Gopuz - Kerim Gurbannepesow

“Gumly gelin”

Gum  iline  duşdym  myhman,
Saçak  açdym  gumly  gelin.
Bir  gün  duza  müň  gün  salam,
Kabul  eỳle  gumly  gelin.

Bakyşy  maỳa  bakyşly,
Çöküşi  iner  çöküşli,
Maỳalary  ikörküçli,
Bugralary  jaňly  gelin.
Gumly  gelin,  gumly  gelin.

Dulda  goşa  gar  küỳzeli,
Derde  derman  her  küỳzesi,
Gelinleriň  päkizesi,
Çep  ỳaňagy  meňli  gelin.
Gumly  gelin,  gumly  gelin.

Ỳaỳlasynda  täze  baglyk,
Çanagynda  bekre  balyk,
Kellesinde  elban  ỳaglyk,
Keşdelenen  ỳeňli  gelin.,
Gumly  gelin,  gumly gelin.

Otuz  ỳyldyň  düỳe  çopan,
Çopanlykdan  döwlet  tapan,
Bir seretseň  gülüp  bakan,
Bir  seretseň  gamly  bakan,
Gumly  gelin,  gumly  gelin.

Niredekä  howandary,
Göwün  beren  çopan  ỳary,
Şol  çopanyň  intizary,
Gara  gözi  nemli  gelin,
Meňli  gelin,  meňli  gelin.

Kerim aganyñ âhli go$gylar hem diýseñ ajaýypdyr.ene, ýazmasy agyr bolan go$gy, iki jora, meniñ ýigit wagtym seniñ gyz wagtyñ,döwûr $eýle,bägûlli ýigit ýaly $ygyrlaryñ $ahyrydyr.

 Gopuz
Şu  gün  bir  gyz  gopyz  çaldy, 
Sazynyň  gurbany  bolsam.
Çaldy,  jana  otlar  saldy,
Näziniň  gurbany  bolsam.
Obaň  topar  gyzy  bilen,
Ỳesir  etdi  sazy  bilen,
Garap  galdym  yzy  bilen,
Tozunyň  gurbany  bolsam.
Didaryndan  gandym  diỳmen,
Söỳmesede  döndüm  diỳmen,
Näçe  ỳaksa  ỳandym  diỳmen,
Közüniň  gurbany  bolsa.
Gargasa-da  öz  elinde,
Ỳalkasa-da  öz  elinde,
Gyş  elinde,  ỳaz  elinde,
Ỳazynyň  gurbany  bolsam.
Festiwalyň  toỳun  toỳlap,
Gitdi  ogryn  nazar  aỳlap,
Müň  gözelden  birin  saỳlap,
Özüniň  gurbany  bolsam.

Bu goşgyny aýdym edip haýsy bagşy aýdýar? Kim jogap berjek?