Mubarek hadyslar

Pygaberimiz s.a.w. aydypdyrlar:
 
Doga (ybadat) edeniňizde “şuny Allah tagala hökman kabul eder” diýen ynanç bilen ediň hem-de şuny biliňki: Allah hazretleri gapyl we duýgusyz göwün bilen edilen doga (ybadat)-lary kabul edýän däldigini biliň.
 
Doga diýmek, ybadat bilen Allah tagaladan bir zat dilemegiň arasynda şärik sözdür. Bu hadysdan maksat ybadat etmek ýada bir zat dilemek bolmagy hem mümkindir. Kuranda “Gafyr” surasynyň 60-njy aýatynda “Maňa doga ediň, men kabul ederin” diýen doga sözüni hem şu iki dürli many bilen tefsir edilendir. Ahlak kitaplarynda Allah tagaladan hajat soramak hakynda belli wagtlar, mahsus dogalar we başga edepleri aýdylan hem bolsa, çyn gerekli zat yhlasly göwün bilen Perwerdigäriňe zarlanyp dilemekdir. Eden dogaňdan göwnüňdäki ýaly netije çykmayanda hem Kuran tilawat etmek (okamak), namaz okamak, zikr, tesbihler aýtmak ýaly fazylatly ybadatlardan bolup, bu dünýäde bolmasa ahyretde netijesi bolmagy mümkindir, ýene hem her kim okaýan dogasynyň (edýän dileginiň) manysyna düşünýän dilinde etmek we öz golundan gelenini edip galanyny Allah tagaladan dilemek mynasypdyr, ýagny ekin ekip hasyl dilemek, ybadat edip sogap umyt etmek ýaly ýene hem bir şerti edýän dilegiň şerigata, ynsaba, ahlaga, ynsanyýetlige ters bolmazlygydyr.

 

Pygamberimiz s.a.w. aydypdyrlar:
 
Başyna gaýgy düşen bende yhlas bilen: “Innä lillähi we innä ileýhi rojigun” (biziň özümiz, ähli maşgalamyz hem-de hemme zadymyz Allah tagalanyňkydyr). Biziň hakymyzda öz islän işini eder hem-de ahyretde onuň huzuryna barmalydyrys. “Eý Allah bu gaýgymyň barabaryna boljak sogaby geljek günler üçin saklap duraryn. Munuň deregine sogap ber shu gaýgymy haýyrly zatlar bilen çalşyp” – diýsin.
 
Allah tagala Kuranyň köp ýerinde “sabyry” taryplap, haýyrly işleri sabyr etmek bilen baglaşdyrdy. Hatda “Bakara” surasynyň 148-nji aýatynda sabyry namazdan hem öňde zikr etdi we özüniň sabyrly bendeleri bilen bile ekenligini aýtdy. Ahkaf surasynyň 34-nji aýatynda resulullah hazratlarynyň özüne-de sabyt etmäge buýurdy. Sabyrly bolmagyň pazylatlary hakynda pygamberimiziň hadyslary we ummasyz sogaplar hakynda wadalar juda köpdür. Adamzat üçin gaýgy, hasrat oňaýsyz bolsa-da her bir agyrlygyň astynda bir ýeňillik barlygy sebäpli gaýgylar hem peýdasyz däldir. Musybat her näçe uly bolsa-da, yzba-yz gelse-de şulara garşy bendäniň wezipesi umytsyz bolman belki, “bu işler meniň üçin haýyrly bolsa gerek” diýip ýokardaky “innä lillähi we innä ileýhi rojigun” okap Allah tagalanyň rahtam we kereminden sogap we haýyrlar umyt edip durmakdyr. Kuranda “innä lillähi we innä ileýhi rojigun” sözüniň öňünde “koluw” kelimesi bardyr. Bolsa-da ony okaman “innäden” başlamak mynasypdyr. Çünki “koluw”diýilse özüň aýtman başga biriniň aýdanyny hekaýat etmek manysy çykar.

 

Pygamberimiz s.a.w. aydypdyrlar:
 
Wyždanyňy biynjalyk edýän işleri taşla.
 
Göwnüňe doly makul bolman ikirjiňläp edilýän işler köplenç peýdasyz bolýar. Şonuň üçin resulullah göwün karar tapmaýan, iňkise goýýan işleri etmezlige emr edyär. Bu perman megerem ýagşy-ýamany seljerýän, peýda-zelele ähmiýet berýän adamlar üçin bolsa gerek. Ýogsa ýürekleri bütin garalan ybadatdan we ýagşy amaldan lezzet almaýanlaryň wyždanlarynda karar bolup-bolmazlykda hikmet ýokdur.

 

Berekellah!
+1
Dowamyna garashyas.
Barde oylanma, talyplarda asylly diyip agzalar mowzuklar acypdylar shunyñ yaly.

Lakamdash dost inshallah yzynam yazar duraryn. Bir agzalara peyda getirsem bolany. Bar maksadymam shol.

Sag bol Turkmentalyp!!!

sagja bol,gowja hadyslar,
shu yazyan hadyslaryn beyleki turkmen dilindaki dini saytlarda-da barmyka?bolmasa ugratsan kemem bolmazdy

Size peyda getiren bolsa bolany. Okayanynyz uchin sagbolun. Bu hadyslar bilishime gora internetde yok bolmaly, men dushmadym hich.

Alla razy bolsun talyp agam🙂

<

blockquote>turkmentalyp:
Pygaberimiz s.a.w. aydypdyrlar:
 
Doga (ybadat) edeniňizde “şuny Allah tagala hökman kabul eder” diýen ynanç bilen ediň hem-de şuny biliňki: Allah hazretleri gapyl we duýgusyz göwün bilen edilen doga (ybadat)-lary kabul edýän däldigini biliň.

sagja bol, Tanryyalkasyn