Agza bolmak sistemasy hakda tekliplerim.

Salam hormatly agzalar we myhmanlar!

"Köpçilik **kçylyk" diýen söz ýadyma düshýär. Saýtda soñky döwür her hili agzalar peýda boldy. Ýamanlyk etýändikleri teswirlerinden belli. Agza bolmaklygam wagtlaýynça ýapyldy. Ýöne muny-da uzaga çekip bolmaz. Mende iki sany teklip bar.

1. E-mail arkaly agza bolmak.
Ýagny, agza bolmak üçin anketa doldyrylanda, e-mail adres hökman ýazylmaly. Sebäbi saýt açar sözi shol e-mail adrese iberer. Açar sözi saýtda tassyklap, dolulygyna agza hasabyñy açyp bolar.
Iñ esasy zatlaryñ biride, bir e-mail adresden, iki agza döremeli däl. Muny edip bilsek, her kim iki nik döredip, ýa-da pozulanlarynda ýene agza bolmak kyn düsher. Sebäbi ýene täze e-mail döretmeli bolar. Gysgaça aýtsam, ishi kynlashar. 🙂.

2. Agzalaryñ netijesi bilen blog ýazmak
Bu teklibimi ruslaryñ Habrahabr saýtyndan ogurladym. Ýagny, agza bolanyñdan soñ, güniñe 15 teswir ýazmana limit berilýär. Agzalar teswirleriñi okap, bal bererler. Bal belli derejä ýetensoñ 15 teswir ýazmak limit aýrylar we blog ýazmak mümkinçilik dörär. Bu usuly ulansak, diñe güýçli agzalar galarmyka diýýän.
Ýene bellemeli zatlaryñ biri, teswir ýazanyñ üçin +1 berilmegi hökman däl. Munyñ asla geregi ýok. +1 diñe agzalar ýazan teswiriñe berseler gowy bolar. Ana shonda, kelläñi ishledip bal toplamak bolar.

Meniñ tekliplerim shulardan ybarat. Sizde nähili teklipler bar?