MOLLANEPES
NÄZLI ÝAR
Gara saçyň gije dýiýp, uklap men,
Gündiz eken, çoh armanym, näzli ýar.
Saba-säher wagty diýip, çaklap men,
Çeşmim açsam, arman eken, näzli ýar!
Gel, görüşseň keramatly goluňdan,
Aýlanaýyn dahanyňdan, diliňden,
Gahar etme, golum salsam biliňden,!
Ataşgähi sen, suzanym, näzli ýar.
Tarypyn eşitdim gara gözüniň,
Gedasy men, dostum, güler ýüzüniň,
Zybandan aýrylan her bir sözüniň
Kesgil başym, men gurbany, näzli ýar!
Nepes diýer, yşkym hetden aşypdyr,
Tomaşaňa ulug iller üýşüpdir,
Gözüm açsam, aýym-günüm ýaşypdyr,
Zyndan boldy giň jahanym, näzli ýar.
OWADAN GELIN
Eýran, Turan, arap, ajam ilinde,
Görmedim seniň deý owadan gelin.
Jahan ragnasynda, bagyň gülünde,
Bolmaz özüň kimin gül beden, gelin.
Gözleseň, jan alar gara gözleriň,
Ölini direlder şirin sözleriň.
Alma ýaňaklaryň, güler ýüzleriň,
Şirindir lebleriň miweden, gelin!
Gara üzüm sen, şerbet bilen ýutmaga,
Takat bermez, köňül üzüp gitmäge,
Duzak gurup, aşyklary tutmaga,
Zülpüň başdan-aýak tor eden gelin.
Kamatyň tubudyr, goýnuňda nardyr,
Gerdeniň dutardyr, zülpleriň tardyr,
Jemalyň görmäge gözlerim zardyr,
Görsem gül ýüzüňi sabadan, gelin!
Nepes diýer, aşnalygym ýat olmaz,
Bir görmesem, hergiz köňlüm şat olmaz,
Ýer ýüzünde sen deý periz1at olmaz,
Meger, ýere düşdüň howadan, gelin!
HAÝRANA GALAR
Bag içine ýar sallanyp girende,
Bilbiller saýramaz, haýrana galar,
Keşt edip, serçemen üzre ýörende,
Ganatdan aýrylar, perwana galar.
Aý nurdan aýrylar, gün gökden uçup,
Ýyldyzlar kararsyz çar tarap göçüp,
Saky meý getirer, erenler içip,
Olar ah çekerler, zamana galar.
Şalar ýatabilmez, arzuwda gezer,
Öli balyk görse, jan berer, ýüzer,
Goly bagly gullar zynjyryn üzer,
Söýlemez ýüz düşse, diwana galar.
Gülüp baksa, ol garrylar batlanyp,
Öten günler, ýigit çaglar ýatlanyp,
Gök otlar saralyp, daraht otlanyp,
Asman jünbüş eýläp, lerzana galar.
Nepes, tarypladyň ýaryň jemalyn
Ýel degip, göterdi ýüzde desmalyn,
Hak bermiş ozalda oňa ykbalyň,
Şalar görsem diýip, armana galar.
BÄRI GEL
Saňa düşdi nazarym, söýgüli janan, bäri gel,
Saçy müşk isli ýufar, sünbüli-reýhan, bäri gel.
Gül beden, gülgün reň, dony zerefşan, bäri gel.
Al ýaňak, kirpigi ok, alma zenehdan, bäri gel.
Janyňa sadka olam, bäri gel, eý jan, bäri gel!
Gel, otur gaşymga sen, zowky-jamalyň göreli,
Gül ýüzüň şöhlesine saz bilen söhbet guraly,
Dost gadyryn bileli, duşmany otga uraly,
Dünýä bäş gündür, öter, zowky-sapalar süreli,
Bu ýalan dünýä öter, ötdi-le döwran, bäri gel!
Kä gülüp bäri bakyp, näz bilen sallana sen,
Käte gaşyňy çytyp, her tarapga tolguna sen,
Älemge şöhle salgan türpe ajaýyp sona sen,
Öz ýüzüň şöhlesine, belki, özüň hem ýana sen,
Ýüregim otga ýakan ataşy-suzan, bäri gel!
Duýmasyn gende rakyp, bir ýerde pinhan bolaly,
Jany jan içre goşup, bir tenu-bir jan bolaly,
Maksady hasyl edip meşguly döwran bolaly,
Söýleşip bir-birimiz, ança gadyrdan bolaly,
Bäş gündür siz - bize, biz - size myhman, bäri gel.
Leb gysyp, gaş kakyşyp, mährem olup, gol tutuşyp.
Çolaşyp hem çyrmaşyp, ýag bile süýt deý gatyşyp,
Oýnaşyp, seýre çykyp, ak-gyzyl alma atyşyp,
Göýä bir nowça nahal dek bir-birimize ýetişip...
Kylaly gaýgy-gamy ýer bile ýegsan, bäri gel.
Çekerem her gijelerde ah bilen zaryň seniň,
Menden özge kim çeker derdi-azaryň seniň?
Bermenem ýüz müň tümenge käkili taryň seniň,
Ak göksüňde biten alma-enaryň seniň, -
Tirmesem, ança galar janda köp arman, bäri gel.
Perileriň patyşasy, belli mestana, gözel,
Sen ki bir şamug çyragy, men ki perwana, gözel,
Hulky hoş, labzy şirin, ýüzleri nurana, gözel,
Bagry buz, sözleri uz, dişleri dürdäne, gözel,
Lebi lagyl, geýdigi al, jenneti-ryzwan, bäri gel.
Söwdügim, her sözüňe, şirin jany bereý,
Her nuktaýy halyňa Eýrany-Turany bereý,
Her saçyň bir taryna käpir-musulmany bereý,
Seýr kylyp bakyşyňa Balhy-Badahşany bereý,
Kylaýyn men bu jahany saňa gurban, bäri gel!
Uýalyp, ýerge bakyp, bizden ki iba kyla sen,
Gözleýip göz uç ile, synamga otlar sala sen,
Bir güni öltüre sen, ahyry bu janym ala sen,
Näge rehm etmes sen, halymny özüň bile sen,
Diýr Nepes, köňlüm alan täze gülüstan, bäri gel!
Arşivin durumu
● Tam metin
● 57/57 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 2 Ağustos 2012 · Orijinal sayfayı gör ↗
Yorumlar 57
Prom diyen zadyn dashary yurtda nahili gechyanina bilemok,yone turkmenlerde attestat/diplom uchin edilyan vecher bolmaly;
attestatny vecher diyen zady goldayan,omrunde yekeje gezek bolyan zat,turkmenler dashary yurtlular yaly dal,adam sheklinde belleyaler;
goz onume geldi,on yil/5 yil bile okap,oglan-gyzlaryn dine attestatny vechere garashmaklary intim gatnashyk uchin;
ahlagyn bozuk bolmaly attestatny vecherde sheyle zatlary goz onune getirmek uchin...
(turkmenistan barada geplamizde)
Leb gysyp, gaş kakyşyp, mährem olup, gol tutuşyp.
Çolaşyp hem çyrmaşyp, ýag bile süýt deý gatyşyp,
Oýnaşyp, seýre çykyp, ak-gyzyl alma atyşyp,
Göýä bir nowça nahal dek bir-birimize ýetişip...
Kylaly gaýgy-gamy ýer bile ýegsan, bäri gel.Çekerem her gijelerde ah bilen zaryň seniň,
Menden özge kim çeker derdi-azaryň seniň?
Bermenem ýüz müň tümenge käkili taryň seniň,
Ak göksüňde biten alma-enaryň seniň, -
Tirmesem, ança galar janda köp arman, bäri gel.
---------------------------------------------
Şirmaýy Darak
Dilber, ýazaram waspyň,
Ýandym ki pyrakyňdan.Men teşnäni bir gandyr,Meý berip dodakyňdan.
Ýar kamaty peýkerdirRuhsary onuň zerdir,Älem ki minewwerdir,Göwsündäki akynda.
Baglarga kylam seýran,Aklymny kylyp haýran,Zülpüňni bölüp her ýanŞeýda köňlum seýil gähi.
Çün aşygy-mestanam,Laglyň meýinden ganam,Hem serine gurbanam,Hem gaşy-gabakyňdan.
Mestana Nepes her dem,Özüne dilär hemdem,Tozuň ýüzüme sürtem,Ger çyksa aýakyňdan.
Zary bilen
Toty tekellim bir peri,
Sözlär şeker zary bilen.Şunkar guşum bent eýlemiş,Her zülpüniň tary bilen.
Müşkün saçyn eýläp dügün,Halymny eýläpdir zebun,Razy men, öldürse bu gün.Goýnundaky nary bilen.
Bäh-bäh, ajaýyp simi-ten!Oldur meni mejnun eden.Aklykda bäs eýlär beden,Kyrk çilläniň gary bilen.
Gähi nahal dek çyrmaşyp,Kä öpüşip, kä guçuşyp,Mollanepes diýr, ýantaşyp,Oltursa öz ýary bilen.
Шу сонкы топбак эййам нахили пикирдедигини анладйар.
-----------------------------
Gamzaň oky tenden ötdi,
Bardy, şirin jana ýetdi,
Käpir gözüň talaň etdi
Nury-imana, söwdügim.
Бу топбак болса онун говшагракдыгыны анладйар.
-----------------------------
Шу ёкардакы созлерин оз якынларыныза айдылмагыны ислейан болсаныз Молланепесе бабник далле хакыкы молла диймаге хем хакынынз бар. Галаныны озуниз пикир эдин.
Mollanepes aga, BRATOK ÖÑE!!! BAS, bratela!! Türkmen ýashlary sizi ýatdan çykarmaz, agam!!!
Yshkyñ ody ýyldyrym,
Ýaýy älemgoshardyr,
Mejnun bolup däliräp,
Söýüñ, gara-gözlerim!!
Söýlüñ, gara-gözlerim!! 😉
Sawyer senem öne. Mollanepese ''künti'' diyeniniz bilen pese düşmez. Türkmenin Beyik Şahyry.
sawyer menem sana bashgalar yali diyyan,
biz turkmenler beyle shygyrlary okamaga utanyas.
Mekdeplerimizde Mollanepes gecilyar.
istap ki gozel yary goshgusy meselemmekdep programmasynda bardy.
Mugallym bize ony aydysyk sekline okadardy. Okayan bir gyz we bi oglandy.
Indi men sana diyyan: Senin gyzyn yada uyan okasa yada okatsalar senin garayshyn yenede sular yali bolarmydy?
2. Yokarda goyan goshgyn hem tema we awtor bilen bagly dal
sagja bola
Nakgash, Mollanepes shahyr XVIII-XIX asyrlarda ýashap geçen shahyr. Bilýänsiñ.
Shahyryñ goshgulary shol döwürden shu güne çen gelipdir we bize ýetipdir. Bagshylar onuñ goshgularyny aýdyma goshup, dutarda aýdym edip aýdypdyrlar. Eger onuñ goshgulary sheýle erbet ýa-da ahlaksyzlygy ündeýän bolsa, onda näme üçin halk ony okap, diñläp, shu güne deñiç getirdik-ä? Ýa sho döwürdäki türkmenleriñ ahlagy häzirki döwürdäki türkmenleriñkiden pes boldumyka? Eger sen shu soñky soraga hawa diýip jogap beräýseñ, onda bu gaty NÄDOGRY JOGAP bolar, dost! Häzirki döwürde adamlaryñ nä derejede azandygyny menden gowy bilýänsiñ...
Şygyr düzmekde gözelligi wasp etmekde şygyryň
Diýdim-diýdiformasynda ýazmakda Mollanepesden öňe geçip biljek şahyr täk tükdür.Gündogar edebiýatynda Saady Hafyz ýaly beýikler hemGoftam-goftformasynda ýazan şygyrlary bilen bäsleşip biler Mollanepes hem. Mekdepde okanIstäp ki gözel ýarygoşgymyzy üçin hiç hili uatnç duýmadyk. Ony okap hem erbet ýola baş goşanlary görmedik.Istäp ki gözwel ýary Gördüm ki salamatdyr
baş goýdum aýakynda
turdiýdi ne halatdyr?Turdum `diýdim
arzym bar-arz eýle hekaýatdyrDiýdim
Periler hany -sensiz näderem jänyDiýdi
Bu sözüň bizge ýalgançy hekaýatdyrNähili owadan şygyr.Men muny mekdep ýyllarynda ýat tutdum.
Porno görüp ýören oglanlar Mollanepese k....i diýseler, prosto janyñ ýanýar!!!
😆
Gadyrdan sawyer!
Siz ýokardaky nakgaşyň ýazanyna jogap beräýseňiz!
Mekdeplerimizde Mollanepes gecilyar.
istap ki gozel yary goshgusy
meselemmekdep programmasynda bardy.
Mugallym bize ony aydysyk
sekline okadardy. Okayan bir gyz we bi oglandy.
Indi men sana
diyyan: Senin gyzyn yada uyan okasa yada okatsalar senin garayshyn
yenede sular yali bolarmydy?
2. Yokarda goyan goshgyn hem tema we
awtor bilen bagly dal
Meniñ okan mekdebimde bize shahyryñ diñe Ner Gezgin we Añsa goshgularyny öwredýärdiler. Diýmek, uýamam, gyzymam diñe shol goshgulary okandyr we okar. 😉
Belki ner gezgini okandyr emma soňky nesil haýsylary okar ony biz bilmeýäris!
Gadyrdan!
Gaýrat edip ýazýan zatlaryyzy pikir edip ýazmaga üns beriň.
Gelejek hakda beýle %100-lik ýazmagyňyz siziň aklyňyzy görkezýär!
Has hem ünsli bolmagyňyzy arzuw edýärin!
Siz ýeke goşgy üçin şeýle zatlar diýip %100 garantiýa berýärsiňiz emma 10-20 ýyl öň türkmen gyzlarymyz jinsili gezer diýseler biz hem şeýle diýerdik.
10-20 ýyla şunça zat üýtgeýän bolsa %100-i nädeip berýärsiňiz?!
Gaýrat ediň, edebiýata we edebi eseriň gymmatyna düşünmeýän bolsaňyz, köpçülikde ýürekbulanç zatlary ýazmaň! Eger şolar ýaly pikirde bolsaňyz hem içiňizde saklaň! Meniň bu diýýänim söz azatlygyny çäklendirmek däldir, anyk bilmeýän zadyňyz hakynda beýle kesgitli gürrüň aýtmaň diýjek bolýan. Gaýrat ediň, Mollanepesiň döredijiligi boýunça kän çorba sowadan alymlar bar, şolaryň işlerini okaň, beýle pes netije çykarmaga howlukmaň.
Toba, toba. Olmesen her zat gorjek ekenin. Mollanepese kunti diymage nenen diliniz baryar. Utanyn.
Mollanepes barada Aman Kekilow ylmy iş ýazdy. Ol şol ylmy işinde şeýle maglumat berýär:''Mollanepesiň Zöhre-Tahyr dessanynda 3300 setir goşgy bar. Şolardan 2700 setiri aýdym edilip aýdylýar.Mundan başga-da onuň aýdym edilip aýdylýan goşgularynam hasaba alsaň, onda tas tutuş döredijiligi halk bagşylarynyň repertuarynda diýseňem boljak
Bu maglumat Mollanepese we onuň goşgularyna halkyň söýgüsini doly açyp görkezýän bolsa gerek.
Diýdim:„Meni öltürgil
Ýa posa mürewwet kyl!“
Agzymaga çenäp ýumruk, „Goý, —¨diýdi, — gabahatdyr.“
Umydy-wasyl birlen işikni kiçik açdym,
Gözläp ki eň astyndan,göz ümledi,men düşdüm.
Duşmanlara duýdurmaý,bir lahza habarlaşdym,
„Pinhan ere bar“diýdi,geldi ki,gujaklaşdym...
Diýdim:“Meni yşkyňda
Köýdürme meni,eý jan!
Diýdi ki:“Ýanyp köýmek aşyklara adatdyr“.
Diýdim ki:“Güli-jennet,birdem süreli aşrat...“
Diýdiki ki:“Säher boldy...“ — turdy,diledi rygsat.
„Rygsat ki bereý — diýdim — araga düşer pyrkat“
Ýyglap ki golum tutdy. “Sen çekme, — diýdi, —
hasrat“
Diýdim ki:“Meni öldür
Bu — aýralyk, eý dildar!“
Diýdi: „Saňa bu aşrat her gije zyýapatdyr...“
Ynha şu setirler mekdep programmasynda bardy. Klasda bu goşgyny gyzlar okamak islemediler dinge biri daşynda. Olam bellidi. Bu ýerleri okalanda oglanlardan oooooooow gyzlardan bolsa gyzarmalar utançlar belli boldy.
Indi men ýenede bir gezek soraýaryn. Kim gyzyna mekdepde şu setirleri okamagaýa-da ýat tutmaga rugsat berer?
Men Mollanepese garşy däl. Emma şu setirleriň mekdep prog.da nämesi bar.Shahyrana döredijiligine özüm ýok, emma birhili.
ISTÄP KI GÖZEL ÝARY - Mollanepes