Birnache hadys sherifler
Pygamber aleyhissalatu wesselam aytdy:
Musulman bir hili muşakgat (kynçylyk), hassalyk, gaýgy-hasrat, başga biriniň yzasy, gam-gussa ýetmez, hatda tiken hem batmaz. Eger şu zatlar bolsa Allah tagala şol musulmanyň hatalaryna keffarat kylar.
(Sahyh Buhari, 7j. 2 sah.)
Dünýäde adam oglunyň başyna her dürli agyr bela we külpetler gelmegi mümkin. Çünki bu dünýä muşakgat mekanydyr. Eger adamzat başyna gelen belalara sabyr etse, Allah tagalanyň hökmüne boýunsa, şu işi barabaryna Allah onuň hatalyklaryny bagyşlajakdyr. Biziň musulman milletimizde bir ýaramaz gylyk bar: bir kişiniň başyna düşen bir betbagtlyk onuň günä we şumlugyna, bir bendäni ynjydyp bet dogasyna, gargyşyna galanlygyna çekip il içinde paş edýärler. Hakykat bu biziň şerigaty tanamaýanlygymyzdan, ikinji tarapdan ruhany zulum astynda ezilip ynsanlygy zaýa edenimizdendir. Şeýle taýpalar elmydama wehim we gümanlara mübtela bolup galýarlar. Özlerine erk edip, akyllaryny ulanyp bilmeýärler. Göwünlerine gelenini aýdyp ýörýärler we takdyr syrlaryna gol uzadýarlar. Bu iş çendenaşa edepsizlikdir. Yslam şerigatynda gargyş etmek dogry iş bolmasa, bet doganyň kabul bolýany bilinmese, bet bagtlygy gargyş sebäbine diýmek niçik dürs bolar. Elbetde beýle pikirler we hökümler gümrahlyk we Allah tagalanyň işine gatyşmakdyr. Bir bendäniň başyna düşen musybaty gören ýa eşiden wagty: “Şaýet bu bela sebäpli Allah tagala bu kişiniň derejesini belent eder, hiç bolmasa günälerine keffarat kylar. Her halda munuň haýyr üçin bolan bolmagy mümkin” diýip ýormagy degişli. Musulmanlyk şudur. Kişiniň takdyry derňemegiň deregine her kim öz haly bilen meşgul bolmagy gerek. Edep we ynsan, hoş gylyk şu, çyn muminlik hem şudur.
Arşivin durumu
● Tam metin
● 6/6 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 14 Mayıs 2012 · Orijinal sayfayı gör ↗
Yorumlar 6
Pygamber a.s. aytdy:
Musulman şodur: ýagny onuň elinden we dilinden musulmanlar salamat bolar.
(Sahyh Muslim, 1j. 28 sah.)
Musulmançylygyň rejesi, ülňisi ine şudur. Her kim özüni şu galyba salyp garamaga we öz halyny derňemäge borçludyr. Dil bilen azar ýetirmeýşi ýaly, galamy we başga agzalary bilen hem zyýan ýetirmekden saklanmak lazym.
Yslam dininiň ruhy garyndaşlyk we her iki tarapyň gadyrly gatnaşygyndan ybaratdyr. Şoňa görä, ýer ýüzünde bolan musulmanlar magnawy bir jemgyýet hasabyndadyr. Kuran Kerimiň: “Elbetde muminler dogandyr” (Suraýy Hüjürat, 10-njy aýat) diýen aýatyndan hikmet hem şudur. Din doganlygyň haky her hili şahsy maksatlardan we nefsany matlaplardan (nebis arzuwlaryndan) belent bolmalydyr. Hakykat halda yslam dini sadalygy sebäpli her kimler tarapyndan aýdyň düşünilen döwürlerde musulmanlar din doganlarynyň mertebelerini bilmediler, şonuň üçin hem dünýäde täze bir medeniýet çykarmaga sebäp boldular. Yslam taryhyna belet adamlara bu zatlar açyk mälimdir.
bet! ka wagt bir yerim agyrsa, dowulse kesilse, name uchin agyrya diyemok, men name etdim-de jezasyny chekyan diyyan! eyse jezalaryny barde chekelide, o dunyade ya gabyrda jezalar bular yaly yenil bolmaya...
Synag mekany. Gechen jennete
Synag mekany. Gechen jennete
Hz. Pygamber (s.a.w) şeýle buýurypdyr:
Maňa 6 zady elmydama ýerine ýetirjegiňize söz beriň, men hem siziň Jennete girjegiňize söz bereýin:
1) Gürlän wagtyňyzda asla ýalan sözlemäň
2) Söz bereniňizden soň, sözüňizden dänmäň
3) Size bir zat amanat edildiginde, amanada hyýanat etmäň
4) Gözüňizi haramdan goraň (harama bakmakdan saklanyň)
5) Eliňizi haramdan çekiň
6) Iffet we namysyňyzy goraň
Ýa Ilähi...
Asmandan ýer ýüzüne indirdigiň ýagmyr damjalarynyň sanyça,
Ýer ýüzünde ýarattygyň agaçlaryň we gülleriň ýapraklarynyň sanyça,
Bütün deňizlerdäki topraklaryň sanyça,
Muhammet (s.a.w)'e salat we salam bolsun!!!
Hergun bir temadan hadyslar yazsanyza gowy bolar. Hemme zat ucin sag bolun.