady. Ýanymda oturan ýaman ýomakçy adam eken.
Arşivin durumu
● Tam metin
● 27/27 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 2 Ağustos 2012 · Orijinal sayfayı gör ↗
Yorumlar 27
Sag bol dost, gowja degishme! +1
👍👍...
😎
ýomakçy adam eken.
bu name bolyar?
haha, garry diysen garry mojeg-ay 🙂 yashulylar yaly komment yazyan 🙂 Ependini birinji sapar eshidyan yaly 😆
Menem Ependi barada bilýänimi aýdaýyn ýöne degishme däl, göçme manysy bar.
Gazyda bir ýash ýigit Ependä garap:
- Ependi aga keýwanyñ size nahar getirýär.
- Aý maña näme.
- Ony size getirýäler ahyryn.
- Onda saña näme.
Ýus-maryly dost, seniň ýazanyňam gülkünç eken-aý.+1.
haysy sozi bilenok, garry mojek, dost? 🙂
Suwa düshülýän basseýini 400 litr suw bilen doldurýalar. Ertesi gün basseýiniñ suwyny dökenlerinde, 405 litr suw dökülýär.
Sorag: adamlar sheýle utançsyzmyka?
Suwa düshülýän basseýini 400 litr suw bilen doldurýalar. Ertesi gün basseýiniñ suwyny dökenlerinde, 405 litr suw dökülýär.
Sorag: adamlar sheýle utançsyzmyka?
Ýomakçy ýomak aýdýan adam bolýar. Ýagny wäşi, degişgen, ýomak aýdyp adamlary güldürýän. Anekdotda aýtjak bolýan zady Ependi gülküli sahna däl-de, ýanyndaky adamyň aýdyp beren gürrüňlerine gülüpdir eken-dä.
halem az cykypdyr, 450 dagy cykmaly eken 😆 😆 😆
wiy, garry mojek dost, men sen Ependa yomakcy adam eken diyensin oydupdirin 😆
erbet düşünmäng belkem yagyş yagandyr
basseyne sen barsan 500 litrem chykar.
basseyne sen barsan 500 litrem chykar.
menem shony diyjek boldum, bizde yagysh dynman gecdi martdan bari, 2 gun yagyshsyz, acyk bolsa, 8 gun yagysh.. eyy, bey diymelem dal welin, sadagasy gitdigim howa bir acylshyp gidibermedi. yone hudaya shukur, ertir, birigun yagysh yok eken.. ondan anyrda yene bashlaya 4 gun yzly-yzyna...
Ýene-de Ependiden:
Eşegini dikgirdedip barýan Ependini gören üç-dört sany kelpeň ýigidiň baştutany içi güjükli gürrüňi oklap goýberipdir:
—Bäý-bä, Ependi aga, eşegiňizem agynjak özüňize meňzäp dur! Görüň-ä, onuň keýpiniň çagdygyny! Ýorgalaýşy dagam üp-üýtgeşik. Janawara gant-pant satyn alyp beripsiňiz öýdýän?
Kelçik gürrüňe ýanyndakylar pakyrda beripdirler. Şonda Ependi ýigitlere şeýle diýipdir:
—Aý ýok-la... Janawaryň köpden bäri görüşmedik gardaşlaryna duşdugy begenjine jyzzynlaýma endigi bar...