Annasoltan Kekilowa - Ir öçen ýyldyz

Annasoltan Kekilowa

...Men ýeke däl başga-da
adamlar ýaşaýarlar.

Adamyň nesli mydama dowam
edip dur.

Goý, bu gün meniň goşgymy
okamasalar okamasynlar.

Ýöne döwrem adamlaryň
islegem, söýgüsem, ykbalam dürlüdir.

Mümkin ertir... üýtgeşik
ýürekli bir kişi doglar.

Hem meni söýer,pikirlerime
teşne bolar, goşgularymy okar,

Emma barybir ol meni garry
aýalyň keşbinde-de tapyp bilmez.

Menem onuň galyň
dodaklaryndan öpüp minnetdarlyk bildirmek üçin mazaryndan çykyp bilmen.

Şonuň üçinem,

Sen meniň ýaşdaşymmyň, ýa
kiçimiň...

Garaz kim bolaňda-da...

Kalbymda duýgy oýaranyň
üçin,

Minnetdarlyk bildirýärin...

Şeýle
setirleri ol ölmeziniň öň ýanynda ýazyp gidipdir. Bu setirler şahyryň geljekki
nesillere bolan ýüzlenmesidir. Bu onuň özüniň şygyrlarynyň täze nesle hökmany
suratda ýetjekdigine bolan ynamydyr. Ol şol nesli keselhanada ýatyrka hyýalynda
görüpdir. Özüni söýýän, goşgularyna teşne bolup okaýan nesle soň men “minnetdarlyk
bildirmek üçin  mazarymdan çykyp bilmerin”
diýip, şu setirleriň üsti bilen sag bol aýdypdyr. Bu onuň täsin ykbalynyň
hakyky sahypalary.