10 borchlar. 10. Musulman bolmadyklaryn önundäki borchlar. Sony.

Musulman bolmadyklaryň öňündäki borçlary

Käfirler we jahyllar Allahyň, Onuň pygamberiniň musulmanlaryň duşmanlary bolsalar hem musulmanlar olaryň öňündäki borçlaryny ýerine yetirmeli we olar bilen adalatly gatnaşmaly. Beýik Allah tagala aýtdy:

8. Eý, iman edenler, Allahyň haky üçin dogry ýoly tutujy, adalat bilen şahadat üçin güwälik beriji boluň! Bir kowumy ýaman görmegiňiz sizi biadyllyga çekmesin. Adalat kylyň. Şu takwalyga ýakynrakdyr. Allahdan gorkuň. Elbetde, Allah edýän amallaryňyzdan habardardyr.
Maida süresi.

Pygamber a.s. kudsi hadysda (Allahyň adyndan pygamberiň aýdany) aýtdy:

“Eý meniň bendelerim! Men Özüme adylsyzlygy haram etdim we size-de haram etdim. Bes, bir-biriňize adylsyzlyk etmäň!”
Muslim

Umuman, käfirleri dört kategoriýa bölseň bolýar:

Birinji bilen, bu – yslama we musulmanlara garşy söweşýän käfirler. Olaryn öňünde musulmanlaryň borçlary ýok. Beýik Allah tagala aýtdy:

9. Allah diňe sizi diniňiz dogrusynda siz bilen urşan we sizi öz diýaryňyzdan kowup çykaran hemde sizi kowup çykarmakda bir-birlerine ýardam beren kimselerden- olar bilen dostlaşmakdan gaýtarar. Kimde-kim olar bilen dostlaşsa, bes, ana, şolar zalym kimseleriň özüdir.
Mumtahina süresi.

Ikinji bilen, bu – musulmanlaryň arasynda gorag gözleýän käfirler. Musulman olary belli bir müddet üçin goramaga borçly. Beýik Allah tagala aýtdy:

6. (Eý, Muhammed), eger müşriklerden haýsy-da bolsa biri sizden hemaýat sorasa, onda, oňa hemaýat ediň, goý, Allahyň kelamyny eşitsin. Soň ony özi üçin rahat boljak ýere eltiň. Bu (höküm) olaryň (hakykaty) bilmeýän (jahyl) kowum bolandyklary üçindir.
Toba süresi.

Üçünji bilen, musulman bilen parahatçylyk ylalaşygynda bolýan käfirler. Musulmanlar edilen ylalaşygy yerine ýetirmeli we onun şertlerini bozmaly däl. Beýik Allah tagala aýtdy:

4. Meger, (eý, iman edenler), siz (bilen) ähti-peýman eden müşrik kimseler soň, (ähtlerinden) bir zady bozmasalar we siziň zyýanyňyza birew bilen hemralyk kylmasalar, onda (siz hem) olaryň ähtlerini bellenen müddetde doly ýetiriň! Elbetde, Allah takwalary söýýär.
Toba süresi.

Dördünji bilen, bulara zimmiler diýilýar. Bulara ýahudylar, hristianlar, zoroastiysiler we beýleki diniň wekilleri bolýar. Olar elmyda musulmanlar bilen musulman döwletlerinde ýaşaýarlar. Musulmanyň olaryň öňündäki borçlary:

1.Musulmanlar olar bilen ylalaşylan şertnamalary bozmaly däl. Allah tagala aýtdy:

91. Ähti-peýman eden bolsaňyz, Allaha beren ähtiňize wepa ediň!
Nahl süresi.

2.Musulmanlar olary yslam dinini kabul etmäge zorlamaly däl. Allah tagala aýdan:

256. Dine zorlap (girizmek) ýokdur. (Indi) hak ýol zelalatdan-nähaklykdan aýrybaşga ýol boldy.
Bakara süresi.

3.Musulmanlar olary öz gol astlaryna alyp goramaly.
4. Musulmanlar, din dogrusynda olary özlerine ýakynlaşdyman, ýagşy gatnaşyk etmeli. Allah tagala aýdan:

8. Allah siziň kalblaryňyz dogrusynda siziň bilen uruşmadyk we sizi öz diýaryňyzdan kowup çykarmadyk kimselerden – olara ýagşylyk etmegiňizden we olara adalatly bolmagyňyzdan gaýtarmaz. Allah adalat edijileri söýer.
Mumtahine süresi.

5. Musulmanlar olaryň edýän günälerini etmäge päsgel bermeli däl, eger olar musulmanlary bu günä işe çagyrmasalar.
6. Musulmanlar olaryn gurbunyň çatmagy işi etmegi we bu işi etmäge zorlamaly däl.